Thursday 27 August 2009

တွဲလက်တွေ ခိုင်မြဲစေ...

အနေဝေးပေမဲ့
စိတ်ကလေးတွေ
ဝေးမနေဖို့
အဓိကမို့လား.....
'လူ့အကြိုက် နတ်မလိုက်နိုင်ဘူး'
ဆိုရိုးစကား
ရှိနေသားပဲ
ကံကြမ္မာ စေစားရာ
တို့တွေကရပြီမို့
နောင်သံသရာဆိုတာ ရှိခဲ့ရင်
ကံကြမ္မာရယ်
ဖန်လာပါစေ
တောင်းဆုခြွေ.....

Wednesday 26 August 2009

ခွဲခွာလက်

Friends18.com Orkut MySpace Hi5 Scrap Images




သူငယ်ချင်းရဲ့ ကဗျာလေးပါ... အဲဒီသူငယ်ချင်းနားက ခွင့်တောင်းပြီးမှ တင်ချင်ပေမဲ့ ဘယ်ချိန် ဘယ်ခါကျမှ
ပြန်တွေ့ကြမယ်ဆိုတာ မသေချာတဲ့ အနာဂတ်ခရီးမို့ ခွင့်ပြုချက်မရပဲ တင်မိပါတယ်...
သူငယ်ချင်းကို သတိရ ဂုဏ်ယူမိတာမို့ဒီကဗျာလေးကို အမှတ်တရ အသုံးပြုလိုက်တာပါ.....
သူက ကျွန်မ အတွက်တော့ ပုံထဲကလို 'Best Friend ' ပါ...
သူကတော့ ကျွန်မကို ပြောလိမ့်မယ်...ဒီဘက်ကလို ... ' No, You are My Best Friend ' ဆိုပြီး...
ကျွန်မ သူ့ကို တာဝန်မကျေခဲ့ဘူးလေ...
ဒါပေမဲ့ ဘယ်လိုဖြစ်ဖြစ် ကျွန်မ သူငယ်ချင်းကို အမှတ်တရ ရှိနေခဲ့ပါတယ်.....



`ခွဲခွာလက်`

တစ်ပြည်စီဝေး

တစ်နယ်ကျေးမှာမို့

မြင်ခွင့်ရယ်မသာ

မြင်ပြန်တော့ခဏတာရယ်

ခွဲခွာရစ်ချန် .....

မယုံတာသဘာဝပင်မို့

အပြစ်ရယ်မဆိုသာ

ယုံလာရန် ကံဖန်ဆင်ဖို့

တောင်းရဆုပန် ......

ဒီဘ၀နတ်မဖန်

မဆုံရန်ကံဝေး

နောက်ဘ၀ကျန်သေးတာမို့

ပြန်တစ်ဖန်မျှော်လင့်

နောက်ဘ၀မှာချင့်

တမ်းလွှင့်လို့မှန်းမိပြန်

လွမ်းရစ်လို့ကျန် .......


ကျွန်မ ဒီပုံလေးကို Best Friend Site ကလေးကနေ ကူးယူ အသုံးပြုပါတယ်...

Saturday 22 August 2009

တမ်းတမိလို့ လွမ်းမိတယ်...

