ကြည့်မိသော သတင်းများ (၂ )

                            

                                ခုတလော You Tube မှာ 2012 ခုနှစ်ဆိုရင် ကမ္ဘာကြီးပျက်တော့မယ် ဆိုတဲ့ သတင်းတွေ ပလူ ပျံနေပါတယ် … တစ်ခါ အဲဒီသတင်းပေါ် မူတည်ပြီး ယုံကြည်မှု ရှိ ၊ မရှိ ဆို တဲ့ အကြောင်းအရာတွေကို ဆွေးနွေးထားတဲ့ ဘလော့ဂ်လေးတွေကိုလဲ ဖတ်ရပြန်တယ် … အဲဒီကနေမှ ဘလော့ဂ်လောကရဲ့ တဂ်ခေါင်းစဉ်အောက်မှာ ကမ္ဘာကြီး ပျက်သွားခဲ့ရင် ဆိုတဲ့ ခေါင်းစဉ်နဲ့ တစ်ခါ ထပ်တပ်ပြီး အမေး ၊ အဖြေ ပုံစံလေးတွေ ရေးထား ကြတာလဲ ဖတ်ရပြန်ပါတယ် … အဲဒီ သတင်းနဲ့ ပတ်သက်ပြီးတော့တော့ ကျွန်မ သေချာမသိပါဘူး … အတိအကျ ဖတ်ထားရတဲ့ သတင်းတစ်ခုကိုပဲ အခြေခံပြီး ကျွန်မနားထောင်ဖူးတဲ့ တရားတွေထဲက နားထဲစွဲနေခဲ့တဲ့ အကြောင်းအရာလေးတွေကို ဆက်စပ်ရေးလိုက်မိပါတယ် … ကျွန်မ ဖတ်ရတဲ့ သတင်းကတော့ ကျွန်မတို့ ဗုဒ္ဓဘာသာ မြန်မာလူမျိုးတွေအဖို့ အရမ်းပဲ ဂုဏ်ယူ ၀မ်းမြောက်စရာ ကောင်းပါတယ် ... ယခုနှစ် အတွက် ကမ္ဘာ့အကောင်းဆုံး ဘာသာ ရေးဆုကို “ ဗုဒ္ဓဘာသာ ” က ရရှိတယ် ဆိုတဲ့ သတင်းလေးပါ … International Coalition for the Advancement of Religious and Spirituality (ICARUS) အဖွဲ့က ပေးအပ်တဲ့ ကမ္ဘာ့အကောင်းဆုံး (သို့မဟုတ်) လွတ်လပ်မှု အရှိဆုံး ဘာသာရေးဆုကို “ ဗုဒ္ဓဘာသာ” အဖွဲ့အစည်းက ရရှိခဲ့ပါတယ် … သတင်း အပြည့်အစုံ ဖတ်ချင်ရင် ဒီဆိုက်ကလေးမှာ သွားဖတ်ကြည့်နော်… ဘာပဲဖြစ်ဖြစ် ကိုယ့်ဘာသာ၊ သာသနာဆိုတော့လဲ ဂုဏ်ယူ စရာပေါ့နော် ….. တကယ်လဲ ကျွန်မတို့ ဘာသာဟာ အခြေအမြစ် ခိုင်ခိုင်လုံလုံနဲ့ ရပ်တည် ပေါ်ပေါက်ခဲ့တာပါ … ကျွန်မတို့ ဗုဒ္ဓရဲ့ တရားတော် များဟာ သိပ္ပံနည်းပညာနဲ့ ယှဉ်ရင်လဲ လက်ခံနိုင်ဖွယ် ရှိကြောင်း သိပ္ပံပညာရှင်တွေရဲ့ ထောက်ခံချက်တွေကို ဖတ်ရသလို ကမ္ဘာ့အကျော်အမော် ပုဂ္ဂိုလ်များက ထောက်ခံတာတွေကိုလဲ တွေ့ရ ပါတယ် … အိန္ဒိယနိုင်ငံရဲ့ ၀န်ကြီးချုပ်တစ်ဦး ဖြစ်ခဲ့တဲ့ နေရူးဟာ ကမ္ဘာ့ကုလသမဂ္ဂမှာ ပြောတဲ့ မိန့်ခွန်းထဲမှာ ဗုဒ္ဓလမ်းစဉ်တွေကို ထည့်ပြောခဲ့ဖူးပါတယ် … ဒီမိုကရေစီ ဆိုတာ ဗုဒ္ဓ၀ါဒက စခဲ့တာ လို့ ဆိုပါတယ် … အိန္ဒိယ၀န်ကြီးချုပ်နေရူးက “ ဟောဒီ ကမ္ဘာလောကကြီးကို Socialism လို့ခေါ်တဲ့ လူမှုရေးသိပ္ပံ ( လူမှု ၀ါဒီကြီး ) နဲ့ တည်ဆောက်ရင် တည်ဆောက် ၊ မတည်ဆောက်ရင် ဗုဒ္ဓလမ်းစဉ်က ဟောကြားတဲ့ တရားတော်များနဲ့ တည်ဆောက် ပြီး နိုင်ငံအသီးသီးက ကျင့်သုံးရင် ဒီကမ္ဘာကြီးဟာ စစ်ပွဲတွေ အလိုလို ရပ်သွားပြီး ဟောဒီ (UN ) လို့ခေါ်တဲ့ ကမ္ဘာ့ကုလသမဂ္ဂ အဖွဲ့ အစည်းကြီးတောင် မလိုအပ်တော့ပါဘူး ..” ဆိုပြီး (UN) မှာ ပြုလုပ်တဲ့ အစည်းအဝေးတစ်ခုက မိန့်ခွန်း ထဲမှာ ထည့်ပြောသွားဖူးကြောင်း သူ့မှတ်တမ်းထဲမှာ ဖတ်ရပါတယ်တဲ့ … (ကျွန်မကတော့ ဆရာတော် ဦးကောသလ္လ (ဓမ္မစေတီ ဆရာတော် ) ဟောတဲ့ ထေရ၀ါဒတရား ပွဲဆိုတဲ့ တရားတွေထဲမှာ နားထောင်ဖူးတာ ကို မှတ်မိသလို အဆင်ပြေအောင် ရေးထားတာပါ … ) နောက် တစ်ယောက်က (Men of Century ) မှာ ကမ္ဘာ့စိတ်အ၀င် စားခံရဆုံး ပုဂ္ဂိုလ်ဖြစ်ခဲ့တဲ့ ကမ္ဘာ့ သိပ္ပံပညာရှင်ကြီး ( Albert Einstein ) အဲလ်ဗတ် အိုင်းစတိုင်း မသေခင် ပါမောက္ခကြီးတွေနဲ့ အမေး ၊ အဖြေ လုပ်ခဲ့တဲ့ အကြောင်း အရာလေးတွေပါ … ပါမောက္ခကြီးတွေက မေးပါတယ် … “ တတိယ ကမ္ဘာစစ်ကြီးကို ဘယ်နိုင်ငံက စပြီး ဘယ်လို အခြေ အနေ ၊ ဘယ်လို အချိန်မျိုးမှာ ဖြစ်နိုင်ပါသလဲ … ကြိုတင် ဟောကိန်း ထုတ်ပေးပါ …” ဆိုတော့ အိုင်းစတိုင်းက “ တတိယကမ္ဘာစစ် ဘယ်အချိန်ဖြစ်မယ် ဆိုတာတော့ ငါလဲ မသိဘူး … အကယ်၍ စတုထ္တ ကမ္ဘာစစ်ကြီး များ ဖြစ်ရင် လူတွေက လက်သီးနဲ့ပဲ ထိုးကြပြီး လက်နက်တွေ မသုံးကြတော့ဘူး …” လို့ ပြောပါတယ် … ဘယ်လို ဘာသာစကား (Language) ကို သုံးမလဲ ဆိုတော့ “ အင်္ဂလိပ်ဘာသာစကား တစ်မျိုးတည်း ကိုပဲ တစ်ကမ္ဘာလုံးက ၀ိုင်းသုံးလာကြလိမ့် မယ် …” ဘယ်လို ဘာသာရေးကိုပဲ ၀ိုင်းပြီး ကိုးကွယ် ကြမလဲ ဆိုတော့ “ အဲဒီ ဘာ သာစကားကိုပဲ လူတွေ ၀ိုင်းပြီး စုပြောလာတဲ့ တစ်နေ့ကြရင် စကြ၀ဠာ ဘာသာကြီး ဆိုတာ ပေါ်ပေါက်လာ လိမ့်မယ် … အဲဒီ ဘာသာဟာ “ ဗုဒ္ဓဘာသာ” ဖြစ်လိမ့်မယ် … လူတွေရဲ့ သိချင် ၊ တတ်ချင်တဲ့ စိတ်တွေ၊ ငြိမ်းချမ်းချင်တဲ့ စိတ်တွေက အဲဒီ ဗုဒ္ဓဘာသာထဲမှာပဲ ရှာဖွေ တွေ့ရှိလိမ့်မယ်…” လို့ ကမ္ဘာ့သိပ္ပံပညာရှင်ကြီးက ပြောခဲ့ တာပါ … အဲဒီ အချိန်က အိုင်းစတိုင်းဟာ ဘာသာရေးနဲ့ ပတ်သက်ပြီး ပြောခဲ့ဖူးတာလေး တစ်ခုလဲ ဖတ်ရတာ ရှိတယ် … သူဟာ ဘာသာတရား အားလုံးကို လေ့လာခဲ့ သူပါတဲ့ … ဒါပေမဲ့ ဘယ် ဘာသာကိုမှ မကိုးကွယ်ပဲ ဘာသာမဲ့ တစ်ယောက်အဖြစ် နေထိုင်ခဲ့သူပါတဲ့ … အကယ်၍ မဖြစ်မနေ ဘာသာတစ်ခုကို ကိုးကွယ်ရမယ် ဆိုရင် တော့ “ ဗုဒ္ဓဘာသာ ” ကိုပဲ ကိုးကွယ်ပါ့မယ် တဲ့ … ဘာလို့လဲ ဆိုတော့ ဗုဒ္ဓဘာသာ မှာ “ What , Where , When , Why ” ဆိုတာတွေကို အဖြေ အတိအကျ ပေးနိုင် လို့ပါတဲ့ … ကမ္ဘာ့သိပ္ပံ ပညာရှင်ကြီးက သိပ္ပံနည်းကျပါ လေ့လာပြီး ပြောသွားတဲ့ စကားတွေပါ … အဲလို ခန့်မှန်းချက်တွေကို ကြားရပြီး  ကျွန်မ ကြည့်ရတဲ့ သတင်းထဲမှာကလဲ ကမ္ဘာ့အကောင်းဆုံး ဘာသာရေးဆုကို “ဗုဒ္ဓဘာသာ” က ရရှိလေတော့ နီးစပ်တာလေးတွေ ကျွန်မ စဉ်းစား မိတာပါ … အခု ရေးတာတွေ အားလုံးဟာ ဓမ္မစေတီ ဆရာတော်ရဲ့ တရားတွေ ထဲမှာ နားထောင်ဖူးတာပါ … တချို့အကြောင်းအရာတွေ လွဲနေခဲ့ရင်လဲ ကျွန်မ နားကြားမှားတာပဲ ဖြစ်မှာပါ … ဆရာတော်က အဲဒီအကြောင်း အရာတွေ ဟောပြီး အနှစ်ချုပ်လိုက်တော့ ခု “ ဗုဒ္ဓဘာသာ ” ဆိုတာ ကိုယ်ပိုင် ပစ္စည်း ပါတဲ့ … အိုင်းစတိုင်းပြောတဲ့ တစ်ချိန်များ ရောက်လာခဲ့ရင် အဲဒီအချိန်ကျမှ ကိုယ့်ကိုယ်ပိုင် ပစ္စည်းကို သူများ နားကနေပြီး တဆင့် လက်ဝေခံ ယူသုံးရတဲ့ ဘ၀မျိုး မရောက်စေချင်ဘူး … ဆိုတာနဲ့ တရားလေးကို အဆုံးသတ်ထားပါတယ် … တကယ်လဲ ကျွန်မတို့ ဗုဒ္ဓဘာသာတွေ အင်အားချည့်နဲ့ လာတဲ့အကြောင်း ခုလို ထပ်ပြောထားပါတယ် … ကမ္ဘာ့လူဦးရေ သန်းပေါင်း ၂၄၀၀ လောက်ပဲ ရှိစဉ်အခါက ဗုဒ္ဓဘာသာက သန်း ပေါင်း ၈၅၀ လောက်ဆိုတော့ ကမ္ဘာ့လူဦးရေရဲ့ ၃ပုံ၁ပုံလောက် ရှိနေခဲ့ရာကနေ ခုကမ္ဘာ့လူဦးရေ သန်ပေါင်း ၆၀၀၀ လောက်ရှိလာစဉ်မှာ ခရစ်ယာန် က သန်း ၁၈၀၀ ၊ အစ္စလာမ်က သန်း ၁၀၈၀ ၊ ဟိန္ဒူ ဘာသာဝင်က သန်း ၉၈၀ လောက် ရှိပြီး ဗုဒ္ဓ ဘာသာကတော့ သန်း ၄၀၀ လောက်ပဲ ရှိပါတော့တယ်တဲ့ … အဲဒီသန်း ၄၀၀ ထဲမှာ မှ ထေရ၀ါဒ ဗုဒ္ဓဘာသာက ၁၇၅ သန်းလောက်ပဲ ရှိပါတယ် … အဲဒီထဲကမှ PURE ထေရ၀ါဒကို စစ်တမ်းကောက် မယ်ဆိုရင် ၇၀ နဲ့ ၈၀ ကြား လောက် ပဲ ရှိလိမ့်မယ်လို့ ဆိုပါတယ် …

