Friday 25 September 2009

ဥစ္စာ ရှာရာ

                

                              ကျွန်မ ရန်ကုန်ကို ခဏ ပြန်ဖြစ်တုန်းက ပြည်ကို သွားချင်တာနဲ့ပဲ ဘာနဲ့ သွားရင်ကောင်းမလဲ စဉ်းစားမိတော့ မစီးရတာ ကြာပြီ ဖြစ်တဲ့ ရထားနဲ့ သွားဖို့ စိတ်ကူးလိုက်ပါတယ် …အဲဒါနဲ့ ရထားနဲ့ သွားလိုက်တာ ရထားပေါ်မှာလဲ အစားအသောက် ဈေးသည်တွေ အပြည့်နဲ့ ခရီးကလဲ မထွက်ရတာ တော်တော်ကြာနေပြီ ဆိုတော့ တော်တော်လေး စိတ်တွေ ကြည်နူးနေခဲ့ သလိုပါပဲ .. ကျွန်မရဲ့အစ်မ ၀မ်းကွဲ တစ်ယောက်က ကားစီးစီး ရထားစီးစီး မူးပြီး အန်တတ်သေးတယ် .. သူက ကျွန်မဘေးမှာ မူးပြီး အန်နေလေတော့ အဲဒီ အချိန် ရထားပေါ်မှာ လိမ္မော်သီးတွေကို ခြင်းကြီးနဲ့ ထည့်ပြီး လိုက်အော်ရောင်း နေတဲ့သူတွေ ကျွန်မတို့ ခုံနား ရောက်လာတာနဲ့လဲ အတော်ဖြစ်ပြီး လိမ္မော်သီး ၀ယ်ကျွေးရင်တော့ အန်ချင်တာ သက်သာလောက်မယ်လို့ တွေးမိ လိုက်တယ် .. လိမ္မော်သီးသည်ကလဲ ကြေငြာ ၀င်နေတော့ စောင့်ရသေးတယ်… သူ့ လိမ္မော်သီး ကြေငြာပုံက “ဟောဒီက လိမ္မော်သီးတွေ သီရိမင်္ဂလာဈေးက အတိုင်း ဒါရိုက်ဈေးနဲ့ ရောင်းပေးနေတာ ၁လုံးကို ၃၀၀ ၊ ၂လုံးယူရင်တော့ ၅၀၀နဲ့ပေးမယ်၊ အေး ၁၀၀၀ဖိုး ၀ယ်တဲ့ မိဘပြည်သူများကိုတော့ ၅လုံး ပေးမယ်ဗျာ ၊ တစ်လုံးကို ၂၀၀နှုန်းပဲ ကျတော့တယ်ခင်ဗျ ၊ ကဲ ဘယ်နားက ယူအုံးမလဲ” ဆိုပြီး အော်ရောင်းပါတယ် …ကျွန်မကတော့ သူ အဲလို မလျှော့ပေးလဲ ၀ယ်ဖို့ စိတ်ကူးရှိပြီးသား ဆိုတော့ လှမ်းခေါ်လိုက် ပါတယ် ..ပြီး ၁၀၀၀ ဖိုး ၀ယ်လိုက်တာပေါ့ .. အပြင်က ဈေးသိလို့ မဟုတ်ပေမဲ့ သူပြောပုံဆို ၁၀၀၀ ဖိုးဝယ်မှ တန်မဲ့သဘော ဖြစ်နေတော့ ၁၀၀၀ဖိုး ယူမယ်ပေါ့ .. ကျွန်မ ရန်ကုန်ကို ပြန်ဖြစ်တိုင်း ဈေးဆစ်ပြီး မ၀ယ်ရဲတဲ့စိတ် ဖြစ်နေတာ ကြာခဲ့ပြီ .. ဘာလို့လဲဆိုတော့ ရန်ကုန်မှာ ဈေးသည် တော်တော်များများ စိတ်ရှည်ရှည်နဲ့ ရောင်းတာ တော်တော်လေး ရှားပါး သလောက်ပါပဲ .. ဈေးသေချာ မကြားလို့ ပြန်မေးရင်တောင် စိတ်မရှည်လို့ ဟောက်ချင်ပါသေးတယ် .. ပိုဆိုးတာ ဈေးက သုံးနေကြ မဟုတ်တော့ ကိုယ်က ”ဘယ်ဈေးလဲ အစ်မရေ..” လို့ မေးလိုက်ရင် သူက “၂၀၀” လို့ ပြောလိုက်ရင် ကိုယ်ကိုယ်တိုင်က ဒီမှာ ကီလို တွေ မစ်တွေနဲ့ သုံးတဲ့ အခါကျတော့ သူတို့ပြောလိုက်တဲ့ ဈေးက အစိတ်သားဈေး ပြောလားမသိ ၁၀သားဈေး ပြောလားမသိ ပြန်မေးလိုက်မိလို့ တစ်ခါက နှစ်ခါဆို ဟောက်လိုက်မှာကလဲ ကြောက်သေးဆိုတော့ ဘယ်လောက် ဘယ်ဈေးဖြစ်ဖြစ် ကျွန်မ ၀ယ်မယ်လို့ စိတ်ကူးသွားရင် ၀ယ်ပစ်လိုက်ပါတယ် .. ကျွန်မကတော့ ဒီမှာ ဈေးသုံးရသလို (fixed price ) ရောင်းတာကို ပိုသဘောကျမိတယ် .. ကိုယ်နဲ့ အဆင်ပြေတာကို စဉ်းစားတာပါ .. ရန်ကုန်မှာတော့ ဆိုင်တွေမှာ ရေသန့်တစ်ဗူး ၂၀၀ အများဆုံး ၂၅၀ လောက်ပဲ ပေးဝယ်ရပေမဲ့ ကျွန်မ စီးချင်တဲ့ ရထားပေါ်မှာတော့ ၄၀၀ အထိတောင် ပေးဝယ်သောက်ရတယ်ရှင့် … (ရေခဲစိမ်ထားလို့ပါတဲ့) ကိုယ်က သောက်ချင်တာကိုး ရာသီဥတုကလဲ ပူလွန်းအားကြီးလို့ ရေခဲလေးမှ စိမ်မထားရင် ရေသောက်နေရတယ်လို့ မထင်မိတော့ ပေးရပါစေပေါ့ …ဈေးသည်တွေကို ကျွန်မ ကြောက်တာလဲ မပြောနဲ့ မှတ်မှတ်ရရ ကျွန်မ သံပုရာသီးဝယ်မလို့ ထိုင်မိရုံရှိသေး ကျွန်မရှေ့မှာ သံပုရာသီးဝယ်နေတဲ့ အစ်မ တစ်ယောက်ကို ဈေးသည် အစ်မကြီးက “ သံပုရာသီးကို အဲလောက် ရွေးနေရင် ၀ယ်မနေနဲ့တော့ ဒီ့ပြင်မှာ သွားဝယ် ” ဆိုပြီး သူရွေးထားတာ လေးတွေကိုလဲ သူ့ဗန်းထဲ ပြန်သွန်ချ ပစ်လိုက်ပါတယ်.. ကျွန်မရှေ့က အစ်မလဲ ”ဟာ ..ဘာဖြစ်လို့လဲ .. ကျွန်မကို သံပုရာသီး မှာလိုက်လို့ ၀ယ်တာ ..ဘယ်လိုဟာ ရွေးရမှန်းလဲ မသိလို့ ကြာနေတာပါ .. အစ်မကလဲ ကောင်းကောင်း ပြောလဲ ရသားနဲ့ ” ဆိုပြီး ပြောပါတယ် .. ဈေးသည်အစ်မ ပြန်ပြောပုံ လေးကလဲ ဘယ်လောက်သင်းလဲဆို ”ဟိတ်.. ဈေးရောင်းနေတာ .. အငြိမ့်မင်းသမီး လုပ်နေတာ မဟုတ်ဘူး.. ဒါ့ထက် ချိုချိုသာသာ မပြောတတ်ဘူး” တဲ့ .. သူတို့ ဘာဆက်ဖြစ်ကြလဲ မသိပေမဲ့ သံပုရာသီးဝယ်မဲ့ ကျွန်မ ဘယ်လိုကနေ ဘယ်လို အဲဒီနဲ့ ဝေးရာကို ရောက်လာလိုက်မှန်း ကိုယ့်ကိုယ်ကို မသိလိုက်ဘူး .. သိလိုက်တဲ့ အချိန်မှာ ကျွန်မ အဲဒီဆိုင်နဲ့ တော်တော်ဝေးဝေးကို ရောက်နေခဲ့ပြီ ..“ Customer is always right ” ဆိုတာ ကျွန်မတို့ နိုင်ငံမှာ ကျင့်သုံးဖို့ မဟုတ်သေးဘူး ဖြစ်မှာပါ ... ဒါကလဲ လမ်းဘေး ဈေးသည်မို့လို့ ထားပါတော့ .. စတိုး ဆိုင်ကြီးတွေ ၊ ဆူပါမတ်ကက်တွေ၊ ဟိုက်ပါမတ်ကက်တွေ မှာလဲ နဲနဲမှ ပတ်မကြည့်လိုက်နဲ့ သူတို့ ၀န်ထမ်းတွေ တစ်ယောက်(သို့) တစ်ယောက်မက နောက်က ပါလာပြီ .. ပြီးရင် ၀ယ်နိုင်ရဲ့လား ဆိုတဲ့ ပုံစံမျိုးနဲ့လဲ ကြည့်တတ်သေးတယ် .. ပစ္စည်းတစ်ခု ခု ၀ယ်ဖို့ ရည်ရွယ်ပြီး သွားခဲ့ရင်တောင် ၀ယ်ဖို့ စိတ်ကူးတွေ ပျောက်ပျောက် သွားဖူးပါတယ် .. ဒါပေမဲ့ ကိုယ်နဲ့ သဟဇာတ မဖြစ်ဖူးထင်ရင် မ၀ယ်ပဲ ပြန်လာခဲ့ပါတယ် .. ဒီကိစ္စတွေက ဘယ်သူ့ကိုမှ complaint တက်လို့ရတဲ့ ကိစ္စတွေမှ မဟုတ်တာ .. ခေါက်ရိုးလဲ ကျိုးနေပြီလေ .. ခုပြောချင်တာက နေ့စဉ် ရောင်းဝယ်နေပါရက်နဲ့ ဗြောင်ကျကျ လုပ်သွားတဲ့ အကြောင်းလေးပါ .. ခုနက ကြေငြာပြီး ရောင်းနေတဲ့ လိမ္မော်သီးကိုလဲ ရန်ကုန်ကို ပြန်ရောက်ရင် ဈေးဆစ်ပြီး မ၀ယ်ရဲတာ အကျင့်လို ဖြစ်နေတော့ (ပိုက်ဆံပေါလို့ မဟုတ်ပါဘူး .. အဟောက်ခံရမှာ ကြောက်တာနဲ့ပါ ..ကြောက်တယ်ဆိုတာကလဲ ကျွန်မက လူကောင်သေးတယ် ဆိုတော့ အားချင်းကလဲ မမျှဘူးလေး-) ဈေးမဆစ်ပဲနဲ့ ၀ယ်လိုက်မိတာ… ခဏနေတော့ ခုနက သကောင့်သားတွေ လိမ္မော်သီး ခြင်းကြီးဆွဲပြီး ကျွန်မတို့ နားကို တစ်ကျော့ ပြန်ရောက်လာပြန်ပါတယ် .. ထပ်ပြီးကြေငြာ ပြန်ပါတယ် … “ ကဲ .. မိဘ ပြည်သူအပေါင်းတို့ ခင်ဗျား .. ဒီတစ်ခါ လိမ္မော်သီးတွေကို ငွေပေါ် ပစ္စည်းဖြတ်မှာမို့ တစ်လုံးကို ၂၀၀ ၊ ၅၀၀ဖိုးကို ၃လုံးနဲ့ ၁၀၀၀ဖိုး ယူရင်တော့ ၇လုံး မေတ္တာ လက်ဆောင် ၁လုံးအပို ပေးတယ်ခင်ဗျ .. ကဲ ဘယ်နားက ယူအုံးမလဲ” တဲ့ … ကျွန်မစားလက်စ လိမ္မော်သီးလေး ပထမ ချိုသလိုလိုနဲ့ စားရင်းနဲ့ ချဉ်သလိုလိုလေး ဖြစ်လာသလားပဲ … မပြီးသေးဘူးရှင့် … ရထားတွဲ တွဲပေါက်စိ လိုက်ရောင်းလိုက်တာ နောက်တစ်ကျော့ ကျွန်မတို့နား ပြန်ရောက် လာပြန်ရော … ဒီတစ်ခါ ကြေငြာပုံ လေးက “ ကဲ.. ဒီတစ်ခါတော့ လိမ္မော်သီးတွေ နဲနဲပဲ ကျန်တော့တာမို့ မိဘပြည်သူများကို အထူး လျှော့ဈေးအနေနဲ့ ဘယ်မှာမှ ၀ယ်လို့ မရနိုင်တဲ့ ဈေးနဲ့ ရောင်းပေးအုံးမယ်ဗျာ .. တစ်လုံးပဲ ယူရင်တော့ ၁၅၀နဲ့ ထားပေးမယ် ခင်ဗျ ..၅၀၀ ဖိုးကို ၄လုံး ပေးမယ်ဗျ .. ၁၀၀၀ ဖိုးအားပေးတဲ့ မိတ်ဆွေများကိုတော့ အထူးနှုန်း ၉လုံးပေးမယ်ခင်ဗျ ” တဲ့ … ကျွန်မ လိမ္မော်သီး လေးတော့ ချဉ်သလိုလို လို့ ထင်တာ .. မဟုတ်ဘူး .. တကယ် ချဉ်လာတာပဲ … ကိုရွှေသကောင့်သားတွေ တစ်တွဲလုံး ပတ်လိုက်တာ နောက်တစ်ခါများ ရောက်လာ အုံးမှာလား တွေးနေတာ … ကျွန်မအတွေးလေးတောင် အဆုံး မသတ်သေးဘူး … ကျွန်မတို့နား ရောက်လာ ပြန်ပါတယ် … ဒီတစ်ခါ ကြေငြာပုံလေးကလဲ မှတ်သားစရာပါ …“ ကဲပါ … ဒီတစ်ခါတော့ ရှေ့ဘူတာဆို ကျွန်တော်တို့ ဆင်းတော့မယ် .. ကျွန်တော်တို့ ခရီးလဲ ပြီးတော့မှာမို့ လက်ကျန် လိမ္မော်သီးလေးတွေလဲ အိမ်ပြန် မသယ်သွားရအောင် အလေးခံ မသယ်တော့ပဲ အရှုံးခံပြီး ရောင်းပေးခဲ့မယ်ဗျ …၁လုံးကို ၁၀၀နဲ့ပဲ ယူ …အဲ ၅၀၀ဖိုးများ ယူရင် ၆လုံးပေးခဲ့မယ်ဗျ … ၁၀၀၀ဖိုး ယူမဲ့ မိတ်ဆွေများကိုတော့ ၁၃ လုံးတောင် ပေးခဲ့မှာဗျ .. ကဲ လက်ကျန်လေး ဖြတ်လိုက်ရအောင် … ဆင်းတော့မယ်ခင်ဗျ” တဲ့ …ကျွန်မတို့ လိမ္မော်သီး ချဉ်ရုံတင် မဟုတ်တော့ဘူး … ခါးလို့ ဆက်တောင် မစားနိုင်တော့ပါလား..

