Friday 18 December 2009

နောက်ကြည့်မှန်ကို ရှေ့ထားကြည့်မိခြင်း ...



                          သူငယ်ချင်း K က စာအုပ်တစ်အုပ် ရှဲ လိုက်တာ … ကိုယ်တိုင်လဲ ခုရက်မအားနေတာနဲ့ ဒေါင်းထားပြီး မဖတ်ဖြစ်နေတာ .. စိတ်ထဲမှာတော့ ဖတ်ချင်တဲ့ ဆန္ဒရှိနေခဲ့တယ် … ကိုယ့်ရဲ့ ဆိုက်ကိုလို့ ပြောရမလားပဲ … စာအုပ်တွေ ဖတ်ချင်လို့ ဒေါင်းထားတာတွေ အများကြီး ရှိခဲ့ပေမဲ့ ဖတ်ပြီးတာတွေ ရှိသလို လက်စမသတ် နေတာတွေလဲ အများကြီး … ဘာလို့ဆို ကိုယ်ကအချိန်ပေးပြီး မဖတ်နိုင်တာတစ်ကြောင်း ၊ screen ပေါ်မှာ ဖတ်ရတာ လက်ထဲမှာ စာအုပ်ကိုင်ပြီး ဖတ်ရသလောက် အရသာမရှိတာက တစ်ကြောင်းနဲ့ စာအုပ်ဆိုတော့ ရတဲ့အချိန်လေး ကောက်ကိုင်ပြီး ဖတ်လိုက် ဆိုတော့ ဖတ်ဖြစ်တယ် .. အဲလိုနဲ့ ဖတ်ချင်တဲ့ စာအုပ်ရှိရင် ရန်ကုန်လူကြုံ ရှိတိုင်း မှာရတာ အလုပ်တစ်ခု … ခုလဲ အဲလိုပါ … ကိုယ့်ဘာသာမအားရတာနဲ့ စာအုပ်ကလေးကိုင်ပြီး ဇိမ်နဲ့ ဖတ်ချင်ရတာနဲ့ ပေါင်းပြီး ဒေါင်းထားပြီး မဖတ်ဖြစ်သေးတာ ..ဖတ်မိတော့ လက်က မချနိုင် (အော..မှားလို့ ) မျက်စိက မခွာနိုင် ဖြစ်သွားတယ် … နိုင်ငံရေးဆန်ဆန်ရေးမယ်  ထင် ထားတာ … စာအုပ်ကို .. ဒါပေမဲ့ ဖတ်လိုက်တော့မဟုတ်ပဲ သူ့အရေးအသားမှာ သဘာဝလေးတွေရော ရသလေး တွေရော ရောပြီး ချပြသွားတာ … ထင်ထားတာထက် ဖတ်လို့ အရမ်းကောင်း နေ ခဲ့တယ် …

                          ကျေးဇူးပါ သူငယ်ချင်း “K” … မဆုမွန်ဆိုဒ်မှာ မှာဝယ်လို့ရကြောင်း တစ်ခါ ဖတ်မိတော့ အစောကတည်းက မှာချင်နေခဲ့တာ … စာအုပ်ဖတ်နေရင်းနဲ့ ခုတလောလေးပဲ အဓိပ္ပါယ်တိတိကျကျ မသိတဲ့ စကားပုံလေးကို ပြောနေကြအတိုင်း ပြောမိတာ .. အဲဒီစာအုပ်ထဲမှာ ပါတော့မှ ကိုယ့်ဘာသာ ရယ်ချင်မိတယ် …

                         ဒီရက်ထဲပဲ ဘလော့ဂ်ပေါ်က မောင်ငယ်တစ်ယောက်နဲ့ စီဘောက်စ်မှာ ပြောရင်းနဲ့ ခင်ရာက နားလည်ခွင့်လွှတ်လို့ရတဲ့ လိမ်ခြင်းတစ်မျိုးနဲ့ ကိုယ့်ကို လိမ်ထားခဲ့တာ အမှတ်တမဲ့ မရည်ရွယ်ပဲ သိလိုက်တဲ့ တစ်ရက်မှာ (သူပေးလာတဲ့ အကြောင်းပြချက်က သိပ်ခိုင်လုံနေတာရယ် … ကိုယ့်ကို ရည်ရွယ်ပြီး လိမ်ထားတာ မဟုတ်ပဲ သူ့အကြောင်းနဲ့ သူလိမ်ရတာဆိုတော့ ကိုယ်က နားလည်ခွင့်လွှတ်နိုင်တဲ့ အနေအထားလဲ ရှိတာမို့ ခေါက်ထားဖို့ စဉ်းစားလိုက်တယ် .. အဲဒီကိစ္စကို (ဒါပေမဲ့ လူဆိုတော့ သိတယ်မို့လား … ကိုယ်ခံရကလှည့်ဆိုတော့ နဲနဲတော့ အစာမကြေဘူးပေါ့ ..) အဲဒါနဲ့ မေးလ်ပို့ဖြစ်တယ် … { စိတ်မဆိုးပေမဲ့ ကျွဲမြီးတိုနေတဲ့ အကြောင်းကို (စိတ်မဆိုးဘူး ဆိုသော်ငြားလဲ ကျွဲမြီးတိုတဲ့ လေသံလားမသိ ..) အဟက် .. ကိုယ့်ကိုယ်ကို ပြန်စမ်းကြည့်နေမိပြီ .. (တိုဖို့ အမြီးမပေါက်သေးတာတော့ အမှန်ပါတဲ့ ..) ဆိုပြီး အစာမကြေတာလဲ သိစေချင် တကယ်ကြီးလဲ စိတ်ဆိုးတာ မဟုတ်ခဲ့ဘူးဆိုတာကို ပေါ့ပေါ့ပါးပါး ဖြစ်အောင် အဲဒီစကားပုံလေး သုံးရင်း ရေးမိတယ် ... တကယ်လဲ ကိုယ်က စဉ်းစားကြည့်တော့ စိတ်ဆိုးစရာ အကြောင်းလဲ ဟုတ်မနေခဲ့တော့လေ … သုံးလိုက်တဲ့ စကားပုံကြားဖူးနေကျ သုံးရမဲ့နေရာမို့သာ သုံးလိုက် တယ် … အဓိပ္ပါယ်တိတိကျကျ သိမနေခဲ့ဘူး …( ၀န်ခံတာပါ … မြန်မာစာကျွမ်းကြောင်း ကြွားထားမိတဲ့ သယ်ရင်း တစ်ယောက်ကိုလဲ ခပ်ရှက်ရှက်နဲ့ ပြေးမြင်ယောင်မိသေး..)