                               ( အင်း … ကျွန်မ ကိုတော့ ပြောချင်လိမ့်မယ် … ဘုန်းကြီးကျောင်းလေး နှစ်ခေါက် လောက် ရောက်တာ နဲ့ ဘာသာရေးကို ကြီးကြီး ကျယ်ကျယ် ၀င်ဆွေးနွေး နေတယ် ဆိုပြီး … ပြောရင်လဲ ခံဖို့အသင့်ပါ … တကယ်လဲ ကျွန်မကိုယ်တိုင်က ဘာမှ ဖြစ်ဖြစ်မြောက်မြောက် သိလို့ တတ်လို့ ရေးထားတာ မဟုတ်ပါ … ကျွန်မ ကြည့်ရတဲ့ သတင်းလေးကို အားရ၀မ်းသာဖြစ်ပြီး ကျွန်မ ကြားဖူးတာလေးတွေ ဆက်စပ်လို့ ဗုဒ္ဓဘာသာ ဖြစ်ရတာ ဂုဏ်ယူစရာ ကောင်းတာလေးကို ပြောချင်တာ အဓိကပါ … ဘာသာရေးကို စိတ်ဝင်စားတဲ့ မိဘများက မွေးဖွားပေးခဲ့လို့ မိရိုးဖလာ ဗုဒ္ဓဘာသာ ဖြစ်လာရပြီး ကိုယ်တိုင်လဲ စိတ်ဝင်စားမိလို့ အနဲအပါး နားထောင်မိတဲ့အခါကျတော့ ထေရ၀ါဒ ဗုဒ္ဓဘာသာဝင် ဖြစ်လာရတဲ့ ဘ၀ကို ဂုဏ်ယူတတ်ရုံ အဆင့်ပဲ ရှိပါသေးတယ် … ဗုဒ္ဓဘာသာကိုမှ မိရိုးဖလာ မဟုတ်ပဲ ကိုယ်တိုင်က တကယ် ယုံကြည်သက်ဝင်တဲ့ PURE ထေရ၀ါဒ ဗုဒ္ဓဘာသာတွေ ဖြစ်ကြရင် ကမ္ဘာကြီးပျက်မယ်ဆိုလဲ ဘာပူစရာလဲ .. နော … ရင်ထဲမှာ ဘုရားတည်ထားပြီးရင် ဘာတွေပဲ ဖြစ်လာ ဖြစ်လာ ဘာမှ သိပ် စိုးရိမ်စရာ မရှိတော့ဘူးလို့ ကျွန်မတော့ ထင်မိတယ် … )

                            အားလို့ ထေရ၀ါဒ ဗုဒ္ဓဘာသာ အကြောင်း ထပ်လေ့လာကြည့် ချင်တယ်ဆိုရင် ဓမ္မစေတီဆရာတော် ဦးကောသလ္လရဲ့ တရားတွေကို ဒီဆိုဒ်ကလေးမှာ ဒေါင်းချင်လဲ ရတယ် … မဒေါင်းပဲ နားထောင်လို့လဲ ရတယ် နော် … အားလုံးပဲ ကျွန်မ သူငယ် ချင်းတွေ ငြိမ်းချမ်းပျော်ရွှင်နိုင်ကြပါစေ …