                           “ သမုဒ္ဒရာ ၀မ်းတစ်ထွာ ” မို့ အမြတ်ယူပြီး ရှာဖွေ စားသောက် ရောင်းချရတာကို မပြောလိုပါ … ခုလိုမျိုးကျ တကယ့်ကို ဗြောင်ကျကျကြီးကို ၀ယ်သူတွေကို မလိမ့်တစ်ပတ် လုပ်ရောင်း နေခဲ့တာ … ကျွန်မတို့လို တစ်ခါတစ်ရံ ခရီးသွားသူများကို အကွက်ကျကျလေး အချဉ်ဖမ်း လိုက်တာလို့ ပြောရမယ် ထင်တယ် … အပြန်ကျလဲ ရထားနဲ့ပဲ ပြည်ကနေ ရန်ကုန်ကို ပြန်လာ ဖြစ်ပါတယ် … အပြန်ကျ လိမ္မော်သီး မရောင်း တော့ဘူးရှင့် .. ပန်းသီး ပါတဲ့ … ကျွန်မတော့ အားမပေး တော့သလို သူတို့ကို ကြည့်လဲ မကြည့်ဖြစ်တော့ပါ … ( တစ်ခါသေဖူးသွားပြီကိုး …)


                           ကျွန်မ အသွားတုန်းက ၀ယ်စားဖြစ်တဲ့ လိမ္မော်သီးပုံ နဲ့ အပြန်မှာ မ၀ယ်စားဖြစ်တော့တဲ့ ပန်းသီးပုံလေးတွေပါ… ကျွန်မ၀ယ်စားခဲ့တဲ့ လိမ္မော်သီးတွေ အဲလောက် မလှဘူး… ကျွန်မ ပို့စ်ကို လာဖတ်တဲ့ သူငယ်ချင်းများကိုတော့ လှတာလေးတွေ ဖတ်ရင်းနဲ့ စားချင်လဲ စားလို့ရအောင် ဒီဆိုဒ် ကလေးကနေ ရှာပြီး တင်ပေးလိုက်တာပါ …