                       အဲဒီစာအုပ် ဖတ်လိုက်မှ သိတာ .. “ တစ်ခါက လယ်ကူလီ တစ်ယောက်က ကျွဲ နှစ်ကောင်နဲ့ လယ်ထွန်နေခဲ့တယ် တဲ့ ... အဲဒါနေ့လည် ထမင်း ပို့ချိန်ကျော်လာတဲ့ အထိ ထမင်းလာမပို့တော့ သူလဲဆာနေပြီး ဘာမှလဲ စားစရာက လဲ မရှိနေတော့ ကျွဲ အမြီးဖြတ်ပြီး မီးဖုတ်စားလိုက်တယ်တဲ့ ...စားပြီးမှ လယ်ပိုင်ရှင် ထမင်းထုပ်နဲ့ ရောက်လာပြီး ဗိုက်ဆာလို့ စိတ်ဆိုးနေပြီလား ဆိုတော့ လယ်ကူလီက အေးဆေးပဲ ပြန်ဖြေပါတယ် .. စိတ်မဆိုးပါဘူး ..ကျွဲမြီးတော့ နဲနဲတိုသွားတယ်တဲ့ ...” (သူ့မူရင်းက ဒီက လာတာကိုး ဆိုပြီး ဖတ်ပြီး ရယ်မိပါတယ် ...)

                         နောက်တစ်ခု သဘောကျတာလေးလဲ ဖတ်ရတယ် ... ဇာတ်ကောင်က တောရွာလေး တစ်ရွာမှာ ဇာတ်မြှုပ်လာနေရတော့ ဖတ်စရာစာအုပ် မရှိလေတော့ သူနေတဲ့ ဘုန်းကြီးကျောင်း က ဘုန်းကြီးရဲ့ မှန်ဘီရိုထဲရှိတဲ့ ဓမ္မကျမ်းထူထူကြီးများကျတော့လဲ ဖတ်ဖို့ရာကျ ပြန်တော့ ဉာဏ်မမီဘူး လျှောက်လေတော့ ဘုန်းကြီးက ဒါမဆန်းပါဘူးတဲ့ ... လောကုတ္တရာကို လောကီပျော်တစ်ယောက်က စူးစမ်းဖို့ ၀န်လေးတာသဘာဝပဲတဲ့ ... မစင်ထဲမှာ လောက်ဟာပျော်တယ်တဲ့ ... ရွှေပန်းကန်ပေါ် ရေဆေးပြီး တင်ရင် သူသေမှာဆိုပြီး မိန့်တယ်တဲ့ ... (ကိုယ့်လိုပေါ့ ..ဆိုပြီး တွေးမိလို့ပါ ...း)

                          နောက်တစ်ခု ဇာတ်ကောင် မိန်းကလေး ဒန့်သလွန်သီးတွေ သယ်လာတာမြင်တော့ စာရေးဆရာသော်တာဆွေ တစ်ယောက် ဒန့်သလွန်သီးတွေ ရောင်းတဲ့ အဖြစ်ရေးတာဖတ်ဖူးလား ဆိုပြီး ဇာတ်ကောင်ယောက်ကျားလေးက ပြောပြတာလေး သဘောကျမိသေး ... အဲဒါလည်ရောင်းလေတော့ သူ့အိမ်ဘေးက မိန်းမတစ်ယောက်က မေးဝယ်တယ်တဲ့ ... ဥပမာ တစ်ကျပ်ဖိုးလေးတောင့်ဆိုပါတော့ ... အဲဒီမိန်းမက ကိုဆွေရယ် အချင်းချင်းတွေပဲ မရဘူး ငါးတောင့်ထားဆိုတော့ အားနာလို့ ယူပါပေါ့ ... နောက်တစ်ယောက် ခေါ်ဝယ်တော့လဲ ကဲ ဟိုတစ်ယောက်ကတော့ လေးတောင့်ဆိုတာကို ငါးတောင့် ရအောင် ဆစ်ဝယ်သွားတော့ ခင်ဗျားလဲ ယူလိုက်ငါးတောင့်ပဲဆိုပြန်တော့ ဟာ .. ဘယ်ရမလဲ ကျွန်မတို့ ဒါလောက်ခင်တာ ခြောက်တောင့် ပေးရမယ်ဆိုပြီး အနိုင် ကျင့်လေတော့ ပေးခဲ့ရပြန်ရော .. အဲလိုနဲ့ နောက်တစ်ယောက်ကျတော့ ခုနစ် တောင့်ပေးရမယ်ဆိုပြီး ဖြစ်ပြန်ရော ... နောက်ထပ်တစ်ယောက် ကျပြန်တော့လဲ ရှစ်တောင့်ပေးရမယ်ဆိုပြီး အနိုင်ကျင့်ပြန်လေတော့ သူတို့ကျေနပ်အောင် ပေးခဲ့ ရပြန်ရော ... အဲဒါကိုမှ ဇာတ်သိမ်းလိုက်တော့ ရှစ်တောင့်မရလို့ မကျေနပ်တဲ့သူနဲ့ ခြောက်တောင့်ရတဲ့လူကလဲ ခုနစ်တောင့်မရလို့ မကျေနပ်နဲ့ ၀ိုင်းပြီးရန်တွေခံရ သတဲ့ ... သူ့မှာလဲ အားလုံးကျေနပ်တဲ့နှုန်းနဲ့ ကျေနပ်အောင် ရောင်းခဲ့ပေးပါလျှက် နဲ့ လူသဘာဝ မကျေနပ်နိုင်ကြတာလေးကို ထည့်ရေးထားတာ ...