ကထိန ဒါန (သို့) ကထိန် အလှူတော် မင်္ဂလာ

                                ခုတစ်လော အလုပ်ရှုပ်နေတယ် ဆိုတာ တခြားမဟုတ်ပါဘူး … အလှူဒါန ပြုကြသူငါ လုပ်နေလို့ပါ … (အဟက်… ကြွားတယ်လို့တော့ မထင်နဲ့ပေါ့ … ထင်ချင်လဲ ထင်နိုင်ပါတယ် … ) သီတင်းကျွတ် အခါသမယ ပြီးသွားပြီဆိုတော့ ကထိနဒါန (ကထိန်ခင်း အလှူတော်) လေး လုပ်ဖို့ စီစဉ်ဖြစ်သွားပါတယ် … တစ်ခါမှ မလုပ်ဖူးတဲ့ အလုပ်ကို အကုန်လုံးလဲ ကမ္မကထ္ထ လုပ်ဖို့မနိုင်လေတော့ မတည်ငွေ လှူဒါန်းပြီး လုပ်လိုက်တာ အောင်မြင်စွာ မပြီးဆုံးမချင်း စိတ်မောလူမောနဲ့ အသည်း အသန် လှုပ်ရှားလိုက်ရပါတယ် … ဒီဘက်မှာက ဘုန်းကြီးကျောင်း တော်တော် များများက ဗုဒ္ဓဘာသာကို အခြေခံတာ ဆိုပေမဲ့ အများစုသော ဘုန်းကြီးကျောင်း တွေက မဟာယနဗုဒ္ဓဘာသာ ဆိုတော့ ကိုယ်နဲ့ အဆင်ပြေမဲ့ ထေရ၀ါဒ ဗမာ ဘုန်းကြီးကျောင်းမှ ဖြစ်မှာလေ … ပြီးခဲ့တဲ့ သီတင်းကျွတ် လပြည့်နေ့က ဘုန်းကြီးကျောင်း သွားတက်ရင်းနဲ့ စကားစပ်မိလို့ နောက်လထဲမှာ ကထိန်ခင်း ဖြစ်ရင် ဖိတ်မဲ့ အကြောင်း ဘုန်းကြီးက မိန့်လာပါတယ် … တစ်ရက် ဖိတ်စာ ရောက်လာတော့ သွားဖြစ်ပါတယ် … ဘုန်းကြီးက ကထိန်ခင်းတာ နှစ်တိုင်း ကျင်းပ လာတာ ဆိုတော့ ကျင်းပချင်ပေမဲ့ ဒကာ ၊ ဒကာမတွေကို ခုလို စီးပွားရေး ကျပ်တည်းကြချိန်မှာ အလှူလဲ မခံချင်ဘူး … အားနာတယ် …ဒါကြောင့် စဉ်းစားတိုင်ပင်မယ် ဆိုပြီး အစည်းအဝေးခေါ်လိုက်တာ … ဒါပေမဲ့ ဘုန်းကြီးတို့ ဒကာ ၊ ဒကာမတွေက ဘုန်းကြီး ဘာမှ မပြောရသေးခင်က တပည့်တော်ကတော့ ဘယ်လောက် မတည်မယ် … တပည့်တော်ကတော့ ဘယ်လောက် .. တပည့်တော်ကတော့ ဘာလှူမယ် ဆိုတာတွေ အားတက်သရော လျှောက်လာကြတော့ ဘုန်းကြီးမှာ အတိုင်းမသိ ပီတိ ဖြစ်ရကြောင်း မိန့်လာပါတယ် … အဲဒီတော့ တစ်နှစ် တစ်ခါ ကျင်းပမြဲဖြစ်တဲ့ ကထိန် အလှူတော်ကို ရိုးရာလဲ မပျက်ရအောင် ၊ ဒီမှာ အားလုံးက စီးပွားလာရှာကြတဲ့ သူတွေချည့်ဆိုတော့ ဘ၀အမောလေးတွေလဲ ဒီလိုနည်းနဲ့ပဲ ဖြေဖျောက်နိုင်မှာမို့ အားလုံး ကျပ်တည်းကြမှန်း သိပေမဲ့ ဖြစ်အောင်တော့ လုပ်မယ် … ကိုယ်နိုင်သလောက်နဲ့ တတ်အားသလောက်ပဲ ပါဝင်လှူဒါန်းပါ … အပန်းကြီးမှာတွေတော့ မလုပ်ကြနဲ့ပေါ့ … ဆိုပြီး အစည်းအဝေးမှာ မိန့်လာပါတယ် … အဲဒါနဲ့ ကျွန်မလဲ မတည်ငွေ လှူဒါန်းခဲ့ပြီး နောက်ပိုင်း ပြီးခဲ့တဲ့ရက်တွေမှာ ကိုယ်တိုင်လဲ အသိအပေါင်း အသင်းတွေကို လိုက် နှိုးဆော်ပြီး အလှူခံ ( မျက်နှာတော့ ခပ်ပူပူပဲ - ပူပေမဲ့လဲ မတတ်နိုင်ဘူး ..ဘုန်းကြီးက ပိုပြီး စိတ်ပူနေခဲ့ တာဆိုတော့ ကိုယ်က လူ .. သိပ် ပြဿနာ မရှိဘူး ၊ ဘုန်းကြီးမှာက ဘုန်းကြီးရဲ့ ၀ိနည်းတွေကလဲ စောင့်ထိန်း ရသေး တာ ဆိုတော့… ကိုယ်တွေပဲ နဲနဲလေး မျက်နှာပြောင်ရတာပေါ့လေ .. ) ပြောသာ ပြောတာပါ … အားလုံး ခုချိန်မှာ အလုပ်အကိုင် မကောင်းကြဘူး ဆိုပေမဲ့လဲ အလှူခံ အဖွဲ့တွေ အိုးစည် ၊ဒိုးပတ်တွေနဲ့ သံချပ်တိုင် တဲ့အထဲက လိုပါပဲ ..(ကုသိုလ်ရေးမို့ လက်မနှေးပါတယ် ..ကုသိုလ်ရေးမို့ လက်မနှေးပါတယ် ..) ဆိုတဲ့ အတိုင်းပါပဲ .. ဗုဒ္ဓဘာသာ မြန်မာလူမျိုးတွေရဲ့ အရမ်းချစ်စရာကောင်းပုံက အတင်း တိုက်တွန်း ရတယ်ဆိုတာ မရှိပါဘူး .. ပြောလိုက်တာနဲ့ အားလုံးက လိုလိုချင်ချင်ပဲ လှူကြ၊ တန်းကြတာ အားရကြည်နူး စရာကောင်း လှပါတယ် … ဘုန်းကြီးကျောင်းကလဲ သူတို့ရဲ့ အလှူရှင်တွေကို တတ်အားသလောက် အလှူခံလိုက်တာ ဆန်၊ ဆီ ၊ အအေး လှူသူတွေ အပြင် အလှူငွေ ကြည့်ပဲ ဘတ် ခြောက်သောင်းကျော်လောက် ကောက်လို့ ရပါတယ် … ပဒေသာပင် ချည့်ပဲ ၂၄ ပင်ရပါတယ် … ကောက်လို့ရတဲ့ အလှူငွေ နဲ့ ဆန်၊ ဆီ ၊ အအေးများကို ပွဲလုပ်တဲ့ ၂၄ရက်နေ့မှာ လာသမျှ ဧည့်သည် ယုတ်၊ လတ်၊ မြတ် မရွေး ကျွေးမွေးဧည့်ခံလိုက်တာ အရမ်း  အားရ ကြည်နူးစရာ ကောင်းပါတယ် … တကယ့်ကို မြန်မာပြည်က ရွာလေးတစ်ရွာမှာ အလှူကြီး ကျင်းပ နေသလိုပဲ … တကယ်ပီတိဖြစ်မိတယ် … ရေစက်ချ တရားပေးတဲ့ အချိန်မှာလဲ ဘုန်းကြီးက(ဒီလို ခေတ်အခါ ကြီးထဲမှာ ဒီလိုပွဲကြီး ဖြစ်မြောက်အောင်မြင် သွားတဲ့ အတွက် ) မ တည်လှူဒါန်းသူများရော အဘက်ဘက်က ၀ိုင်းဝန်းလုပ်ကိုင်ပေးတဲ့ သူတွေရော ၊ လှူဒါန်းကြတဲ့ ဧည့်ပရိသတ်တွေကိုရော ကျေးဇူးတင်ကြောင်း အထပ် ထပ် ပြောနေရှာတော့ ဘုန်းကြီးကိုတောင် ပြန်အားနာနေမိတယ် … တကယ်တမ်း ကျွန်မ စဉ်းစားမိတာ လေးတစ်ခုက ဗုဒ္ဓသာသနာ စည်ပင်ပြန့်ပွားအောင် ဆောင်ရွက် နေရတဲ့ အလှူခံ ပုဂ္ဂိုလ် သံဃာတော်တွေ မှာလဲ ပြည်သူတွေကို အားကိုးမှီခို နေကြ ရတာမို့ ပြည်သူတွေ ကျန်းမာဖို့ ၊ လုပ်ငန်းဆောင်တာတွေ ကောင်း မွန်စေဖို့ သူတို့လဲ ဆုတောင်းမေတ္တာတွေ ပို့သပေးရင်း သာသနာ့တာဝန်တွေ ထမ်းရွက် နေရတာမို့ ပြည်သူတွေကလဲ ကုသိုလ်ရေးကို လက်မနှေးစေချင်ဘူး … ဒါမှလဲ ကျွန်မတို့ ဗုဒ္ဓသာသနာ ရောင်ဝါတန်ခိုး ဆထက်တိုးမှာ မို့လား … ကျွန်မ ငယ်ငယ်တုန်းက လူကြီးတွေ နောက်ကပဲ လိုက်ဖူးတာဆိုတော့ ဒီလိုမျိုး အလှူပွဲ ကြီးတွေကို မြင်ဖူးပေမဲ့ မသိနားမလည်ခဲ့ဘူး … ခုတော့ အားလုံးပြီးမြောက် အောင် မြင်သွားပြီ ဆိုတော့ စိတ်မော ၊ လူမောတာတွေ အားလုံးပြေပျောက်သွားပါပြီ … မပြီးမချင်းလဲ အလှူငွေ ပြည့်စုံအောင် ရပါ့မလား … စည်စည်ကားကားရော ဖြစ်ပါ့မလားနဲ့ အမျိုးမျိုး တွေးပူ နေမိသေးတယ် … ခုတော့ ထင်ထား တာထက် အဘက်ဘက်က ပြည့်စုံနေခဲ့တာ ကြောင့် ဘုန်းကြီး ကိုယ်တိုင်ကစလို့ ၀မ်းသာ ကြည်နူးနေတာ တွေ့ရတော့ ကျွန်မ အဖို့ ရာတော့ ပြောမပြတတ်အောင် ပါပဲ … ကျွန်မသူငယ်ချင်းများလဲ ကျွန်မနဲ့ အတူ ပီတိကုသိုလ် ခံစားနိုင်အောင်လို့ ပွဲတုန်းက ဓါတ်ပုံတစ်ချို့ကို တင်ပေးလိုက် ပါတယ် … ပဒေသာပင်က ၂၄ ပင်တောင်မှ ဆိုတော့ အကုန်မတင် တော့ပါဘူး … လှတဲ့အပင်လေးတွေနဲ့ ထူးထူးဆန်းဆန်း လုပ်ထား တာလေးတွေ တင်ပေးလိုက် တယ် … အိုးစည်တွေ ၊ ဒိုးပတ်တွေနဲ့ ၊သံချပ်သံတွေ ကြားရတော့ မြန်မာပြည် က ရွာလေးတစ်ရွာ ပြန်ရောက်သွားသလို အလွမ်းပြေရပါတယ် … အရမ်းလဲ ပျော်စရာ ကောင်းပါတယ် … တစ်ချို့လဲ ပဒေသာပင် ပို့ရင်းနဲ့ ကနေကြတာ အကတွေလဲ အစုံ အိုးစည်၊ ဒိုးပတ်ကိုလဲ ဒီဘက်ဓလေ့ နောင်၊ ပေ၊ နောင် တွေလဲ ပါသေးတယ် … ယိုးဒယား လူမျိုးတွေကလဲ ရှမ်းကြီး လူမျိုးက ဆင်းသက်လာတယ် ပြောကြတယ် … အဲဒီတော့ တချို့ ဓလေ့လေးတွေနဲ့ စကား အသုံးအနှုံး တူတာလေးတွေလဲ ရှိတယ် … အလှူအတန်း လုပ်တဲ့နေရာမှာကျ ကျွန်မတို့ ဗမာတွေနဲ့ မတူပြန်ဘူး … ရှမ်းနဲ့ ယိုးဒယားက နဲနဲ ဆင်တယ် … ဒီရောက်တဲ့ ဗမာတွေကတော့ ကျွန်မကြည့်လိုက်တာ ဟိုမရောက် ဒီမရောက်ပေါ့ … ဗမာ အက ကြည့် လဲ မဟုတ်၊ ရှမ်းလား ဆိုတော့လဲ မဟုတ် ယိုးဒယားလား ဆိုတော့လဲ မဟုတ် … ဒါပေမဲ့ အလှူပွဲမှာ တတ်သမျှ မှတ်သမျှနဲ့ ပျော်အောင် ဖန်တီးပြီး တီးဆို ကခုန်နေကြတာတွေ့ ရတော့ အလိုလို သူတို့ အပျော်တွေပါ ကူးဆက်ပြီး လာသမျှ လူတိုင်းရဲ့ မျက်နှာတွေ ပျော်ရွှင် လန်းဆန်း နေတာ ကြည့်ရင်း ကျွန်မတော့ တစ်နှစ် ပတ်လုံး မောထားသမျှ အမောတွေ ဒီတဒင်္ဂဟမှာ အကုန်ပြေသွား သလိုပါပဲ … သူငယ်ချင်း အားလုံး ကျွန်မ နဲ့ ထပ်တူ မဟုတ်တောင် နဲနဲ ဖြစ်ဖြစ် မြန်မာပြည်ကို အလွမ်းပြေစေချင်တဲ့ ဆန္ဒနဲ့ ဒီပို့စ်လေးကို တင်ပေး လိုက် ပါတယ်…