                           ပို့စ်လေးကိုလဲ ကိုယ် “အ” လို့ ကိုယ်ခံရတယ်ပဲ သဘောထားရင်း ကြေငြာ ကောင်းပုံလေးကို မျှဝေလိုက်တာပါ … (မှတ်သားစရာ တွေကလဲ ပါတယ် ဆိုတော့လေ ..) ဘယ်သူ့ကိုမှ အပြစ်တင် လိုစိတ်နဲ့ ရေးလိုက်တာ မဟုတ်ပါ … အပြစ်တင်ချင်းတင်ရင် ကိုသူရိန်ကိုပဲ တင်ကြပါ… ဘာလို့လဲဆိုတော့ ကိုသူရိန်ရဲ့ ဘလော့ဂ်လေးမှာ အဟောင်းလေးတွေ ၀င်မွှေ ဖတ်လိုက်တာ ပန်းသီးသည် အော်ရောင်းပုံ ရေးထားတာနဲ့ ဆရာဇော်ဂျီရဲ့ ကဗျာလေးတွေ အမှတ်တရ တင်ထားတာ တွေ့လိုက်တော့ ဆရာဇော်ဂျီရဲ့ ဥစ္စာရှာရာ ဆိုတဲ့ ကဗျာလေးကို ဖတ်မိပြီး ကျွန်မ ခရီးသွားတုန်းက ဥစ္စာရှာကြပုံလေးကို သတိရလိုက်မိလို့ ရေးလိုက်တာပါ …

ဆရာဇော်ဂျီရဲ့ ဥစ္စာရှာရာ ဆိုတဲ့ ကဗျာလေးပါ …

မလိမ့်တပတ်၊ ခေါင်းပုံဖြတ်၍
အနပ်အပါး၊ မြတ်ကြီးစား၍
သနားကင်းမဲ့၊ ကိုယ်ကျိုးငဲ့၍
ရာခဲ့မသမာ၊ ထိုဥစ္စာ၌
မခွာမခွဲ၊ အရိပ်မည်း။

ကိုယ့်ထူးကိုယ်ချွန်၊ ကိုယ့်အားသွန်၍
ဖြောင့်မှန်တရား လက်ကိုင်ထား၍
သနားမေတ္တာ အလေးသာ၍
ရှာရသမျှ ထိုငွေစ၌
ဖိုးလမုလေး စမ်းရေအေး။

                                ကျွန်မတော့ ကဗျာလေးကို အရမ်းသဘောကျမိတယ် … ကျွန်မက ကဗျာတွေ ကြိုက်တတ်ပေမဲ့ သူတို့တွေက ကဗျာတွေ ခံစားနေရလောက်အောင် အချိန်မပေးနိုင်တာလဲ ဖြစ်နိုင်ပါတယ် …ကျွန်မ တွေးမိသမျှ ရေးကြည့်တာပါ ... ခေါင်းစဉ်လေးကိုလဲ ဆရာဇော်ဂျီရဲ့ ကဗျာ ခေါင်းစဉ်လေး ယူပြီး ဂါရ၀ပြုလိုက်ပါတယ် ... (ခေါင်းစဉ်ရော ကဗျာလေးရော အရမ်းကြိုက်လို့ပါ ...)


Friday 18 September 2009

အလွဲများစွာ ကျွန်မကမ္ဘာ

လူ့လောက မရောက်ခင်
                               
                               ကျွန်မမေမေက ကျွန်မအထက် သားသမီးလေးယောက်မွေးပြီးတော့ ကလေးထပ် မယူတော့ဘူးဆိုတဲ့ အစီအစဉ်နဲ့ ဆေးရုံကို သွားပြီး ကလေးမရတော့အောင် သွားလုပ် ပါတယ်..ဆရာဝန်က စမ်းသပ် စစ်ဆေးကြည့်ပြီးတော့ ခင်ဗျားသေချာအောင် စောင့်ကြည့်ပါအုံး ဆိုလို့ စောင့်ကြည့်ရင်းနဲ့ ကျွန်မတစ်ယောက် သူ့ဗိုက်ထဲမှာ ရှိနေမှန်းသိလို့ မလုပ်ဖြစ်တော့ပဲ လူ့လောကကို ရောက်ရှိ လာခဲ့ရပါတယ်.. ကျွန်မဖေဖေက ကျွန်မ ငယ်ငယ်အရမ်း ဂျီကျတဲ့အခါမျိုးဆို ” မင်း ကံကောင်းလို့ လူ့လောက ရောက်လာတာ သိပ်ပြီး ဂျီကန်မနေနဲ့ “ လို့လဲ ပြောတတ်သေးတယ် .. မမွေးခင်ထဲက လူ့လောကကို မမျှော်လင့်ပဲ လွဲမှားစွာ ရောက်လာ ခဲ့တယ်…