                      နောက်တစ်ခု သဘောအကျဆုံးနဲ့ ကိုယ်နဲ့ အကိုက်ညီဆုံး ဥပမာလေးတစ်ခုလဲ ဖတ်ရတယ် ... တစ်ခါကမျောက်တစ်ကောင်ဟာ တောရကျောင်းနားမှာ နေရင်း တရားအားထုတ်တဲ့ ပုဂ္ဂိုလ်တွေ ပါးစပ်က ဒုက္ခ ၊ ဒုက္ခ လို့ ရေရွတ်နေတာ နားမလည်နိုင်လို့ ဘုန်းကြီးကို သွားမေး လျှောက်တယ်တဲ့ ... ဘုန်းကြီးက မျောက်နားလည်အောင်ပြောရမှာ ဆို တော့ကာ ကဲ နောက်နေ့ လာခဲ့ဆိုပြီး ချိန်းလိုက်ပြီး ဂုံနီအိတ် တစ်လုံးထဲ အစာ မကျွေးပဲ ခွေးဆိုးတစ်ကောင် ထည့်ချည်ထားလိုက် တယ်တဲ့ ... နောက်နေ့ မျောက် ရောက်လာတော့ မင်းသိချင်တဲ့ ဒုက္ခ ဒီအိတ်ထဲမှာ ရှိတယ် ... ဒါပေမဲ့ ဒါကို သစ်ပင် မရှိတဲ့ ကွင်းပြင်ထဲကျမှ ဖွင့်ကြည့်လို့ မှာလိုက်လေတော့ မျောက်လဲ အိတ်ကြီးကို မနိုင်မနင်း ဒရွတ်တိုက်ဆွဲပြီး သယ်သွားတယ်တဲ့ ... အထဲက ခွေးဘယ်လောက် ဒေါသတွေ ထွက်နေမလဲ ဆိုတာ နဲ့ ကွင်းပြင်ထဲရောက်လို့ ဖွင့်ကြည့်လိုက်တော့ ထွက်လာတဲ့ ခွေးနာ နဲ့ ပြေးတက်စရာ သစ်ပင်မရှိတဲ့ မျောက်အဖြစ်ကို တွေးကြည့် တာနဲ့ တွေးစရာတွေလဲ အများကြီး ကျန်ခဲ့တယ် ... (တစ်ခါတစ်လေ လူတွေက ကိုယ်တိုင်အပါအ၀င်ပေါ့ မျောက်လိုပဲ ဒုက္ခကို ရှာဖွေပြီး သိချင်တဲ့ သဘောလေးတွေလဲ ရှိကြတာ ဆိုတော့လေ ...)

                         စာအုပ်အစမှာ သဘာဝတရားလေးတွေနဲ့ ဥပမာ ပေးပြီး ဇာတ်အိမ် တည်သွားတာ တကယ်ပဲ တစ်ခါတည်းပြီးအောင် ဖတ်ချင်တဲ့ စိတ်ပေါ်သွားတယ် ... ပြီး ကြည်နူးဖွယ် သနားဖွယ် ရသတွေ အမျိုးမျိုးထည့်လို့ ရေးထားတဲ့ နိုင်ငံရေး သမားတစ်ယောက်ရဲ့ အတွေးအမြင် အရေးအသား ပေါ့ပေါ့ပါးပါးလေးတွေ ဖတ်ရတော့ တကယ်စိတ်ထဲ ချီးးကျူးမိတယ် ... အဲဒါနဲ့ မနေ့ညက ပြီးအောင် ဖတ်ပြီး မအားနေတဲ့ ကြားက ချရေးထားချင်တာနဲ့ ရေးဖြစ်သွားတဲ့ ပို့စ်လေးပါ ... ဘာ ရယ်မဟုတ်ပေမဲ့ သူ့ဘ၀တစ်စေ့တစ်စောင်းလဲ ဖြစ်နိုင်တာမို့ ဖတ်ပြီး အတွေးများရင်း ကိုယ့်ဘာသာမှတ်တမ်းတင်လိုက်တဲ့ သဘောပါ ...

                       စာလာဖတ်ပေးကြတဲ့ သူငယ်ချင်းများလဲ မကြာမီ ရောက် လာတော့မဲ့ နှစ်သစ်မှာ စိတ်ချမ်းသာ ကိုယ်ကျန်းမာစွာနဲ့ အားသစ် အင်သစ်တွေနဲ့ ရှေ့ဆက်လျှောက်နိုင်ပါစေ ... 
          
             ပြီးတော့ မြို့တော်ရွှေပြည်ကို ခေတ္တပြန်ပါမယ် ... ရန်ကုန်မှာ တစ်ခါမှ မသုံးဘူးလေတော့ အချိန်အားရရင်နဲ့ ကျော်တာ ခွတာတွေ လုပ်ပြီး သုံးတတ်ခဲ့ရင် အိမ်ကလေး အလွမ်းပြေ ၀င်ကြည့်မယ် ... အဆင်မပြေခဲ့ရင်တော့လဲ ပြန်ရောက်မဲ့ တစ်နေ့ကျမှ ပြန်တွေ့ ကြတာပေါ့ ... နော ...