ကျွန်မတစ်ယောက် အခုတလော အတွေးတွေ ငယ်ဘ၀လေးက အိမ်လေးတစ်လုံးဆီကို ခဏခဏ ပြန်ရောက်နေမိတယ်... နွေးထွေးတဲ့ ချစ်ခြင်းမေတ္တာတွေ ပျံ့နှံ့နေတဲ့ စည်းစည်းလုံးလုံး ညီညီညွတ်ညွတ်ရှိခဲ့တဲ့
အရိပ်အာဝါသလေး အောက်ကို စိတ်ကူးနဲ့ ပြန်သွားနေရတဲ့ ခဏ အရမ်းအေးချမ်းပြီး အမော
တွေလဲ ပြေနေခဲ့
သလိုပေါ့.....ဘာဆိုဘာမှ အပူအပင်မရှိခဲ့တဲ့ ကာလလေးတွေရယ် ခဏလောက်ပြန်ရချင်မိတယ်...
..
အရမ်းအေးချမ်းတဲ့ မိဘနှစ်ပါးရဲ့ ရင်ခွင်လေးမှာ ခိုလှုံရင်းနဲ့ အစ်ကိုတွေ အစ်မတွေရဲ့ ချစ်စနိုးကျီစယ် နောက်
ပြောင်မှုေ
တွကိုရရှိခဲ့တဲ့နေရာလေးတစ်ခု.....
တစ်ယောက်ကို တစ်ယောက်ချစ်လို့ မ၀နိုင်ခဲ့တဲ့ အရိပ်အာဝါသလေးအောက်မှာ ညနေ ၆း၀၀ နာရီ ထက်နောက်မကျတတ်တဲ့မိသားစု စုံညီထမင်းဝိုင်းလေး တစ်ဝိုင်းရယ် ဘ၀ဆိုတာဘာရယ်လို့ မသိလောက်အောင် ပြည့်စုံနေခဲ့ဖူးတာ.....
ဗုဒ္ဓဘာသာကိ
ု သက်ဝင်ယုံကြည်တဲ့ မိဘနှစ်ပါးရဲ့ ဘုရား၊တရား ရိုသေကိုင်းရှိုင်းတတ်အောင် ဆုံးမ သွန်သင်မှုတွေ အောက်မှာ နေသားတကျ ရှိခဲ့တဲ့ ဘ၀လေးတစ်ခုရယ် အစ်ကိုတွေ အစ်မတွေကို ချစ်ခင်လေးစား
ရိုသေတတ်အောင် သွန်သင်ဆုံးမထားလို့ ရယူလိုက်နာတတ်တဲ့ ဘ၀လေးတစ်ခုရယ် ရရှိထားတာ ကျွန်မအဖို့တော့ အဲဒီအိမ်လေးပေါ်က
ရထားတဲ့ အဖိုးမဖြတ်နိုင်တဲ့ အရာလေးတွေပါ.....
သားသမီးတွေအပေါ် အရာရာကို အရိပ်တကြည့်ကြည့် လိုတာတွေကို ဖြည့်စည်းပေးဖို့ ၀န်မလေး
သလို စည်းကမ်းတန်ဖိုး နားလည်စေချင်လို့ ချစ်ခြင်းတွေကို ရင်ထဲမှာထားပြီး အလျှော့မပေးတတ်တဲ့ ဖေဖေ့မျက်နှာထားတင်းတင်းရယ်.....
သားသမီးတွေနဲ့အပြိုင် သူလဲ သားသမီးတွေကိုယုယသလို အမြဲ ယုယခံချင်ပြီး ဖေဖေ့ကို အမြဲပဲ နွဲ့ဆိုးဆိုးဖို့စဉ်းစားနေတတ်ခဲ့တဲ့မေမေရယ်.....
ရှိနေခဲ့တဲ့ အိမ်လေးတစ်လုံးမှာ ဖေဖေသာလျှင် အဖေဖြစ်ခဲ့သလို ဖေဖေသာလျှင် အမေဖြစ်ခဲ့တဲ့ နေရာလေးတစ်ခုပါ.....
အတန်းပညာတွေကို
လဲ သူများရဲ့ ထိပ်ဆုံးမှာ ရှိနေစေချင်ခဲ့သလို လူမှုပတ်ဝန်းကျင်မှာလဲ သူများထက် နောက်မကျစေချင်တဲ့ မိဘရဲ့ မေတ္တာစေတနာတွေ ပြည့်နှက်နေခဲ့တဲ့အိမ်ကလေး.....
နေမင်းကြီးသာသလို နွေးထွေးမှုတွေ ရရှိပြီး လမင်းကြီးသာသလို အေးချမ်းမှုတွေ ရရှိစေနိုင်တဲ့ အိမ်ကလေး
တစ်လုံးဆီကို ရောက်သွားလိုက်တာ အတွေး
ထဲမှာတော့ ခဏခဏပေါ့.....
အတွေးထဲမှာပဲ သွားဖို့ဖြစ်နိုင်တော့တဲ့ အိမ်ကလေး.....
လက်တွေ့မှာ ဘယ်တော့မှ ပြန်မရနိုင်တော့တဲ့ အိမ်ကလေး.....