အနေအထိုင်
                            
                               ကျွန်မ ငယ်ငယ်က အစ်ကိုတွေကြားမှာ ကြီးပြင်းခဲ့ရသူမို့ ယောက်ကျားလေးဖြစ်ချင် ခဲ့သေးတယ်… ကျွန်မကို မိဘတွေက သမီးလို့ခေါ်ရင်လဲ အရမ်းစိတ်ဆိုးတယ် .. သားသားရေ လို့ ခေါ်မှ ကျွန်မ ပြန်ထူးတယ် .. ယောက်ကျားလေးလို နေပြီး ယောက်ကျားလေး ဆော့တဲ့ ဘောလုံးကန်တာတို့ စွန်လွှတ်တာတို့လဲ သဘောကျခဲ့ဖူးတယ် .. ကျွန်မရဲ့ယောက်ကျားလေး ဖြစ်ချင်စိတ်ကို တွန်းအား ပေးတဲ့ ကပ်လျက် အထက်ကအစ်ကို တစ်ယောက်ကလဲ ကျွန်မကို ယောက်ကျားလေးပဲ ဖြစ်စေ ချင်ခဲ့ပြီး သူကိုယ်တိုင်လဲ ကျွန်မကို ညီလေးလို့ပဲ ခေါ်ခဲ့ဖူးတယ် .. ပြီးတော့ သူတတ်တဲ့အတတ် ပညာတွေဆို အကုန်သင်ပေးချင်စိတ်လဲ ရှိနေခဲ့ဖူးတယ်.. မှတ်မှတ်ရရ သင်ပေးတာလေးတစ်ခု ကတော့ သူ ၈တန်းနှစ် ကျွန်မ ၆တန်းနှစ်မှာ သူက ကွမ်းယာစခိုးစားကာစ ကျွန်မစားကြည့်မယ် ပူဆာလို့သူက စားဆိုပြီးကျွေးတာကွမ်းယာထဲမှာလဲ ဆေးရွက်ကြီးတွေ ပါတော့ ကျွန်မမှာ ချွေးသီးချွေးပေါက်တွေ ပြန်ပြီး အော့ချင်သလို အန်ချင်သလိုနဲ့ မရှူနိုင်မကယ်နိုင်ဖြစ်နေတာ လူကြီးတွေလဲ သိသွားရော ကျွန်မဖေဖေဆိုတာ ကလေးကို ဒီလိုလျှောက်လုပ်ရပါ့မလား ဆိုပြီး ဘာပြောကောင်းမလဲ ကျွန်မအစ်ကို ကို ငါးဒဏ်သားကျွေးလိုက်တာ..တော်တော်အီစလံဝေ သွားတယ် သူ့ခမျာ .. အဲဒီကွမ်းမူးတဲ့အရသာ ဘာနဲ့မှ မတူအောင် တော်တော်ဆိုး တာပဲ .. အဲဒီကတည်းက မှတ်သွားလိုက်တာ .. ကွမ်းစားကြည့်ဖို့ စိတ်ကူးမရှိတော့ဘူး ..ကျွန်မ ၈တန်းလောက်ထိအောင် ယောက်ကျားလေးစိတ် သိပ်မပျောက်ပါဘူး.. ကျွန်မဖေဖေမကြိုက်လွန်းလို့ ပြုပြင်ယူမှ ဟိုမရောက် ဒီမရောက်ဖြစ် နေခဲ့တယ်.. ”တော်တော်ကြည့်ရ ဆိုးတယ်ကွာ.. ဟိုမရောက် ဒီမရောက်နဲ့” လို့လဲ ပြောလေ့ ရှိပါသေးတယ်.. ဖြစ်တော့သာ မကြိုက်တာ ဖြစ်စေချင်ခဲ့တာ ကျွန်မဖေဖေပဲ ထင်တယ် ကျွန်မကိုဆို တော်တော်အရွယ်ရလို့ မိန်းကလေးပုံ ဖြစ်လာတဲ့တိုင်အောင် ဆံပင်ရှည် ပေးမထားခဲ့ဘူး..(အကြောင်းပြချက်ကတော့ ရည်းစားထားမှာစိုးလို့တဲ့..) ကျွန်မ စဉ်းစားကြည့်တာ ဘာမှလဲ မဆိုင်ဘူးနော်.ကျွန်မဆံပင်တွေ ဘယ်လောက်တိုအောင် ခေါ်သွားဖြတ်ပေးလဲဆို ကျွန်မငယ်ငယ်တုန်းက ဓါတ်ပုံတွေကိုကြည့်ရတဲ့ သူငယ်ချင်းတွေဆို ကျွန်မကို ပြောင်လွန်းလို့ ကျွန်မသူငယ်ချင်း တွေကို အိမ်ခေါ်လာလည်မယ်စိတ်ကူးရင် ဓါတ်ပုံတွေ ၀ှက်ရတာ အလုပ်တစ်ခု ဖြစ်နေခဲ့တယ် .. ကျွန်မသူငယ်ချင်းတွေကလဲ ကောင်းကောင်း ထောပနာပြုတတ်ကြတယ် .. “ နင့် ကေကရှေ့ တစ်လက်မ နောက်ပြောင်ကေနဲ့ “ တဲ့ .. ဖေဖေ့ကို စိတ်မဆိုးရဲတော့ ကျွန်မ ဖေဖေညှပ်နေကျ ဆံပင်ညှပ်ဆိုင်က လူကြီးကိုပဲ စိတ်ထဲကနေ အမျိုးမျိုးကြိမ်ဆဲ နေမိတယ်.. ကျွန်မ အခုတော့အိမ်နဲ့ ဝေးနေကတည်းက ကိုယ့်စိတ်ကြိုက် ကိုယ်လုပ်ချင်တာလုပ်လို့ ရပြီဆိုတော့ ပထမဆုံး ဆံပင်ကို ရှည်နိုင်သလောက်ရှည်အောင် ထားကြည့်တယ် .. ထားကြည့်ပြီးတော့လဲ ဘာမှတော့ မဟုတ်ပါဘူး.. ခုတော့ ခေါင်းလျှော်ရတာ အဆင်မပြေလို့ ဖြတ်ပစ်လိုက်တယ်..နိုင်နိုင်နင်းနင်းပဲ ထားလိုက်တော့တယ်..နောက်တစ်ခု ငယ်ငယ်ကမလုပ်ရတာ လုပ်ကြည့်တာ ရှိသေးတယ်…အိမ်ကနံနက် ၆း၀၀ နာရီ ထက် နောက်ကျပြီး အိပ်ယာထရင် မကြိုက်လို့ အမြဲ စောစောထရတယ်… အဲဒါတော့ အိမ်နဲ့ ပထမဆုံးဝေးလို့ ကျောင်းသွားတက်ရတဲ့ အချိန်မှာ စပြီးအတိုး ချကြည့်ပါတယ်.ကိုယ်စိတ်ကြိုက် ထချင်တဲ့ အချိန်မှ ထပါတယ်..အပြင်ဆောင်ဆိုတော့ အေးဆေးပဲလေ.. အကျိုးရလဒ်ကတော့ ၉း၀၀ နာရီတက်တဲ့ ကျောင်းမမီလို့ အတန်းထဲကိုကုပ်ချောင်းချောင်းလေး ၀င်ပြီး နောက်ဆုံးလွတ်တဲ့ခုံလေးမှာ ၀င်ထိုင်ရတာပဲ အဖတ်တင်ခဲ့တာပါပဲ … မလုပ်ခဲ့ရဘူးလို့ စိတ်ထဲမှာ ဖြစ်နေခဲ့ဖူးတာတွေကို လုပ်ခွင့်ရလို့ လုပ်ကြည့်တော့လဲ တကယ်တမ်းတော့ ဘာမှ မဟုတ်ပါဘူး.. စိတ်ထဲမှာ လွဲမှားနေတဲ့ စိတ်ကူးတွေကိုပဲ ပြန်တွေ့ရပါတယ်..တကယ်တမ်းတော့ ဘာမှမဟုတ်တာကို အဟုတ်လုပ်ပြီး စိတ်ထဲမှာ နှစ်ပေါင်းများစွာ သိမ်းဆည်းထားတဲ့ လွဲမှားမှု တွေပါ…. ဒါပေမဲ့ ကိုလုပ်ချင်တာလေး လုပ်တဲ့ခဏတော့ စိတ်ချမ်းသာလိုက်တာ အမြတ်ဖြစ်မယ်...

အပြောအဆို
                         
                               နဂိုက ဟိုမရောက် ဒီမရောက်ကြီးပြင်းခဲ့တဲ့ ကျွန်မ (အဲဒီ ကျွန်မ ဆိုတာကြီးကိုပဲ စဉ်းစားကြည့် တိုင်းစိတ်ပျက်မိတယ် ..) တစ်ခါမှ မပြောဖူးသလို သုံးဖူးတာလဲ ဒီဘလော့ဂ်စလုပ်မှ မြန်မာစာ မြန်မာ့စကားကို အလေးထားတဲ့အနေနဲ့ မသင့်တော်ပါဘူးလေ ဆိုပြီး ကျိတ်မှိတ် သုံးကြည့်ရတဲ့ အဖြစ်ပါ..ကျွန်မ ဆိုတာကို ဘာသာပြန်ကြည့်တိုင်း ကျွန် - မ လို့ ဖြစ်နေတော့ စိတ်ထဲမှာ သုံးရတာလဲ တော်တော် မကောင်းတဲ့ အဓိပ္ပါယ်ပဲလို့ စဉ်းစားမိနေတယ် ..(ကျွန်မ အမြင်ကို ပြောတာပါ ..သူများတွေ သုံးတာကိုလဲ ဘာမှ မပြောလိုပါ ..ကိုယ့်ခံစားချက် သက်သက်ကိုရေးလိုက်တာပါ..) အပြင်မှာ ဆိုရင်တော့ တတ်နိုင်သလောက် နံမည်ပဲ ထည့်ပြောလိုက်တယ်.. နံမည်ထည့်ပြောရ လောက်အောင် မရင်းနှီးသူများ ကိုကျတော့ မန္တလေးသူလဲ မဟုတ်ပါပဲနဲ့ မန္တလေးသူတွေပြောတဲ့ ကျနော် (ကျွန်တော်.. ကျွန်ဖြစ်ရတာချင်း တူရင်တောင်တော်တယ်ဆိုတော့ မဆိုးသေးဘူး စဉ်းစားရင်း) ဆိုတာကို ယောက်ကျားလေးစိတ်လဲ မပေါက်တော့ပဲနဲ့ သဘောတကျ သုံးကြည့်ခဲ့ဖူးတယ် ..ခုတလော ဖြစ်လာပြန်တာ နေသားတကျ သုံးနေရင်းကနေ မန္တလေး ရွှေမြို့တော်သူများ ကျနော်ပြောခြင်းရဲ့ အကြောင်းအရင်းဆိုပြီး ဖော်ဝပ်မေးလ်တွေ ၀င်လာပြန်တော့ သုံးရတာမင်းတုန်းမင်းကြီး အကြောင်း ကြားပြီး ကျောချမ်းလာလို့ မသုံးချင်ပြန်ဘူး .. နံမည်သုံးပြောလောက်အောင်ထက် ပိုရင်းနှီးသူများကိုတော့ စိတ်ရှင်းရှင်း နင် ၊ ငါ လို့ပဲ ချလိုက်တာပဲ.. အပြောအဆိုမှာလဲ အဲလိုပေါက်ကရတွေ စဉ်းစားပြီး ကဂျိုးကဂျောင်နဲ့ ကြီးပြင်း လာခဲ့ပြန်ပါတယ် .. (ကိုသားကြီး ပြောသလို ကျွန်မလဲ ကြီး ပြင်းတာပါ.. ကြီး ပျင်းတာမဟုတ်ပါဘူး..)