Tuesday 15 December 2009

ဒီဇင်ဘာည

         
                       လတွေထဲမှာ ဒီဇင်ဘာလလေးကို သဘောကျတယ်...  အေးချမ်းတဲ့ ရာသီဥတုလေး ဖြစ်တာ တစ်ကြောင်း  နှင်းတွေကျတတ်တာကိုရော နောက် တစ်နှစ်ကူးရင်ရော ဘာတွေ ဖြစ်အုံးမလဲ အတွေးတွေနဲ့ အတူ ပျော်မွေ့ဖွယ် ရာသီပွဲတွေကို မြင်ရတာ ကိုယ်နဲ့မဆိုင်ပေမဲ့  သဘောကျတာလေး တွေ အများသား... မနေ့ညက ခရစ်ယာန် သူငယ်ချင်းတွေ Carol Singing လာဆိုကြတယ် ….. Merry Christmas to you ! ဆိုတာတွေလဲ လုပ်ပေါ့ ….  ♫♪ ဤအိမ်ပေါ်သို့ ကောင်းချီးမင်္ဂလာရောက်စေသောဝ် .. ရောက်စေသောဝ် ♫♪.. ဆိုတာတွေလဲ ပါရဲ့ … ဘုရားသခင်ကို တိုင်တည်ဆုတောင်းခြင်း အမှုတွေကိုလဲ ပြုလို့ …

                          အဲဒီထဲမှာ ကလေးတွေ ငါးနှစ် ၊ ခြောက်နှစ် လောက် ကလေးလေးတွေက စလို့ မိန်းကလေး ၊ ယောက်ကျားလေး အရွယ်စုံ ၊ ဆိုဒ်စုံ ၊ အသက်ခပ်လတ်လတ် ၊ ခပ်ကြီးကြီးတွေရော ပါကြတယ် ….. အားလုံးပဲ ပျော်ရွှင်လို့ ဘာသာတရားအပေါ်မှာလဲ ယုံကြည်သက်ဝင်ခြင်း အပြည့်နဲ့ သီချင်းတွေ အားတက်သရော သီဆိုနေကြတာ ကလေးတွေ အသံကတောင် ပိုပြီး စူးထွက်နေသလို … ဆိုတော့ စဉ်းစားမိတာပါ … ညရဲ့ လမ်းမီး အလင်းရောင်အောက်မှာ (လက မသာတော့လေ…)

                        ဂီတက လူတွေကို ဘယ်လောက်ထိ လွှမ်းမိုးနိုင်စွမ်းရှိလဲဆို သူတို့ရဲ့ ဘာသာမှာ ဘာသာတရားကိုလဲ ဂီတနဲ့ အသက်သွင်းထားလေတော့ ကလေးလေးတွေကစလို့ သူတို့ရဲ့ ဘာသာတရားကို မြတ်မြတ်နိုးနိုးနဲ့ ယုံကြည်မှုအပြည့်ရှိတဲ့ ဟန်တွေတွေ့ရတာ ကျေနပ်အားရစရာ ကောင်းလှတယ် …

                       ကိုယ်ကိုယ်တိုင်လဲ ငယ်ငယ်တုန်းက အိပ်ယာက နိုးတာနဲ့ သီချင်းသံလေး ကြားလိုက်ရရင် တော်တော်ပြည့်စုံသွားသလို စိတ်မှာ ဖြစ်ဖူးတယ်… ခုအဲလောက် မဟုတ်တော့တာတောင် အလုပ်တွေ ပင်ပန်းရင်ဖြစ်ဖြစ် ၊ စိတ်တွေ ရှုပ်ထွေးနေတဲ့ အခါမျိုးဖြစ်ဖြစ် သီချင်းအေးအေးလေးတွေ နားထောင်လိုက်ရရင် စိတ်အပန်းပြေသွားသလို ခံစားရတယ် … ဆိုတော့ ဂီတက လူတွေရဲ့ စိတ်ကို ညွတ်နူးပြောင်းလဲစေနိုင်တာတော့ အမှန်ပဲ …

                        ကျွန်မ နောက်တစ်ခု သူတို့ဆီက နှစ်သက်မိတဲ့ အလေ့အထလေး တစ်ခု ရှိတယ် … အဲဒါ ခရစ်ယာန်ဘာသာမှာရော ၊ အစ္စလာမ်ဘာသာမှာရော တွေ့ရတဲ့ အလေ့အထလေးပါ … ရှာလို့ရတဲ့ ဥစ္စာစီးပွားကို ဆယ်ပုံတစ်ပုံ (သူတို့အခေါ် ဆယ်ဖို့တစ်ဖို့ ) ဖယ်ထားပြီး အလှူအတန်းလုပ်တာပေါ့နော် … တော်တော်များများ မဖြစ်မနေလုပ်ကြတာ တွေ့ရတယ် … ကျွန်မ အရမ်းသဘောကျတယ် … အဲဒီ ဓလေ့လေးကို … တကူးတက အားစိုက်စရာ မလိုပဲနဲ့ အလှူအတန်း အမြဲ လုပ်ဖြစ်တဲ့သဘော ဆိုတော့လေ… ( ဒီဇင်ဘာည ဟိုတွေး ဒီတွေးရေးလိုက်တာပါ  … )

                        ဘာမှမဟုတ်ပါဘူး (လို့ ပြောရင်လဲ ပြောအုံးမယ် ) ... အဲဒီတော့ ဟုတ်ပါတယ် ပေါ့ .. လင်းနစ်ရဲ့ တစ်ပုဒ်တည်းသော သီချင်းလေးကလဲ ဒီလိုညနဲ့ လိုက်ဖက်နေလို့ နားထောင်မိရင်း  ဒီဇင်ဘာည ဆိုပြီး တွေးမိသမျှ ရေးမိပါသည် ...