အဲဒီ ဘုန်းကြီးကျောင်းမှာ ရှိတဲ့ ဗုဒ္ဓရုပ်ပွားတော်ပါ ... အရမ်းသပ္ပါယ်လို့ ရိုက်ထားတာ .....

ပန်းပြင်ထားတာလေးလှလို့ ရိုက်ထားတာ ...

ဆွမ်းဟင်းပြင်ထားတာ ..( ကြက်သား ၊၀က်သား ၊၀က်စတူး၊ ငါး ပဲငပ်ပေါင်း ၊အစိမ်းကြော်၊ ငပိချက် နဲ့ အတို့)

သံဃာတော်များ ဆွမ်း ဘုန်းပေးနေပုံ ( အခြား ကျောင်းတိုက်များမှ ပင့်သံဃာ အပါး ၃၀ နှင့် အတူ )

ပဒေသာပင်ကို လှေပုံ ချိုးထားပြီး သယ်လာတဲ့ ပုံကလေးပါ ...

လှေပုံချိုးထားပြီး လှူဖွယ်ပစ္စည်းတွေကို လှေဝမ်းထဲမှာ အပြည့်ထည့်လို့ ရွက်တိုင်ကြိုးတွေမှာ ၀တ္ထုငွေတွေ သီးထားသေးတယ် ...လှေပေါ်မှာ ဘုရားဆင်းတုတော်အပြင် လှေဦးထိပ်မှာ ရှင်ဥပဂုတ္တ ကိုယ်တော်လဲ ပါသေးရဲ့.. စိတ်ကူးလေး ကောင်းလိုက်ပုံများနော် ...

                         ကျိုက်ထီးရိုးစေတီပုံ ချိုးထားတာပါ .. စလုပ်ခါစကတော့ ပီပြင်ပါတယ် .. သူတို့တွေ ထမ်းရင်း၊ ကကြရင်းနဲ့ ဓါတ်ပုံ ရိုက်တဲ့ အချိန်ကျ နဲနဲ တွန့် နေပါတယ် ... ( ဘာပဲ ဖြစ်ဖြစ် သူတို့တွေ လုပ်ငန်းခွင်တွေနဲ့ မအား လပ်တဲ့ကြားကတောင် စိတ်ကူးကောင်းလေးတွေ လုပ်တတ်လို့ ချီးကျူးမိပါတယ်..)

                               ဒီက ဓလေ့လေးတစ်ခုပါ ... သူတို့ ထိုင်းလူမျိုးတွေ ဘာ အယူလဲတော့ မသိဘူး .. (၉) ဂဏန်း အရမ်းကြိုက် ပါတယ် ... ပစ္စည်းဈေးနှုန်းတွေ ကပ်ရင်လဲ ၁၉ ဘတ် ၊၉၉ ဘတ် ၊ ၁၉၉ ဘတ် ၊ ဈေးများတဲ့ဟာတွေကိုလဲ ၁၉၉၉၀ စသဖြင့် ဈေးနှုန်းကပ်လေ့ ရှိပါတယ် ... ခုလဲ လာလှူတဲ့ ပဒေသာပင်ကို ငွေသားချည့်ပဲ သီးထားပြီး ( ၈၉၉၉) ဘတ် တဲ့ ...

 

 

 

 

 

                                 ပုံတွေက တင်မယ်ဆို အများကြီးပဲ ... ပဒေသာပင်ကလဲ ၂၄ပင်တောင်မှ ဆိုတော့လေ ... အလွမ်းပြေ ရုံ လောက်ပဲ တင်ပေးလိုက်တယ် ... လှေထွင်းထားတာလေး သဘောကျလို့ ရှေ့ကနေ ရိုက်ပြီး တင်ထားတာ ... အရမ်းပျော်စရာကောင်းသလို အဆင်ပြေတာတွေ မပြေတာတွေ နောက်ထားပြီး အားတက်သရော လှူဒါန်းကြတာ ကြည်နူးစရာ အရမ်းကောင်းလို့ပါ ... အားလုံးပဲ စိတ်ချမ်းသာ ပျော်ရွှင် နိုင်ကြပါစေ..

လကလေးရဲ့“ လင်း ”

                                တစ်ခုပြီးတော့ လာပြန်ပြီ… နောက်တစ်ခု …သူ လွန်နေပြီ … ရေးချင်အုံးဟဲ့ ဘလော့ဂ် ဆိုပြီး အမြင်ကပ်ကပ်နဲ့ များလားကွယ် … နောက်မရေးနဲ့ဆို မရေးတော့ပါဘူး… (ဒါနောက်ဆုံးပဲလို့ ချစ်ကြိုးတွေ ဖြတ်ကာ လမ်းခွဲ ..) ဟင် မှားသွားလို့ သီချင်းနဲ့ ရောသွားတယ် … ချစ်သယ်ရင်း လေးရေ … ဒါပြီးရင် ခွင့်တင်ပါတယ်… ၂၄ ရက်နေ့အထိ နာ မအားပါဘူး… အရှုပ်တွေ လုပ်နေပါ တယ်.. သြော် မဟုတ်.. အလုပ်တွေ ရှုပ်နေပါတယ် … ဘလော့ဂ်ရေးခြင်း၊ လည်ခြင်းတွေ ခဏ နားပါမယ် … ရတဲ့အချိန်လေး စီဘောက်စ်လေးတော့ လာချောင်းကြည့်ပါ့မယ် …

1. What is your name : လင်း (သိပြီးသားကို အင်္ဂလိပ်လို မေးလိုက် ၊ဗမာလို မေးလိုက်နဲ့ သူ့ဆီမှာ အလုပ် လျှောက်တာ ကျနေတာပဲ)

2. A four Letter Word : လွမ်းလောက်လို့လား ( မောင်စိန်ဝင်း (ပုတီးကုန်း) ရေးတာထင်တယ် .. ငယ်ငယ်က ဖတ်ဖူးတယ်..

3. A boy's Name : လင်းကြယ်ဖြူ ၊ လင်းငယ် ( လွင်မိုးတော့ ကြည့်မရတော့လို့ …)

4. A girl's Name : လင်းကြယ်စင် ( ဘလော့ဂ် နံမည် ဟုတ်ဘူးနော် …)

5. An occupation : လူမှုဝန်ထမ်း ( အဟုတ်မထင်နဲ့ သူများ accident ဖြစ်လို့ သွားကြည့်လိုက်တာ သွေးလဲ မြင်ရော မူးလဲသွားရော…း) အဲ မှန်တယ်ထင်ရင် ကိုယ့်ထမင်းကိုယ်စားပြီး ရှေ့နေလိုက်တဲ့ လူမှုဝန်ထမ်း တော့ ခဏခဏ ၀င်လုပ်မိလို့ ခေါင်းမပေါက်ရုံတမယ်…..)