ဒီအိမ်ကလေးအစား အိမ်ကလေး တစ်လုံး အစားထိုးဆောက်နေမိပြန်တယ်.....
ခုအဲဒီအိမ်လေးကို မှောင်မိုက်တဲ့ ညတွေထဲမှာ စိတ်ကူးဖရိုဖရဲတွေကို ကြမ်းခင်းချနင်းလို့ အ်ိမ်ကလေးပေါ် ဒယီးဒယိုင် လျှောက်နင်းပြီး လင်းလက်တဲ့ ကြယ်စင်လေးများ တွေ့လိမ့်နိုးမျှော်လင့်ရင်း တက်လာနေမိပြီ.....
အဲဒီ အိမ်ကလေးက လင်းကြယ်စင် ဆိုတဲ့ အိမ်ကလေး ဖြစ်နေမလားပဲ.....
ကြယ်စင်လေးရေ လင်းလက်လို့ ကျွန်မဘ၀ကို ကူညီလမ်းပြပါ......

Thursday 20 August 2009

စူးမိတဲ့ဆူးများ

ကျွန်မရင်ထဲမှာ ဆူးတစ်ချောင်း ပြီး တစ်ချောင်းစူးဝင်နေခဲ့တယ်... ဆူး ဆိုတာမျိုးက မစူးခင်က မစူးမိစေတာ အကောင်းဆုံးဖြစ်မယ်ထင်တယ်... စူးမိပြီးရင် အတိမ်အနက်ပေါ် မူတည်လို့ နာကျင်မှု အနဲအများပဲ ကွာလိမ့်မယ်ထင်တယ်... စူးတုန်းကတော့ အမှတ်တမဲ့ရယ်ပါ... ကျွန်မ ဖတ်ဖူးတဲ့ အမှတ်တမဲ့ဆူးလေး လိုပါပဲ... တချို့လဲ ဖတ်ဖူး သိဖူးပြီးသားပေမဲ့ ကျွန်မအတွက်တော့ စဉ်းစားစရာတွေနဲ့ အလေးအနက် ထားစရာလေးမို့ ပြန်ထည့်ရေးဖြစ်ပါတယ်...ဘာလို့လဲဆို ကျွန်မရင်ထဲမှာတော့အဲလိုအမှတ် တမဲ့ဆူးတွေက ဘယ်နှကြိမ် ဘယ်နှခါမှန်း မသိအောင်လဲ ဆူးဝင်ခံရဖူးတယ်လေ... ဒဏ်ရာ တွေလဲ ပြည့်နေခဲ့ရဲ့နဲ့ အမှတ်မရှိ ဒီဆူးတောထဲမှာပဲ ပျော်နေရတဲ့ ဘ၀ဖြစ်နေခဲ့လေတယ်...
--------------------------------------------------------------------------------------------------
ဖတ်ရဖူးတဲ့ အမှတ်တမဲ့ဆူးလေး အကြောင်းပါ...
တစ်နေ့က ကားကို သစ်ပင်တစ်ပင် အောက်မှာ ရပ်ထားမိတယ် ။သစ်ပင်မှာ တွယ်နေတဲ့ ဆူးနွယ်ခြောက်တွေက ကျိုးကျပြီး ကားပေါ်လာတင်နေတယ် ။ ဆူးတွေကို လက်နဲ့ ယူမပစ်ချင်တော့ ကားထွက်ရင် သူ့အလိုလို လျှောကျသွားမယ်လို့ ထင်ပြီး ဆူးတွေကို မဖယ်မိခဲ့ဘူး ။ ဒီနေ့မှာ ခင်ပွန်းက ကားဘီး ဆူးစူးလို့ ပေါက်သွားတဲ့
အကြောင်း လာပြောတော့ ကျွန်မ အံ့သြ
သွားတယ် ။ ခင်ပွန်းက ဆူးကိုပါ နှုတ်ပြီး ကျွန်မကို လာပြတယ်။
ဆူးက တကယ့်သေးသေးလေး.....
ကားဘီးကို ပေါက်အောင်တော့ စူးဝင်နေတယ် ။
ဝပ်ရှော့ သွားပြတော့ ကားပြင်ဆရာက ပြန်ဖာမရနိုင်တဲ့ အကြောင်း ၊ ပြန်ဖာရင်လဲ ဖိအားဒဏ်ကို မခံနိုင်ဘဲ ဘီးပေါက်နိုင်ကြောင်း ၊ ဘီးတစ်ခုလုံး လဲလိုက်ဖို့ သင့်ကြောင်း အကြံပေးပါတယ် ။ စင်တီမီတာ တစ်ဝက်တောင် မရှိတဲ့ ဆူးတစ်ခုက ထူထည်းတယ်လို့ ထင်ရတဲ့ ကားဘီးတစ်ခုကို ဖျက်ဆီးနိုင်ခဲ့တယ် ။ ခင်ပွန်းက ဆူးကိုတွေ့တော့ အမှတ်တမဲ့ ဆွဲနှုတ်လိုက်တာနဲ့ ကားဘီးထဲက လေထွက်သံကို ကြားလိုက်ရသတဲ့ ။ လေယိုတာ နှေးပေမဲ့ လေတွေ အကုန်ထွက်သွားရင် ကျွန်မတို့ ဒုက္ခရောက်