အစားအသောက်
                       
                            ပြန်စဉ်းစားကြည့်တာ ကျွန်မ ငယ်ငယ်က အစားအသောက်လဲ တော်တော်ဂျီးများခဲ့ဖူးတယ် ကျွန်မတော်တော် အရွယ်ရနေပြီ ၁၀တန်းလောက် ရောက်တဲ့ထိအောင်လဲ ငရုတ်သီး လုံးဝ မစားဘူး.. မစားတာမှ ဟင်းကို အရောင်တင်ငရုတ်သီးနဲ့ ထည့်ချက်ရင်တောင် အိမ်ကို အမျိုးမျိုး ပြဿနာတွေ ရှာပြီး ဟင်းဖတ်ကို ရေဆေးစားရတာ အလုပ်တစ်ခု .. ဘယ်ကျမှ စ စားဖူးလဲဆို တော့ ကျွန်မ အိမ်နဲ့ဝေးလို့ကျောင်းသွားတက်တော့ ကျွန်မတက်တဲ့ ကျောင်းရဲ့ သုံးပုံ နှစ်ပုံက ရခိုင်လူမျိုးတွေ ရှိပါတယ် ..အဲဒီ မြို့ကိုရောက်မှ ပထမဆုံး ငရုတ်သီးစ စားတာ သဘောင်္သီးသုပ် သူတို့အခေါ် တောသုပ်တဲ့ …. မန်ကျည်းမှဲ့ ငရုတ်သီးစိမ်း ငပိတွေနဲ့ သုပ်ထားတာပါ .... ပဲမှုန့်မပါတာကို တောသုပ်ခေါ်တယ် ထင်ပါတယ်.. ငရုတ်သီးမစားဖူးတဲ့ ကျွန်မ စ စားတော့လဲ အဲဒါက စ စားတော့ ကျွမ်းပစ်ချင်လောက်အောင်ကို စပ်ပြီး ခေါင်းတစ်ခုလုံးလဲ တူနဲ့ထုထားသလို ခံစားရတဲ့ အစားအစာ.. ဒါပေမဲ့ ဘာက စွဲဆောင်ထားမှန်းမသိဘူး.. ကျွန်မပါးစပ်ထဲ တော်တော် အရသာ ရှိနေခဲ့ပြီး ရေခွက်ကြီး ဘေးချ မျက်ရည်တွေ နှာရည်တွေ သုပ်ပြီး ရအောင် စားခဲ့ဖူးတယ်.. အဲဒီမြို့လေးက အဲဒါကနေစပြီး ကျွန်မကို စွဲဆောင်သွားတာ ရခိုင်သူငယ်ချင်းတွေ သုပ်ကျွေးတဲ့ ရေခူသုပ် ၊ ကန်ဇွန်းရွက်သုပ် ပြီးတော့ ရခိုင်သုပ် ဆိုပြီး မုန့်ဟင်းခါးဖတ်ကို သုပ်တာရယ် (မုန့်တီသုပ်လဲ ခေါ်တယ် ထင်တယ်) အားလုံးက ငရုတ်သီး မပါရင် အစားအစာ မဖြစ်တဲ့ ရခိုင် အစားအစာတွေလဲ အဲဒီမြို့လေးရောက်မှ စားဖူးပြီး ၁၆နှစ်လောက် မစားခဲ့တဲ့ ငရုတ်သီးကို ကြိုက်နှစ်သက် သွားဖူးတယ် .. ပြီးတော့ နံနံပင်တို့ ကြက်သွန်ဖြူတို့ ကြက်သွန်နီတို့ အနံ့နဲနဲ ပြင်းတာတွေဆို စားမကြည့်ပဲနဲ့ မကြိုက်ဘူး ဆိုပြီး နှစ်တွေ အတော်ကြာတဲ့ထိအောင် စားကြည့်ဖို့ မကြိုးစားခဲ့ဘူး .. ခုတော့ စားတတ်နေပါပြီ.. အဲလို အနံ့ပြင်းပြင်းတွေကို မကြိုက်တဲ့ ကျွန်မက ကျွန်မတို့ တစ်အိမ်သားလုံး ခေါင်းမူးလောက်အောင် နံတယ် ပြောတဲ့ ဒူးရင်းသီး ကျတော့ ကြိုက်နေခဲ့ ပြန်သတဲ့.. ကျွန်မကပြီးကျ တစ်အိမ်သားလုံးကို ညစ်ကျယ်ကျယ်နဲ့ ပြောတတ် သေးတယ် .. ဒူးရင်းသီး မကြိုက်တာ တောသားမို့လို့ လို့.. (ကျွန်မ အိမ်က မိသားစုကိုပဲ ပြောတာပါ.. ကျန်တဲ့ သူငယ်ချင်းတွေကို ပြောဘူးနော်.. မကြိုက်ချင် မကြိုက်လို့ရပါတယ်..) ကျွန်မက ကိုယ့် ကိုယ်ကိုပဲ စဉ်းစားကြည့်တာပါ.. တလွဲတချော် ဖြစ်တာလေးတွေ ကိုပါ …. ကျွန်မ တစ်ယောက် မစားဖူးတဲ့ အရာတွေကို စားကြည့်ပြီးမှ ဆုံးဖြတ်ဖို့ စိတ်ကူးမရှိတဲ့ သူက အခု ရောက်ရှိနေတဲ့ နေရာက လူတွေရဲ့ စားသောက်မှုနဲ့ ချက်ချင်း သဟဇာတ မဖြစ်ခဲ့ပြန်ဘူး .. ကျွန်မတို့ဆီမှာ စွယ်တော်ရွက်တို့ ၊ ရွက်လှရွက်တို့ဆိုတာ ပန်းပင်အနေနဲ့ပဲ သိထားခဲ့ပြီး စွယ်တော်ရွက်ဆိုလဲ ငယ်ငယ်က စာအုပ်ကြားထဲ ညှပ်သိမ်းခဲ့ပြီး အခြောက်ခံပြီး သိမ်းထားမယ် .. ရွက်လှဆိုလဲ တစ်ခါတစ်ရံ ဘုရားပန်းတင်ဖို့ ဆိုပြီး သုံးမယ် .. အဲလို သိထားတဲ့ အရွက်တွေကို ဒီက သူတွေက ဟင်းလုပ်ပြီး စားပြန်တယ် .. သူတို့ဆီမှာ အရွက်ဟူသမျှ စားကောင်းတဲ့ အရာလို့ သတ်မှတ် ထားသလောက်နီးပါး ကျွန်မ နံမည်မခေါ်တတ်တဲ့ အရွက်တွေကိုလဲ အစိမ်းတစ်မျိုး ၊ ချက်လို့တစ်မျိုး စားကြပြန်တယ်.. ဍ ရွက် (ဒရင်ကောက်ရွက်) ဆိုတာလဲ ရှိသေးတယ် .. ၀က်သွေးတွေ ကိုလဲ အစိမ်းတွေနဲ့ ကျွန်မ နံမည် မသိတဲ့ အရွက်ပေါင်းစုံနဲ့ နယ်ပြီးလုပ်စားတဲ့ အစားအစာလဲ ရှိသေးတယ် ..အသား ငါးကတော့ ရှင်းတယ် ကြက် ၊၀က် ၊ငါး ၊ ကလွဲရင် ထူးထူးဆန်းဆန်းဆို ဘာမှ စားမကြည့်ဘူး .. ပင်လယ်စာ ဖြစ်တဲ့ ရေဘ၀ဲတို့ ဂဏန်းတို့ ခရုတို့ကို စိတ်ကူးထဲ စာကြည့်ရုံနဲ့တင် allergy ဖြစ်သွားလို့ တစ်ခါမှ စားကြည့်ဖို့ မကြိုးစားခဲ့ဖူးပါ.. ကျွန်မကိုယ်တိုင်က အဲလို ထူးထူးဆန်းဆန်းဆို စားလဲကြည့်ဖို့ စိတ်မကူးပဲနဲ့ စိတ်မ၀င်စား တတ်သူ ဆိုတော့ ( ကိုယ်သိထားတဲ့ အသုံးဝင်မှု ဥပမာ ..ပန်းပင် ဒါမှမဟုတ် ဘုရားပန်းလို့ လက်ခံထားတဲ့ အရွက်တွေကို စိတ်ကူးနဲ့ စားကြည့်တာ စိတ်ထဲမှာ တစ်မျိုးဖြစ်နေလို့) တစ်ခါမှ စားမကြည့်ပါ.. သူများကိုတော့ မဝေဖန်ပါ…. ကိုယ် စိတ်ရဲတာပဲ ကိုယ်စားသုံးပြီး လွဲနေတာ လေးတွေကို တည့်အောင် နေကြည့်ပါတယ်.. ခုတော့လဲ ကိုယ်နေတတ်သလို နေလိုက်တာ နေသားကျ လာပါ တယ်….