6. A color : လင်းတဲ့ အရောင် ( လရောင်အလင်းလေးကိုလဲ အေးချမ်းလို့ သဘောကျတယ်… )

7. Something you'll wear : လီနင်ချည် အင်္ကျီ (အေးလို့ ၀တ်ရတာ တကယ်အဆင် ပြေတယ် … အကုန်လာ မေးပြီးတော့ လက်ဆောင်များပေးမလားလို့ တစ်ခါတည်း ကြော်ငြာ ၀င်သွားတာ …)

8. A food : လမုန့် ( ဟိုတလောက လာကျွေးနေလို့ လိုက်စားလိုက်သေးတယ် ..)

9. Something found in the bathroom : လပ်(စ်) ဆပ်ပြာ

10. A place : လွိုင်လင်၊ လင်းခေး ( ရှမ်းပြည်နယ်ထဲမှာ ရှိတယ်.. )

11. A reason for being late : လမ်းတွေ ပိတ်နေလို့ပါ.. :D

12. Something you'd shout : လိုက်မကြည့်နဲ့ !!!!!! ( အဟက် …တစ်မျိုးမထင်နဲ့… လမ်းထွက်လိုက်ရင် ပိုက်ဆံချေးချင်လို့ စောင့်နေတဲ့သူတွေကို ပြောတာ… )

13. A movie title : လမင်းသစ်ပင်

14. Something you drink : လိုင်ချီးစ်ဖျော်ရည် (တကယ်တမ်းတော့ မကြိုက်ဘူး … အနံ့ကြီး ကိုပဲ ခံစားလို့ မရဘူး… လီမွန်တီး သောက်ပြီးသားမို့ အပြောင်းအလဲ ဖြစ်အောင် ကြိတ်မှိတ် သောက်လိုက်တယ်…)

15. A musical group : လေဇီးကလပ်(ဗ်) { Lazy Club}

16. An animal : လင်းတ (လဒ) { တဂ်တဲ့ အကောင်ပြောတာ …သြော်..မှားလို့ မုန်းတဲ့ အကောင် ပြောတာ..}

17. A street name : လသာ ၊ လမ်းမတော် (ပြည်တွင်းဖြစ်ကိုပဲ အားပေးတယ်…)

18. A type of car : လန်ခရူဆာ ( Landrover မစီးချင်တော့လို့ Landcruser ထုတ်စီးတားD)

19. The title of a song : လာချင်ရင် အနီးလေး ( ပြောတော့ ပြောရှာတယ်… အသံသိပ် မထွက် လို့ ဆိုတဲ့

L ဆိုင်းဇီ ပြန်ဆိုထားတာ) လမ်းမကြီးရဲ့ဘေး ( ၀ိုင်းစုခိုင်သိန်း ဆိုထားတာ … မိန်းကလေး အဆိုတော် သိပ်မကြိုက်တဲ့ ကိုယ်က ခုတလော နားထောင်ပြီး တကယ်ကြိုက်နေတာ …)

20. A verb : လုနေသည် …(အချိန်တွေကို …)

                                ကဲ သယ်ရင်းရေ … ကျေနပ်သင့်ပြီ… မကျေနပ်ရင် နာ့ကို အသေသာ လာသတ် လှည့်ပါ တော့ … သိတဲ့ဟာတွေဆို ပိုလဲ ဖြေထားပေးတယ် ... သူကရေးလာတယ် …မေးလ်ထဲမှာ အရင်တစ်ခေါက် အင်္ဂလိပ်လိုရေးပြီးတော့ ကျန်တဲ့သူငယ်ချင်းတွေကို ပြန်မတဂ်လို့တဲ့… ဒီတစ်ခေါက် တဂ်ဖြစ်အောင် တဂ်ပါ ဆိုလာတော့ ချစ်သူငယ်ချင်း စကား အလေး ထားသော အားဖြင့် တဂ်လိုက်ပြီ ….. လူကြီး စာတွေပဲ ရေးပြီး တည်တည်တံ့တံ့ လုပ်နေတော့ တဂ်ချင်ပေမဲ့ မတဂ်ရဲတဲ့ အခင်ဆုံး သူငယ်ချင်းကြီးကို မတဂ်တော့ပါဘူး … ဒါကလေးဘွဲ့ ခံထားတဲ့ ကလေးမသာ (သြော် ... မဟုတ် ကလေးသာသာလေးတွေကိုပဲ တဂ်လိုက်ပြီ..)

၁။ လင်းငယ် (ဘုရားစာတွေ ဖတ်ပြီး ဘုန်းကြီးမ၀တ်ခင် ဒုက္ခပေးချင်လို့ပါ..)

၂။ လင်းကြယ်ဖြူ (ခုတော့ပျောက်နေတယ် .. အင်္ဂလိပ်လိုသူများတဂ်ထားတာ တွေ့လို ဗမာလို တဂ်ပါတယ် …) {ကြိုပြောထားတယ်နော် လ သမားတွေ နာ့ထဲက လာခိုးချနဲ့…}

၃။ အိမ်  ( ပြိုင်ပွဲလုပ်ပြီး သူပေးတဲ့ဆု သူပြန်ရတယ် ဆိုပြီး စိတ်ကြီးဝင်နေတဲ့ အိမ်ကလေးရေ … စဉ်းစားပါအုံး “ အ ” နဲ့ စတာတွေ ကျန်ခဲ့ရင် လာအော်မှာ…ရေးပြီးမှ တင်မဲ့အချိန်ပဲ သွားကြည့်လိုက်တော့ သူများတဂ်လို့ ရေးပြီးနေပြီ… ဇွဲတော့ မလျှော့ပါ … အင်္ဂလိပ်စာလုံး “ E ” ကလေးတွေ စဉ်းစားပြီး ရေးပါအုံး အိမ်ကလေးရေ … အဟက် .. ကျန်တဲ့ စာလုံးလေး လာအော်ချင်လို့ပါ…)

၎။ ချစ်တီး ( အားအားယားယား အာပြဲကြီးနဲ့ အိမ်တကာလှည့်အော်နေတဲ့ ဗုဒ္ဓရိပ်အောက် နေပါတယ် ဆိုတဲ့ အမှန်အကန် ချစ်တီး ကလေး )

၅။ ချမ်းလင်းနေ ( C for Chan တော့ တွေ့ထားတယ် …ဗမာလိုလေးပေါ့ကွယ်..မပြန်ခင် နှိပ်စက်ချင်လို့ပါ …)

၆။ သီဟ (ရင်ဘတ်ကြီးနဲ့ အပြည့်စဉ်းစားပေတော့ကွယ်…)

၇။ ညီညီ (လွဲတတ်ပါတယ် ဆိုတဲ့ လင်းကို ဇောက်ထိုးဖြစ်တဲ့ စကားပုံတွေ ဘလော့ဂ် ရအောင်လို့ စိမ်ခေါ်ထားသူ… ခရီးသွားပြီး ပြန်လာလို့ အားရင် ဒါလေးကို အရင်စဉ်းစား လိုက်ပါအုံးကွယ် … အင်္ဂလိပ်စာ ကျွမ်းသူဆိုတော့ အပိုဆုအနေနဲ့ နှစ်မျိုးလုံးရေးပေးပါ ..း)