တော့မယ် ။ ဒါကြောင့် လေမလျှော့ခင် ၀ပ်ရှော့ဆီ အမြန်မောင်းခဲ့ရတယ်။
အဲဒီ ဆူးလေး တစ်ချောင်းကို ကျွန်မ
စိတ်ထဲ မှတ်ထားလိုက်ပြီး ဘယ်လောက်ပဲ ခိုင်မြဲတဲ့ ခင်မင်
မှု၊ ချစ်ခင်မှုပဲ ဖြစ်ပါစေသူငယ်ချင်း၊ အပေါင်းအသင်း မိတ်ဆွေ နဲ့ လင်မယားတွေ ကြားမှာ ဆူးစူးနိုင်တဲ့ ပျော့ညံ့တဲ့ နေရာတစ်နေရာတော့ ရှိနိုင်တယ်လို့ ကိုယ့်ကိုယ်ကို သတိပေးလိုက်မိတယ် ။
ကိုယ်ပြောလိုက်တဲ့ စကားက ဘာမှ မဖြစ်ပါဘူးလို့ ထင်ပြီး ဆူးတစ်ချောင်းလို ပေါ့ပေါ့မထား သင့်ဘူး ။ ဘာမှမဖြစ်
လောက်ဘူးလို့ ထင်ထားတဲ့ ဆူးတစ်ချောင်းက ကားဘီးလို ထူထည်းတဲ့
အရာကိုတောင် ထိုးဖောက် ပျက်ဆီးသွားစေ နိုင်တယ်လေ။လူလူချင်း ဆက်ဆံရာမှာ ကိုယ်က ပျော်တတ်၊ ခင်တတ်လို့ အမှတ်တမဲ့ပဲဖြစ်ဖြစ်၊ တမင်သက်သက်ပဲဖြစ်ဖြစ် နောက်ပြောင်လိုက်တဲ့ စကားတစ်ခွန်းက သူတစ်ပါးရဲ့ ပျော့ညံ့တဲ့နေရာ၊ အလေးထားတဲ့ အရာကို တိုက်ရိုက်သွား ထိခိုက်တာနဲ့တူနေတတ်တယ်။ အဲဒီအချိန်မှာ ချစ်ခင်မှုလေတွေ တဖြေးဖြေး လျှော့သွားပြီးနောက်ဆုံး လုံးဝ မရင်းနှီးတော့တဲ့ သူစိမ်းအသွင် ပြောင်းသွားနိုင်တယ်။ ကားဘီးကို အသစ်တစ်ခုလဲလို့ ရသလို သူငယ်ချင်းကိုလဲ အသစ်လဲ ယူနိုင်ပါတယ်။ ဒါပေမဲ့ အဟောင်းနဲ့အသစ်က ဘယ်လိုမှ တူနိုင်တော့မှာ မဟုတ်ပါဘူး။ အနှစ်နှစ် အလလ တည်ဆောက်ခဲ့တဲ့ ချစ်ခင်မှု၊ ကြင်နာမှု တံတိုင်းကြီးကို သေးငယ်တဲ့ ဆူးကြောင့် ဖြစ်ဖြစ်၊ ကြီးမားတဲ့ ဆူးကြောင့်ဖြစ်ဖြစ် မစူးမိစေတာအကောင်းဆုံးပါ။
----------------------------------------------------------------------------------------------------
အကြိမ်များစွာ ဖတ်ပြီးလဲ အဲဒီ အကြောင်းအရာလေးက ကျွန်မအတွက်တော့ တကယ်တန်ဖိုးရှိတဲ့ စာသားလေး တွေပါ...
အဲဒါလေး ဖတ်မိပြီး ကျွန်မအတွေးထဲမှာ ကျွန်မနဲ့ ပတ်သက်တဲ့ သူတွေကြားမှာ မဖြစ်ရအောင် တတ် နိုင်သမျှ ကြိုးစားခဲ့တယ်...
ကြိုးစားရင်းကလဲ မမျှော်လင့်တဲ့ အကြောင်းအရာနဲ့မမျှော်လင့်တဲ့ အဖြစ်အပျက် တွေက နားလည်မှု လွဲမှားတာတွေ ဖြစ်တတ်ပါသေးတယ်... ဖြစ်ခဲ့ရင်လဲ ကျွန်မမှားရင် အချိန်မနှောင်း တောင်းပန်ဖို့
ဝန်မလေးတတ်ခဲ့ပါဘူး...