စိတ်ကူးယဉ်ကြည့်တဲ့ အကြောင်းအရာ
                         
                      ကျွန်မကို စွဲဆောင်မှုတွေ အများကြီးပေးခဲ့တယ်လို့ပြောခဲ့တဲ့ မြို့လေးက ရာဇ၀င်တွေ သမိုင်းတွေနဲ့ ရှိနေပြီး သမိုင်းဝင် စေတီတွေလဲ တော်တော် များများရှိတဲ့မြို့၊ တောမကျ မြို့မကျနဲ့ ကျွန်မကိုတော့ တော်တော်လေးဆွဲဆောင်နိုင်ခဲ့တယ် (မြို့မကျလို့ ပြောရင် အဲဒီ မြို့သားစစ်စစ် တွေက စိတ်ဆိုးလိမ့်မယ်..ဆိုလိုချင်တာက မြို့တော်ကြီးတွေလို ဆူညံ ရှုပ်ယှက်ခတ်ပြီး နားမငြီး မျက်စိမနောက် တာကို ဆိုလိုခြင်းပါ..)ရန်ကုန် ၊မန္တလေးတို့လို မြို့တော်ကြီး မဟုတ်ပေမဲ့ ခေတ်ကို အမီလိုက်နိုင်တဲ့ မြို့ကလေးပါ..သဘောကျတဲ့ အဓိက အကြောင်းအရင်းကလဲ မြို့တော်ကြီး တွေလို ဆူညံမနေပဲနဲ့ ခေတ်နဲ့ အညီဘာမဆို ရရှိနိုင်တာလဲ ပါတယ် .. အစားအသောက်လဲ စားချင်တာ တော်တော်များများ အဆင်ပြေလို့ ညဈေးတန်းလေးလဲ ရှိတော့ ကျွန်မ စဉ်းစား ထားဖူးတာလေးတစ်ခု ရှိတယ် .. ကျွန်မအဲဒီမှာ နေခဲ့တုန်းက ကျွန်မ အသက်ကြီးလို့ အခြေချရင် အဲဒီမြို့လေးကို သွားနေမယ်လို့ စဉ်းစားဖူးတာ ရှိတယ် .. (ဇာတိမြေ မဟုတ်ပဲနဲ့ ကျွန်မကို ဘယ်လိုအချက်တွေက စွဲလမ်းစေတာလဲ ဆိုတာ ကျွန်မသေချာမသိဘူး..) အခုအနေအထား အတိုင်း သုံးသပ်ကြည့်တာ သေချာတာကတော့ အဲဒီမြို့ကို အသက်ကြီးရင်လို့ ပြောခဲ့တဲ့အတိုင်း မြို့အထွက်လေးမှာ ရှိတဲ့ ဘိုးဘွားရိပ်သာမှာ နေရတဲ့ အရွယ်ကျမှ ရောက်တော့မယ် ထင်တယ်.. အပြင်လက်တွေ့မှာတောင် လွဲမှားစွား ရပ်တည်မှုတွေ ရှိနေသေးတာ စိတ်ကူးယဉ်တာ ဆိုတော့ ပိုဆိုးတာပေါ့ ..(တစ်ခါတစ်လေ စိတ်ရှိလက်ရှိ သီချင်းတစ်ပုဒ် အော်ဆိုပစ်လိုက်တယ် ..လွဲလွဲ လေးပဲကောင်းပါတယ် ဆိုတဲ့ သီချင်းလေ ..)

စိတ်ကူးယဉ်ဖူးတဲ့ မြို့လေးမှာ ရှိတဲ့ အထင်ကရ ဘုရားပုံတွေပါ ...



 





                                အလွဲများစွာနဲ့ကျွန်မက အဲဒီမြို့လေးမှာလဲ အလွဲများစွာနဲ့ ဖြတ်သန်း ခဲ့ဖူးပါသေးတယ်.. အဲဒါတော့ လာမေးလဲ ပြောပြဘူး ..ဘာလို့လဲဆိုတော့ ကိုယ့်လက်ကို လှမ်းဆိတ်သလို ဖြစ်နေမှာပေါ့..(စကားပုံပြင်ထားတာ မိန်းကလေးဆိုတော့ ဒီစကားပုံပဲ သင့်တော်တယ်မို့လား..) နောက်ထပ်လဲ ဘာတွေလွဲအုံးမယ် မသိသေးပါ .. ကိုယ့်ကိုယ်ကို ဟန်မကျတာလေးတွေ ပြန်ကြည့်ကြည့်တာပါ .. ကျွန်မစဉ်းစားကြည့်မိတာ မမွေးခင်ကတည်းက လွဲမှားစွာ လူ့လောက ရောက်လာတဲ့ ကျွန်မ သေရင်တော့ တည့်တည့်လေး သေချင်တယ် .. တည့်တည့်လေး သေဖို့ဆိုတာ ခုအနေအထားနဲ့ တော်တော်လေး အလှမ်းဝေးပါသေးတယ် .. အနေတတ်မှ အသေတတ်မှာလေ.. အဲဒီ အနေတတ်ဖို့ အတွက် စိတ်ကလေး ထားတတ်ဖို့ အရင်ကြိုးစား ကြည့်ပြန်တော့ စိတ်ထားတတ်ဖို့ ဆိုတာလဲ တရားရှိပြီး တရားသိမှလေ ….. တရားမသိသေးပဲ သေသွားခဲ့ရင်တော့ ကျွန်မရဲ့ ထုံးစံအတိုင်း လွဲလွဲလေးပဲ သေမှာပဲနော် .. အဲဒီတော့ စဉ်းစားကြည့်မိတာ တရားလေးသိပြီးမှ သေချင်တယ်… အယူတွေ လွဲမှားပြီး မသေချင်လို့ပါ …အဲဒါကလဲ ကိုယ်တိုင်က တရားသိအောင် ကြိုးစားရမှာလေ.. တရားသိနေလို့ ရေးထားတာ မဟုတ်ပါ ... သိအောင် ကြိုး စားဖို့ ကိုယ့်ကိုယ်ကို သတိပေးတာပါ …( ကျန်တာတွေ လွဲရင်လွဲပါ ..သေရင် မလွဲဘူးဆို ကျေနပ်စရာပါ ..)
                          
                         ၀ထ္ထုလို့ခေါင်းစဉ်တတ်ပြီး ရေးထားတုန်းက လွဲမှားစွာ ဘာသာပြန်ပြီး ဖတ်ထားသူများ ဒီတစ်ခါရေးတာမှ ကိုယ်တိုင်ရဲ့ ကဂျိုးကဂျောင် စိတ်ကူးတွေ အတွေးအခေါ်တွေပါ တည့်တည့်လေး ဖတ်ပါ..လွဲမှားစွာ မတွေးပါနဲ့.. အဖြစ်မှန်တွေပါ..ကိုယ့်ကိုယ်ကို ဟန်မကျတာတွေ သိအောင် ချရေးကြည့်တာပါ… ဘာမှမဟုတ်ပါ...အဲဒီဘာမှ မဟုတ်တာကြီးကို ဒီအထိရောက်အောင် မျက်စိအညောင်း ခံပြီးဖတ်ပေးတဲ့ သူငယ်ချင်းများကိုလဲ ကျေးဇူးပါ .. ဖတ်ပြီး မန့်ခဲ့ရင်တော့ ပိုကျေးဇူးပေါ့နော် …..

Monday 14 September 2009

သူငယ်ချင်းချစ်သူ


တွေ့စ ခင်စ
စတွေ့ကြတော့
စခင် သိကျွမ်း
ကြင်နာ လွမ်းကြည့်
သူငယ်ချင်း ဖြစ်၏...တဲ့ .......

သံယောဇဉ်များ

နှောင်တွယ်ထားလို့
ရက်လ ရှည်ကြာ
ခိုင်မာနှောင်ကြိုး
လွမ်းတွေတိုးတော့
ချစ်သူဖြစ်ဖို့ ပျိုးချင်သည် ...တဲ့.....

သို့ပါသော်ငြား
" သူငယ်ချင်းတစ်ယောက်ဆီက
ချစ်တယ်ဆိုတဲ့စကား
ကြားမိရင်များ
သေမလောက်ကြောက်တယ် " ဆိုတဲ့
ကောင်မလေးစကား

နားမှာကြားလို့
ရှေ့တိုးမဲ့ခြေလှမ်း
နောက်ပြန်စမ်းလို့
သူငယ်ချင်းဘေး တိတ်တိတ်ကလေးရပ်
နှလုံးသားကို သော့ခတ်
ကျွန်တော်မဟုတ်တတ်သလိုနဲ့နေခဲ့ရပြီမို့
ပြောင်းလဲဖို့ရာ မတက်သာလို့
သူငယ်ချင်းလိုပဲ ဆက်ခင်စေချင်တာ...တဲ့ ......