Sunday 13 December 2009

နွယ် ...


အလှပေါ် အယဉ်ဆင်နိုင်ဖို့
ပင်မြင့်ပေါ်ကို တက်တဲ့ နွယ်
ဒီနွယ်လဲ အပြစ်မဆိုသာ
သူမြဲနိုင်ဖို့ ...
ပင်မအစာအဟာရတွေ စားသုံး
ရုန်းမရတဲ့ ပင်စည်
ဝုန်းကနဲ မလဲပေမဲ့
ယိုင်နွဲ့ချင်ရှာပြီ .....

ကိုယ်ထဲက စိတ်ကို မိုးနိုင်ဖို့
စိတ်ထဲကို ၀င်တဲ့နွယ်
ဒီနွယ်လဲ အပြစ်မဆိုသာ
သူမြဲနိုင်ဖို့ ...
စိတ်အစာအဟာရတွေ စားသုံး
ရုန်းမရတဲ့ ကိုယ်
စိတ်ထောင်းလို့ ကိုယ်ကြေခဲ့
ယိုင်နဲ့ချင်ရှာပြီိ …..

( နဲ့တာနော ... နွဲ့တာမဟုတ်ပါ ...)

ဘာမှ မဟုတ်ပါဘူး ... တစ်ချို့ နွယ်ပင်တွေ သစ်ပင်ကို သေလုမျောပါး ဖုံးအုပ် ၀ါးမြိုသွားတာတွေ့ဖူးလို့ ... သံယောဇဉ်ဆိုတဲ့ နွယ်လဲ အဲလိုပဲ ဖြစ်မယ် ထင်တယ် ...

Wednesday 9 December 2009

အဖြူရောင် သံစဉ်များ အပိုင်း (၃)

                        
                         ကျွန်မသူငယ်ချင်းလေး “K” အကြောင်းပေါ့ …“K” က ကျွန်မပေးထားတဲ့ Nick Name မဟုတ်ဘူး … သူ့ဘာသာပေးထားတာ … ပေးရတဲ့ အကြောင်းကလဲ သူ့မှာ ဘလော့ဂ်မရှိတာမဟုတ် … ရှိပါတယ် … ဒါပေမဲ့ စာရေးဖို့မဟုတ် စာဖတ်ဖို့အတွက် များလှစွာသော လင့်များကို ချိတ်ပြီး တစ်နေ့ တစ်နေ့ အသစ် တက်လာသမျှ ဘလော့ဂ်တိုင်းနီးနီးကို အပြေးအလွှားသွားဖတ်နိုင်တဲ့ အထိ စာဖတ်အားကောင်းသူပါ … တစ်ခါတစ်လေလဲ ဖတ်ပြီး ပေါက်ကရတွေလဲ မန့်တတ်သေးသမို့ ဘလော့ဂ် မရေးပေမဲ့ သူ့ကို သိနေကြ ပါတယ် … ပြီးတော့ ကျွန်မရဲ့ “K” က ning site တစ်ခု မှာတော့ ပို့စ်အနဲအပါးရေးပြီး လူသိများလို့မို့  နေရာတကာ ပါလေသူကြီး ဖြစ်မှာ ကြောက်တာမို့ “K” နံမည်ပေးပြီး လာနေတာပါ …

                        ကျွန်မ ဘလော့ဂ် ရေးဖြစ်သွားတဲ့ အကြောင်းအရင်းကလဲ သူ့ကြောင့်ပါ … ကျွန်မ စာတွေ မရေးရေးအောင် သူရေးတဲ့ ပို့စ်တွေထဲမှာ ကျွန်မကို သတင်းမှားတွေနဲ့လဲ ဖွတတ်သေးတယ် … ကျွန်မကျောင်းတုံးကတည်းက စာတို ပေစ ပေါက်ကရတွေ ရေးလေ့ရှိတော့ တစ်ခုခုဆို အဲဒီဆိုဒ် ပေါ်မှာ ကျွန်မရေးခဲ့တဲ့ ကဗျာတွေ တင်လိုက်ရမလား ဆိုတာနဲ့ချည့် ခြိမ်းခြောက်လေ့ ရှိတယ်… အဲလိုပြောလာတိုင်း ကျွန်မရေးခဲ့ဖူးတဲ့ ပေါက်ကရ အပိုင်းအစတွေကို မမှတ်မိလေတော့ ကြက်သီးထမိတာ အခါခါ … သူ့ပို့စ်တစ်ခုမှာ ကျွန်မကို ကောင်းကောင်း နှိပ်ကွပ်ထားတာလဲ ရှိသေး … အဲလိုတွေ ဆိုတော့ ကြောက်ရတယ် ပြောပါတော့ … (လက်သံ ကိုယ့်ထက်ပြင်းလေတော့ …) အမှန်တော့ ကျွန်မကို စာပြန်မရေး ရေးအောင် လုပ်နေခဲ့တာပါ … ကျွန်မသူ့ကို အဲလိုတွေ ရေးရပါ့မလား သွားအော်လေတော့ သူက ကျွန်မ စာပြန်ရေးအောင်လို့ stimulate လုပ်နေခဲ့တာပါတဲ့ …