ဒါပေမဲ့ကျွန်မနဲ့ ရင်းနှီးပတ်သက်သူ တော်တော်များများ ကတော့ ဆူးစူးစေဖို့ဝန်မလေးတတ်ခဲ့ပေမဲ့ တောင်းပန်ဖို့တော့ ၀န်လေးတတ်သူတွေ ဖြစ်နေကြတယ်...
တကယ်တမ်းတော့ တောင်းပန်တယ်ဆိုတာထက်လဲ မတောင်းပန်ရအောင် အလေးအနက် ထားစဉ်းစားပြီး သူများရင်ကို မထိခိုက်စေတာ အကောင်း ဆုံးဖြစ်မယ်ထင်တယ်...
ကျွန်မအတွက်တော့ စူးတဲ့ဆူးတွေများလွန်းလို ဆူးနဲ့ ကျွန်မဘ၀ နေသားကျနေပါပြီ...
ဆူးနဲ့ကျွန်မဘ၀ကအမှန်တရား ဖြစ်နေခဲ့တယ်...

Wednesday 19 August 2009

အားမာန်

ဘ၀ နဲ့ ဆန္ဒ တစ်ထပ်တည်း ကျတော့

ကံကောင်းသူပေါ့.....

ဘ၀ နဲ့ ဆန္ဒ တစ်ထပ်တည်း မကျတော့

ကံဆိုးသူပေါ့.....

ဒီလိုလဲ မဟုတ်

လှေခွက်ချည်းကျန် အလံမလှဲ

ဇွဲ နဲ့ မာန် နဲ့ လှော်ခတ်ဆဲ.....