ဒီကဗျာလေးကို ကို (ရန်ကုန်သား) ရဲ့ မာနသင့်တဲ့ပန်း ကို ဖတ်ပြီး ရေးချင်စိတ်ပေါ်လာလို့ ချရေးလိုက်တာပါ ...
(အဟီး ..ကျွန်မရေးလိုက်မှ ကို (ရန်ကုန်သား)ရဲ့ ၀ထ္ထုလေးအရသာပျက်သွားမှာစိုးလို့ ဒီနေရာကနေလဲ တောင်းပန်ရင်းပါ ...)
ကို (ရန်ကုန်သား) ရဲ့လက်ရာတော့ အားလုံးဖတ်ဖူးကြပြီးသားမို့ ကောင်းမှန်းသိမှာပါ...
အရသာပျက်သွားခဲ့ရင် ကျွန်မရဲ့ ကဗျာရေး မကျွမ်းကျင်မှုကြောင့် ဆိုတာ ၀န်ခံပါရစေ...
ပုံလေးကို ဒီဆိုဒ် ကလေး ကနေ ကူးယူအသုံးပြုပါတယ် ...

Thursday 10 September 2009

အလွမ်းဖြေ...



ပန်းတွေက နုသစ်ဝေ
ပင်ယံထက်မှာ လှတာမို့
ပွင့်နိုင်သမျှ

လေရူးတဲ့ နွေဦးရာသီကြားဝယ်

သတိခါခါရပေမဲ့

အလှတွေ ပျက်မှာကြောက်တာနဲ့

ခူးယူဖို့ ငဲ့ ...

ပန်းတွေက ဖူးပွင့်ဝေ
ခူးခြွေသူ မရှိတာမို့

ပွင့်လေသမျှ

လွင့်ကြွေလေ မိုးရေကြားဝယ်

သတိခါခါရပေမဲ့

ချူချင်သူ ကင်းကာမဲ့

လွမ်းဖို့ကခက်...

ပန်းတွေကကြွေ
အလွမ်းဖြေစရာမရှိတာမို့

ပန်းလေသမျှ

ချမ်းလေလေနှင်းတွေကြားဝယ်

သတိခါခါရပေမဲ့

နမ်းရှိုက်သူကင်းကာမဲ့

လွမ်းဋီကာချဲ့ ...


ဒီကဗျာလေးကို သူငယ်ချင်းတစ်ယောက်က အဆုံးသတ်အပိုဒ်လေးပဲ ရေးထားတာနဲ့ ဖြည့်စွက်ပြီး ရေးလိုက်
ပါတယ် ...
ပွင့်ဖို့ ကြွေဖို့လွယ်တဲ့ စကား ပန်းပင်လေးကို ဒီဆိုဒ် ကနေ ကူးယူ အသုံးပြုပါတယ် ...







Saturday 5 September 2009

နီးလျက်နဲ့ဝေး



ကျွန်မ အလုပ်ပြီးလို့ လမ်းမပေါ်ဆင်း လိုက်တယ် ဆိုရင်ပဲ လမ်းမပေါ်က မီးအလင်းရောင်တွေ လင်းထိန်နေတာ ကြည့်ရင်း ကျွန်မ အိမ်ပြန်တော်တော်နောက်ကျနေပြီပဲရယ်လို့ စိတ်ထဲမှာ တွေးမိလိုက်တယ်... မေမေ တစ်ယောက်လဲ ကျွန်မကို လည် တဆန့်ဆန့်နဲ့ မျှော်နေလောက်ပြီ ... လမ်းမရဲ့အလင်းရောင်တွေ ဘယ်လောက်ပဲ လင်းနေပေမဲ့ ကျွန်မကို မျက်လုံးတစ်စုံ ကြည့်နေ သလို စိတ်မှာ ခံစားလိုက် ရတာမို့ ကျွန်မဘေးဘီကို လိုက်ရှာ ကြည့်မိတယ် ... သေချာ တာပေါ့… ဒီမျက်လုံးတစ်စုံ ကျွန်မကို ဘယ်အချိန်ကတည်းက စိုက်ကြည့်နေခဲ့လဲ မသိနိုင်ဘူး... ကျွန်မ တွေ့ သွားတော့လဲသူ့ရဲ့ အကြည့်တွေ သူမကြည့်နေခဲ့သလို မူပိုင်ဟန်နဲ့ အနားကို လျှောက်လာပြီး
"ဟိတ်..ကောင်မလေး… ဘာလို့ အလုပ်ကို လောဘတကြီး လုပ်နေရတာလဲ..ဒီ အချိန်ထိအောင်"
ကျွန်မကလဲ အားရ ၀မ်းသာနဲ့ သူမေးတာ မဖြေမိပဲ ကျွန်မ ပြောချင်တာ လက်လွတ်စပယ် ပြောတတ်တဲ့ အကျင့်အတိုင်း..
"ဟယ်.နင်ရောက်လာတာ အတော်ပဲ..ငါအိမ်ပြန် အရမ်းနောက်ကျလို့ မေမေ စိတ်ပူနေတော့မှာ"
သူ့ မျက်နှာ အပြုံးတစ်ချက် ပျောက်ကွယ်သွားမှပဲ ကျွန်မ ပြောလိုက်မိတာ ချက်ချင်း နောင်တရမိသွားတယ်...မတွေ့တာ အတော်ကြာပြီး အဝေးတစ်နေရာကနေ ရောက်လာတဲ့သူကို ဒါ့ထက်လေးနက်တဲ့ စကားနဲ့ ကြိုသင့်ပါရဲ့နဲ့ ကျွန်မ အိမ်ပြန်ဖို့ အဖေါ်မရှိလို့ လို့ပြောလိုက်မိ ပါလိမ့်… ကျွန်မရဲ့ အလိုက် မသိမှုကြောင့် ကျွန်မတို့ကြားက တိတ်ဆိတ်မှုကို ချက်ချင်းပဲ ပြောင်းလဲပစ်ဖို့
"ငါ.. နင့်ကို ခုလေးတင်ပဲ သတိရနေသေးတယ်.." လို့ပြောလိုက်မိတော့
"ဟုတ်လို့လား.." တဲ့ သူကလဲ ထုံးစံအတိုင်း ကျွန်မစကားဆို ဘယ်တုန်းကမှ အယုံအကြည် မရှိခဲ့တဲ့ လေသံနဲ့ ပြန်မေးလာတယ်... ကျွန်မကပဲ
"အင်း.. ဒါနဲ့ နင် ဘာမှ မစားရသေးဘူး မို့လား…ငါတို့ တစ်ခုခု ၀င်စားရအောင်လေ.." "အေး..ငါလဲ ခု ညနေ 5း00 နာရီ ဖလိုက်နဲ့ ရောက်တယ်ဟာ..ရောက်ရောက်ချင်း အိတ်တွေချပြီး နင်တို့အိမ်ဘက် ထွက်လာတော့ နင့်အမေက နင်အလုပ်က ပြန်မရောက်သေးဘူး ဆိုလို့ငါ နင့်အလုပ်ကို ဆက်လိုက်လာတာ.."
"ဟာ.. ဒါဆို အောက်မှာ စောင့်နေတာ နင်ကြာနေပြီပေါ့.. ငါဆင်းလာတော့ 7း00 နာရီ ရှိနေပြီ.. ဖုန်းတော့ မဆက်လိုက်ဖူးဟာ.. ငါဆင်းလာမှာပေါ့..."
"ဒါနဲ့ နင်ဘာစားမလဲ.. ငါကတော့ ကော်ဖီဆိုရပြီ.. နင် ဗိုက်ဆာနေလား.."
"အင်း.. ငါလဲ နင်မရှိလို့ အပြင်မှာ ကော်ဖီမသောက်ရတာ ကြာနေပြီ..ကော်ဖီဆိုင်ပဲ ထိုင်မယ်လေ.. ဒီနားမှာပဲ ရှိတယ်.."
ဆိုင်ရောက်တော့ ကောင်တာမှာ ကော်ဖီသွားယူပြီး စားပွဲမှာ ပြန်လာထိုင်ရင်းနဲ့ ဗူးလေးတစ်ခု စားပွဲပေါ်တင်လာတယ်....
" Happy Birthday ပါ " တဲ့... ကျွန်မ အရမ်း အံ့သြောသွားတယ်… သေတော့မှာပဲ… ကျွန်မ ကိုယ့် မွေးနေ့တောင် ကိုယ် မေ့နေတဲ့ အဖြစ်...  ကျွန်မကပဲ ဗူးလေးကို အံ့သြောတကြီး ကိုင်ကြည့်ရင်း
"ဘာတွေလဲဟင်.."
"ဖွင့်ကြည့်လေ… ဘာမှ အထူးအဆန်း မဟုတ်ပါဘူး.." ကျွန်မ ဖွင့်ကြည့် လိုက်တော့ ကျွန်မ ကြိုက်တတ်တဲ့ အဆိုတော်တွေရဲ့ သီချင်းခွေတွေ...
"ငါလဲ အဲဒီ အခွေ ၀ယ်မလို့ လုပ်နေတာ အတော်ပဲ.."
"အေးပါ..ငါလဲ ခွင့်ရလို့ ပြန်ရမယ်လဲ ဆိုရော ငါ ပြန်ရောက်မဲ့ နေ့က နင့်မွေးနေ့နဲ့ တိုက်နေတော့ အရမ်းဝမ်းသာ သွားတယ်… ဒီလဲရောက်ရော မွေးနေ့ရှင်က အလုပ်တွေ တအားကြိုးစားပြီး သူ့မွေးနေ့တောင် သူမေ့နေခဲ့တယ်တဲ့..ရယ်စရာကောင်းတယ်နော်.."
"ကဲပါ .. ဘယ်လိုပဲ ဖြစ်ဖြစ် ငါ့မွေးနေ့ကို သတိရပေးတဲ့ အတွက်ရော ငါကြိုက်တဲ့ အခွေတွေ ၀ယ်လာပေးတဲ့ အတွက်ရော ကျေးဇူး တင်တယ် ဟာ.. ဟုတ်ပြီလား.."
"တော်ပါတော့ဟာ… ငါ့ကို နင့် ကျေးဇူးတွေနဲ့ ဖိမသတ် ချင်စမ်းပါနဲ့.."လို့ ပြောတော့ နှစ်ယောက်သား ပြိုင်တူ ရယ်မော မိကြပြန်တယ်..
"ဟဲ့.. နင့် ကော်ဖီတွေ အေးကုန်ပြီ..သောက်လိုက်အုံးလေ.." ဆိုတော့ ကျွန်မ ကယောင်ကတန်းနဲ့ ကျွန်မ သိပ်ကြိုက်တဲ့ ကော်ဖီတွေကို အရသာခံဖို့ မေ့လို့ တကြိုက်တည်း မော့သောက်နေမိတယ် .. နင် ပြန်လာတာ တအား ၀မ်းသာတာပဲလို့ ပြောလိုက်ရမလား .. မဟုတ်သေးပါဘူး စဉ်းစားရင်း ကျွန်မ သူ့ ကို ကြည့်လိုက် မိတော့ ကျွန်မကို စိုက်ကြည့်နေတဲ့ သူ့ မျက်လုံးတွေထဲက တစုံတရာကို တွေ့လိုက်သလိုမို့ ...
"ဟင်.. နင် ငါ့ကို တစ်ခု ခု ပြောစရာရှိ နေသလားဟင်.. " သေတော့မှာပဲ.. ကျွန်မ ဒါ့ထက် အဆင်ပြေမဲ့ စကားတွေ ဘာလို့ မရွေးချယ်တတ်နေတာလဲ...
"ရှိတော့ ရှိတယ် .. ဒါပေမဲ့ အရေးတကြီး မဟုတ်ပါဘူး .." ဆိုပြီး ငြိမ်နေပြန်တော့ ကျွန်မကပဲ "ဟဲ့..ပြောလေ.." ဆိုတော့
"အင်း.. အရင်တစ်ခါ နင့်ကို ပြောတဲ့ ကောင်မလေးနဲ့ ငါ ပြတ်သွားပြီ.. အခုတစ်ယောက် ထပ်တွေ့ ထားတယ်ဟာ... အဲဒီ ကောင်မလေးက ချာတိတ်ကလေးပါ.. ဒါပေမဲ့ ငါနဲ့ ပညာ အရည်အချင်း သိပ်မကွာဘူးဟ ... သူလဲ ၁၀ တန်း ကျလို့ ပြန်ဖြေထားတယ် .... သူ့ အဖေက ငါတို့ ဆိုဒ်ထဲမှာ အသက်အကြီးဆုံး ပျော်ပျော်နေတတ်တော့ လူချစ်လူခင် အရမ်းပေါတယ် ... သူတို့ သားအမိ အလည်လာတုန်းက တွေ့တာ... လိုက်ပို့ရင်းနဲ့ … သူ့နံမည်အရင်းက သီရိဇော် တဲ့.. ဒါပေမဲ့ သူ့ အိမ်နဲ့ ငါကတော့ မီးမီး ပဲ ခေါ်တယ်..."
ကျွန်မတို့ နှစ်ယောက်သား အပြန်လမ်း တစ်လျှောက် အတွေးကိုယ်စီ တိတ်ဆိတ်နေကြ ပြန်တယ်… သူကတော့ ဘာတွေ စဉ်းစားနေခဲ့တယ် မသိနိုင်ဘူး... ကျွန်မကတော့ တိတ်တိတ်ကလေး စဉ်းစား နေမိတယ်... ဟိုး မိုင်ပေါင်းများစွာဝေးလှတဲ့ နေရာကနေ လာခဲ့တဲ့ သူတစ်ယောက်က ကျွန်မမွေးနေ့ကို အမှတ်ရပြီး အမှတ်တရ လက်ဆောင် ပေးဖို့ သက်သက်လာခဲ့တာလား... ဒါမှမဟုတ် သူနဲ့ လိုက်ဖက် ညီလှတယ် ဆိုတဲ့ ကောင်မလေးတစ်ယောက် ရှိကြောင်း လာပြောခဲ့တာလား… ကျွန်မကတော့ အတွေးပေါင်း များစွာနဲ့... ကျွန်မ နားမလည်နိုင်ခဲ့ဘူး.. ကျွန်မတို့ နှစ်ယောက်ကြားက ဖြတ်တောက်လို့ မရတဲ့ သံယောဇဉ်ကြိုး တစ်ချောင်းတော့ ရှိနေခဲ့ပါရဲ့နဲ့ ဝေးကွာစေခြင်း အကြောင်းအရင်းမှန်က ဘာကလဲ... ဘာကြောင့်လဲ.. ဆိုတာ ကျွန်မလဲ မစဉ်းစားတတ်တော့ပါ ... လိုက်လဲ မမီတော့ပါ....