                       အဲလိုနဲ့ ကျွန်မလဲ အဲဒီ ning site မှာ စာအနဲအကျဉ်း ရေးဖြစ်သွားတယ် … ရေးမိ လာတော့ တဖြည်းဖြည်းနဲ့ ဘလော့ဂ်လေး ရေးချင်စိတ်ပေါ်လာတာနဲ့ မှတ်မှတ်ရရ သူ့မွေးနေ့အမီ ပြင်ဆင်ရင်း Birthday Wish ပို့ရင်းကနေ ကျွန်မလင့်ကလေးကို ပို့လိုက်တော့ အားရ၀မ်းသာနဲ့ အားပေးရှာတယ် … ကျွန်မက စာရေးချင်လို့ ရေးတာကလွဲရင် ဘာမှ မသိခဲ့ဘူး … ဘလော့ဂ်ပေါ်မှာ သူက ကျွန်မ လင့်ကို ချိတ်ပြီိး လည်ပေးနေခဲ့သေးတာ … ကျွန်မ စီဘောက်စ်မှာ ဟိုလူ ဒီလူ ပြန်လာအော်တော့ ကိုယ်က ဘာမသိ ညာမသိ ကြောင်တောင်တောင်နဲ့ … အဲဒီကျမှ စကားတွေ အချိတ်အဆက်မမိတော့ပဲ သူပြောတာ ကိုယ်မသိ ကိုယ်ပြောတာသူမသိတွေ ဖြစ်ကုန်တဲ့ အထိ … (သူ့စေ တွေက ကိုယ့် ဝေတွေ ဖြစ်ကုန်ရော …) အဲဒါကြောင့် ကျွန်မသူငယ်ချင်းလေး “K” က ဒီဘလော့ဂ် ရဲ့ ဇာတ်လိုက်ကျော်ဆိုလဲ မမှားဘူး … ဘာပဲပြောပြော ကျွန်မကို ထွက်ပေါက် ကလေးရှာပေးတဲ့ အတွက်ရော နားခိုစရာ အိမ်လေးတစ်လုံး ရှာပေးတဲ့ အတွက်ရော “K” ကို ကျေးဇူးတင်မိတယ်…

                        ဒီသူငယ်ချင်းလေးက ငယ်ငယ်ကတည်းက သူငယ်ချင်း မဟုတ်ခဲ့ပေမဲ့ သူနဲ့လဲ စိတ်တူ ကိုယ်တူလေးတွေ အများကြီး ရှိခဲ့တယ် … ဆယ်တန်းအောင်ပြီး ယောင်လည်လည်နဲ့ ရောက်လာရတဲ့ ကျောင်းမှာ သူက ဆရာကြီးလုပ်ပြီး သြ၀ါဒခြွေခဲ့တာတွေကိုလဲ အမှတ်ရနေမိတယ် … ကျွန်မပြောခဲ့သလို ယောက်ကျားလေးကျောင်းမှာ ကျောင်းသားနဲ့ ကျောင်းသူကို သူအချိုးချထားတာ ရှိတယ် …7:1 ဆိုပဲ … အဲဒီတော့ Lab အခန်းထဲ ၀င်တဲ့အခါဆို လူခွဲလိုက်ရင် ယောက်ကျားလေး 7ယောက်ကြားမှာ မိန်းကလေး ကိုယ် တစ်ယောက်ပဲ ပါနေခဲ့လေတော့ မျက်စိသူငယ် နားသူငယ်နဲ့ ပေါ့ … အဲဒီ အချိန်တွေတုံးက Lab အခန်းထဲ မှာ ကွန်ပျူတာဆိုတာ မြင်သာမြင် မကြင်ရတဲ့ဘ၀ … ကိုရွှေသကောင့်သားတွေ ကြားလဲ ကိုယ်က မတိုးနိုင်ဘူးကိုး … အဲဒီတော့ “K” က ပြောတယ်… ကျောင်းတက် တဲ့ အချိန်မှာ အကုန်လုံးကို ရိုသေသမှုနဲ့ ကိုတွေ မတွေ တပ်ခေါ်မနေ နဲ့ … ခပ် တည်တည်နဲ့ နင် ၊ငါ နဲ့ သာချ … ဒါမှ ပို ရင်းနှီးပြီး ကိုယ်လဲ သိပ်ပြီး အနေမခက်စေဘူးပေါ့တဲ့ … သူပြောခဲ့တာမှန်တယ် … ကျွန်မတို့ကျောင်းမှာ ဒါလောက် ယောက်ကျားလေး များတာ အားလုံးကလဲ ကိုယ့်ထက် အသက်ကြီးသူက ခပ်များများ … ကျွန်မတို့နှစ်က မိန်းကလေးတွေက ဆယ်တန်းအောင် ပြီးကာစ တကယ့်ကို ဘာမသိညာမသိ လူကောင်သေးသေးတွေ ချည့်မို့ … နောက်ပိုင်း တရင်းတနှီး ရှိလာကြတဲ့ အခါ ကျွန်မတို့ မိန်းကလေးတွေကို ကျောင်းက ယောက်ကျားလေး အများစုကလဲ စ စရာ သတ္တ၀ါလေးတွေလိုပဲ သဘောထားခဲ့တာ … ကိုယ့်ထက်ပုပု သေးသေးဖြစ်နေခဲ့တဲ့ ခု ဒေါက်တာ မမကြီး ဖြစ်နေတဲ့ သူငယ်ချင်းတစ်ယောက်ကို အဲဒီအချိန်ကဆို မူကြို လာတက်တာလား စခံရတဲ့ အထိ … ကျောင်းတုံးက ဓါတ်ပုံတွေ ပြန်ကြည့်မိတော့လဲ အဟုတ်ကို အထင်ကြီးချင်စရာ ကောင်းမနေခဲ့တာ အမှန် … အဲဒီတုံးက စတိုင်လား … ကိုကိုကြီးတွေကို ကြောက်နေခဲ့တာလား မသိ … ကျွန်မတို့ မိန်းကလေး အားလုံး ရှပ်အင်္ကျီ တဖားဖားနဲ့ လွယ်အိတ်စလွယ်သိုင်း တွေနဲ့ မိတ်ကပ်ဆ်ိုတာ ဝေလာဝေး သနပ်ခါးပါတဲ့ မျက်နှာက ခပ်ရှားရှား … ( အဲဒီတော့ … ကျွန်မရဲ့ “K” ပြောပြောနေခဲ့တဲ့ ရွာနားက ချောကလက် ရွာသား မစားချင်တာလဲ အပြစ်မဟုတ်ပါ …)

                          “K” နဲ့ ကျွန်မ Roll No. ကပ်လျက် မွေးနေ့လဲ နှစ်ရက်ပဲ ကွာတာမို့ ကျောင်းမှာ မွေးနေ့ပေါင်းလုပ်ဖူးတာလဲ သတိရနေမိတယ် … သီချင်း ကြိုက်တာ ကဗျာတွေ စာတွေ ကြိုက် တာလဲ တူနေခဲ့တာမို့ အဆက်အသွယ်ပြန်ရ ကြတော့လဲ ဘယ်တုံးကဘယ်လိုဆိုပြီး ပြောကြရတာ အမော … “K” တို့နဲ့လဲ အဆက်အသွယ်ပြတ်သွားလိုက်တာ ဆယ်စုနှစ်ကျော် … အဆက်အသွယ်မပြတ် ပြန်တွေ့ ကြတာ ပြီးခဲ့တဲ့ လေးလပိုင်းကမို့ တစ်နှစ်တောင် မပြည့်ချင်သေး …

                         ကျောင်းတုံးက ကျွန်မပေါက်ကရရေး ထားမိတဲ့ စာတိုလေးနဲ့ အတူ သူကပြန်ရေး ထားတဲ့ စာတိုလေး တစ်စောင်ကို စာအုပ်တစ်အုပ်ကြားက ပြန်တွေ့တယ် …95 ခုနှစ်ကစာလေးမို့ 14 နှစ်လောက်ကြာပြီ ဖြစ်တဲ့ စာကလေးကို တွေ့တော့ အံ့သြော ၀မ်းသာမိတယ် … ကလေးလက်ရေးလေး တွေနဲ့မို့ ခုတွေ့တော့ scan ဖတ်ပြီး အမှတ်တရ တင်ထားချင်တာ ဒါပေမဲ့ လောလောဆယ် scanner ကလဲ ပျက်နေတာမို့ အဆင်ပြေမှ ပြန်တင်မယ် …(အဟဲ ဖြတ် ၊ ညှပ်၊ ကပ် လုပ်ပြီးမှပါ… မကြောက်ပါနဲ့ သယ်ရင်းရယ် …) ကျွန်မ ပိုက်ပိုက်ကုန်သွားတဲ့ အကြောင်းနဲ့ ဘယ်သယ်ရင်းနဲ့ ဘာဖြစ်တာကို စိတ်ညစ်ပြီး ရေးထားမိမှန်းမသိတဲ့ စာတိုလေး … သူက တွေ့ပြီး ပြန်ရေးထားတာ သူ့ကြောင့်လား ဆိုပြီး သူ့ကြောင့် မဟုတ်ရင်လဲ ဘယ်သယ်ရင်း ကြောင့်လဲ ပေါ့ ... မျှဝေခံစားပေးမှာပေါ့တဲ့ … ပိုက်ပိုက်ပြတ်တာကတော့ စိတ်မပူပါနဲ့တဲ့ … မြန်မာ စကားပုံ တစ်ခု ကြားဖူးတယ်မို့လားတဲ့ “လူတော် နဲ့ ငွေ .. အတူ မနေ ” ဆိုပဲ … အဲလို ကျွန်မကို ရှာကြံပြီး နှစ်သိမ့်အားပေးတတ်တဲ့ သယ်ရင်းလေးပါ …

                        ခုပြန်တွေ့ကြတော့လဲ ကျွန်မရဲ့ စာရေးခြင်း အပေါ်မှာရော ကျွန်မ စိတ်ညစ်တတ် ခြင်းတွေ အပေါ်မှာရော တစ်ချိန်ကုန် အားပေးခဲ့တဲ့ သယ်ရင်းလေးမို့ ကျေးဇူးလဲ တင်မိသလို အမြဲလဲ လွမ်းနေမိပါကြောင်း …. (ကောင်းတာလေးတွေပဲ ရွေးရေးချင်စိတ်ပေါ်ပါစေ .. ဆိုလို့ ဒီတစ်ခါတော့ သနားသဖြင့် ဘာမှ မဖွသေးပါ … နောက်မှ အလျင်းသင့်သလို ပေါ့ …..)

Wednesday 2 December 2009

အဖြူရောင်သံစဉ်များ အပိုင်း (၂)

HAPPY BIRTHDAY !

                        ဒီနေ့ ကျွန်မ သူငယ်ချင်းလေး မွေးနေ့ပေါ့ ... ကျွန်မ သူငယ်ချင်းတွေ အကြောင်း ရေးမယ်လို့လဲ ကြေငြာ ရော ကြောက်အား လန့်အားနဲ့ ဒီလို ပြောလာရှာတယ် …

thurein: တစ်ယောက်ချင်းစီ အကြောင်းလေးတွေ ရေးမယ်လို့ စိတ်ကူးထားပါတယ်....( မြှောက်ပင့် ရေးသားမှု ကိုသာ အလိုရှိပါတယ်....ဟီး)
7:17 AM me: ဟမ်..
ပြောထားတယ်လေ..
လာဘ်ထိုးဖို့တော့လိုလိမ့်မယ်... လို့
7:19 AM thurein: ဟီး...ဘာလိုချင်လဲ Cygnus တော့ မပေးနိုင်ဘူး ...
me: အဲဒါမှ အဲဒါပဲ ..
လုံးဝမလျှော့ဘူး
7:20 AM thurein: ဟားဟား