ဒီထဲမှာ ပါတဲ့ နံမည်နဲ့ အကြောင်းအရာတွေ အားလုံးက စိတ်ကူးယဉ်သက်သက်ပါ.....

ဒီပုံလေးကို ဒီဆိုဒ် ကလေးကနေ ကူးယူ အသုံးပြုပါတယ်.....

Thursday 3 September 2009

အကျည်းတန်ညများစွာ.....

နွေညများလဲ ပူပြင်းလွန်းလို့
အိပ်စက်မရ
အိပ်ပျက်ညများစွာ
ဖန်တီးရက်ခဲ့
သူ့ လှည့်ကွက်တွေများလား.....
တိတ်ဆိတ်ခြောက်ခြား
မိုးညများလဲ
မိုးသံတွေကြား
ဝိုးတ၀ါးနဲ့
အ်ိပ်စက်မရ
အိပ်ပျက်ညများစွာ
ခြောက်ခြားတုန်လှုပ်
သူ မလုပ်ခဲ့သလိုနဲ့
အိပ်ခက်လိုက်တာ.....
အေးစက်မည်းမှောင်
ဆောင်းညများလဲ
ညတာရှည်လျား
ဖြတ်ကျော်လွှားဖို့
ခက်လွန်းအားကြီး
အိပ်ခက်ပြန်ပြီ
ညများတွေရယ်
ကျော်ဖြတ်ချင်တယ်...
ကြိုးစားနေလဲ
အချည်းအနှီးမို့
စိတ်ပျက်မိတယ်
ကိုယ့်ကိုယ်ကိုကွယ်.....
ကံကြမ္မာရယ်
တစ်ခုတော့ တိုးတိတ်တိတ်
မေးလိုက်ပါရစေ.....
နွေ၊ မိုး၊ ဆောင်း၊ ဥတုသုံးပါး
အပိုင်စားယူထားတာ
ဘယ်သူပါလဲ...လို့.....

Tuesday 1 September 2009

အိပ်မက်

လျှောက်ခဲ့တဲ့လမ်း

ပင်ပန်းလွန်းလို့

လရိပ်မှာ ခဏလောက်

အိပ်စက်မယ်

စိတ်ကူးမိခိုက်

မော့ကြည့်လိုက်တော့

လမင်းကြီးခမျာ

တိမ်ညိုတွေ ဖုံးလို့

သာနိုင်ရှာဘူး...

မှောင်သောလမ်းမှာ

စမ်းတ၀ါးမို့

ကြယ်စင်လေးများ

အားကိုးရငြား

စဉ်းစားလိုက်လဲ...

လမ်းပြကြယ်လေး

သူ့ခမျာလဲ

သူ့လမ်းသူလျှောက်

သူကိုယ်တိုင်ဖောက်လို့

ကိုယ်ပိုင်အလင်း

ရရှိလင်းဖို့

ကြိုးစားနေလို့

လှမ်းလက်ရယ်

ကမ်းဖို့ခက်နေရှာ.....