                          ဒီနေ့ ၊ ဒီရက်မို့ စိတ်ချမ်းသာပါစေတော့လို့ မကောင်းကြောင်းများ အကုန်    မဖေါ်သေးပါ… နောက် အလျင်းသင့်လျှင် သင့်သလို ဖေါ်ပါမည် ။ :D ဒီနေ့ တိုက်တိုက်ဆိုင်ဆိုင် မွေးနေ့ဆုတောင်းကလဲ ထည့်ချင်တယ် … အဖြူရောင်သံစဉ်များရဲ့ အပိုင်းကလဲ (၂) ဖြစ်နေတယ် … (၂ ) နဲ့ကို မလွတ်နိုင်ဘူး ရှိမယ် … မရည်ရွယ်ပါပဲ တိုက်ဆိုင်သွားတယ် … အမှတ်တရပေါ့ … ကျွန်မရဲ့ သူငယ်ချင်း အရင်းများထဲမှာ တိုက်တိုက်ဆိုင်ဆိုင် မွေးရက်တူတာ ခုသူငယ်ချင်းရယ် ကျွန်မရယ် .. သူငယ်ချင်း “ A ” ရယ် သုံးယောက် … အင်း ..ဒါ့အပြင် ဒီသူငယ်ချင်းလေးက ဟိုတလောလေးက ရှာဖွေ စုဆောင်းလာတာ ရှိသေးတယ် … ဒေးဗစ်ဘက်ဟမ်း တို့ ဘရစ်တ်နီစပီးယား တို့လဲ (၂) ဂဏန်း သမားဆိုပဲ … ( အဟဲ .. ပျော်စရာကြီးလို့ ကျွန်မက ပြောလိုက်မိသေးတယ် .. ) (၂) ဂဏန်း သမားများရဲ့ အမူအကျင့် အကြောင်း ရေးထာတာလေးတွေ ဖတ်လိုက်ရပါတယ် … အဲဒီတော့လဲ အနဲ နဲ့ အများ စိတ်တူ ကိုယ်တူ လေးတွေ ရှိတာပေါ့ … ( မကောင်းတဲ့ အကျင့်တွေက ခပ်များများ တူမယ်ထင်တယ် …းD ) ဒီသူငယ်ချင်းကတော့ ဘလော့ဂ်ဂါသူငယ်ချင်းကလဲ ဖြစ်ပြန် အပြင်မှာလဲ သူငယ်ချင်းအရင်း ဖြစ်နေခဲ့သူ… ဆိုတော့ Nick Name ပေးစရာ မလိုတော့ဘူးပေါ့ … လူတကာချစ်တဲ့ စူပါကော်ဖီမစ်စ်ပဲ သိကြမှာပါ … ကိုသူရိန် ပါ... ကောင်းကြောင်းတွေပဲ ရွေးပြောရရင်တော့ တကယ်ကောင်းခဲ့ပါတယ် … ကျွန်မကို အစ်ကိုတစ်ယောက်လို အမြဲဆုံးမ သွန်သင်ခဲ့သူပါ … “ ဆရာဆိုတော့ ဆရာလုပ်ချင်တဲ့ ဗီဇကလေးကလဲ ရှိပြီး ဆိုတော့လေ…” အစအနောက်သန်တယ် ထင်တယ်လို့ သူများမှတ်ချက်ချတာလဲ မှန်မှ မှန်ပါ … အဲဒါကြောင့် လူတကာချစ်တဲ့ စူပါကော်ဖီမစ်စ်လို့ နံမည်ပေးထားတာပါ … အဟဲ .. ဘလော့ဂ်ပေါ်မှာ အတည်ပေါက်ကြီး ၀င်နောက်နေခဲ့ပြီး နောက်မှ ကျွန်မရဲ့ သူငယ်ချင်း အရင်းကြီး ဖြစ်နေခဲ့သူပါ … အင်း … ပြီးတော့ လိုအပ်တာတွေလဲ အစစ အရာရာ ကူညီခဲ့ဖူးပြီိး စိတ်ညစ်တဲ့ အချိန်တွေတုံးမှာလဲ အားပေးကူညီခဲ့ဖူးသူမို့ ကျွန်မရဲ့ Essential Friends တွေထဲက တစ်ယောက်ပေါ့ …ကျွန်မကိုလဲ ရန်ကုန်မှာ မစားရ၀ခမန်း တစ်ချိန်ကုန် ကျွေးခဲ့တဲ့ သူငယ်ချင်းလေးဆိုတော့ ဒီနေ့ အမှန်အကန်မွေးနေ့ဆိုတော့ကာ အမှန်အကန် ၀ါးတီးဖွင့်ချင်မိသား … သို့ပေမဲ့ တစ်မြေစီ ခြားမို့ … အတိုးရော ၊ အရင်းရော မှတ်ထားပါကြောင်း …. ဘယ်လိုပဲ ဖြစ်ဖြစ် ကျွန်မ သူငယ်ချင်းလေး မွေးနေ့မှသည် ဘ၀တစ်လျှောက် ပျော်ရွှင်မှုများနဲ့ စိတ်ချမ်းသာ ၊ ကိုယ်ကျန်းမာစွာ လျှောက်လှမ်းနိုင်ပါစေလို့ … ဆုမွန်ကောင်း တောင်းပေးလိုက်ပါတယ် … (အံမယ်မင်း … Cygnus စီးရချည်သေးရဲ့ …းD )

                         သူငယ်ချင်းကို အမှတ်တရ ကဗျာလေးရေးပြီး ဆုတောင်းပေးလိုက်တာ ... သူ့လောက် ကဗျာက ကောင်းကောင်း ရေးတတ်တာ မဟုတ်လေတော့ စိတ်ထဲ ရှိသလိုပဲ ရေးလိုက်တယ် ... အမှတ်တရပေါ့ ...