၈။ ခွန်သဒ္ဒါ ( သူတို့ဆီမှာ အေးနေပြီ ဆိုတော့ ပျင်းနေမှာ စိုးလို့ …)

၉။ မေလေး (မအားလို့ နားနေရာ ရှာထားပါတယ်ဆို ဘယ်ရမလဲ တဂ်လိုက်ပြီ…)

၁၀။ သက်တန့် ( ဘလော့ဂ်ကျော်လို့ မရလို့ စိတ်ဓါတ်ကျနေရှာတဲ့ မောင်လေးကို အားနာပါးနာနဲ့ ကျော်ခွရခဲ့ရင် အတိုးနဲ့ နှစ်မျိုးလုံး ရေးပေးပါ …)

                                      
                                   ကဲ … အားလုံးမကျေနပ်ရင် သူငယ်ချင်း “ K ” ကိုသာ ၀ိုင်းပြီး အသေသတ်ကြပါ… ၂၄ ရက်နေ့ အထိ တကယ် မအားတော့ပါ …ကျန်းမာ ပျော်ရွှင်နိုင်ကြပါစေ…..

L For Linn

လင်းရေ...

ဘလော့ဂါ မဟုတ်တဲ့ငါက ဘလော့ဂါကြီး နင့်ကို tag game တစ်ခု လုပ်ချင်လို့ပါ။ အားရင်ရေးပေးပါနော်။ ငါရေးထားတဲ့ tag game ပို့လိုက်ပါတယ်။

                                                                  ဆိုပြီး သူငယ်ချင်း K က တဂ်လာပါတယ် …သူက Face Book account ရှိသူဆိုတော့ ခုတလော Face Book မှာ တဂ်နေကြတာလေးကို ကျွန်မဆီ မေးလ်ပို့ပြီး ရေးလာ ပါတယ်… (သိပ်တော့ မကျေနပ်လှပါ ... ကျွန်မလို မဖြစ်ညစ်ကျယ် အလကားရတိုင်း ရေးချင်တာတွေ လျှောက်ရေးထားသူကို ဘလော့ဂ်ဂါကြီး ဆိုပြီး ပြောလိုက်ကတည်းက ဒါသက်သက်နောက်တာပဲ....)သူက ကျွန်မရဲ့ အချစ်ဆုံးသူငယ်ချင်းတွေထဲက တစ်ယောက်ဖြစ်ပြီး ကျွန်မရေးတာတွေ စိတ်ဝင်စားစရာ ကောင်းကောင်း မကောင်းကောင်း အရသာ ရှိရှိ ၊ မရှိရှိ အမြဲ ထိပ်ဆုံးကနေ လာရောက် အားပေးတတ်သူမို့ ကျွန်မလဲ သူ့ဆန္ဒလေးကို ဖြည့်ဆည်းပေးချင်လို့ ရေးလိုက်တာပါ … သူစိတ်ချမ်းသာ မှလဲ ဖြစ်မှာလေ… အဆိုလေးတစ်ခုလဲ ကြားဖူးထားတယ် … ဘယ်သူ စိတ်ချမ်းသာမှ ဘာငြိမ်းချမ်းတယ် ဆိုလားပဲ…. အဲဒီတော့ပေါ့ …(ဆားချက်တယ်လို့တော့ မထင်ကြစေချင်ဘူး…အမှန်တော့လဲ ဆားချက်သလို ဖြစ်နေတယ်…)

1. What is your name : Linn

2. A four Letter Word : Love

3. A boy's Name : Lwin Moe ( ဘလော့ဂ်ဂါ သူငယ်ချင်းထဲမှာ လင်းကြယ်ဖြူ၊ လင်းငယ် နှစ်ယောက်တောင်မှ ရှိတာဆိုတော့ မျက်နှာလိုက်တယ် ရှိမှာစိုးလို့ လွင်မိုးကို သနားသဖြင့် ထည့်သုံးထားပေးတာ…)

4. A girl's Name : Laie Laie

5. An occupation : Lecturer  ( တကယ် ဟုတ်ဘူးနော်…)

6. A color : Lavender

7. Something you'll wear : Long Coat

8. A food : Layer Cake

9. Something found in the bathroom : Lolane Shampoo

10. A place : London

11. A reason for being late : Lost track of time

12.Something you'd shout : Listen up! ( Lecturer ဆိုတော့ အဲလို အော်တား)

13. A movie title : L’amore Roast

14. Something you drink : Lemon tea

15. A musical group : Linkin Park ( ကျွန်မနားထောင်တာ မဟုတ်ပါ...ကိုသားကြီးရဲ့ ဘလော့ဂ်ထဲမှာ သူ့ အကြိုက်ဆုံးအဖွဲ့ဆိုပြီး တင်ထားတာ  သွားရှာလာတာ.း)

16. An animal : Lion ( ဒါလေးများ ..သူငယ်တန်းကတည်းက သင်ရတယ်နော..း)

17. A street name : Lancaster Park

18. A type of car : Landrover

19. The title of a song : Leave out all the rest (ကိုသားကြီးတင်ထားတဲ့ Linkin Park သီချင်းပဲ.. တစ်ခု သွား ရှာတာ နှစ်ခုရလာတယ် ..)

20. A verb : Look

ကဲ…သူငယ်ချင်းရေ .. ကျေနပ်နိုင်မယ် ထင်ပါတယ်…

ကြည့်မိသော သတင်းများ(၁)

                  

                                ကျွန်မ ခုတလော ဖျားချင်သလိုလို … ဘာဖျားလဲဆို လွမ်းဖျား ( home sick ဆိုတာမျိုး ဖြစ်မလားပဲ )   အိမ်သေးသေးလေး  ကိုတင်  မဟုတ်ဘူး … ကျွန်မ မေမေ  အပြင်  ကျွန်မကို       မွေးဖွားခဲ့တဲ့

“ မြန်မာနိုင်ငံ” ဆိုတဲ့ အိမ် အကြီး ကြီးကိုရော လွမ်းနေသလိုလို … အဲဒီတော့ ဖျားချင်ချင် ဖြစ်လာရင် သတင်းလေးတွေ ထိုင်ကြည့်မိတယ် … ကြည့်မိတော့ မြန်မာနိုင်ငံလို့ နားစွန်နားဖျား မကြားလိုက်နဲ့ ခေါင်းက အလိုလို ထောင်လာချင်တယ် … ကိုယ့်ရဲ့ မွေးမေမေနဲ့ မခြားတဲ့ အမိမြေကိုး … ဘာ သတင်းပဲ ဖြစ်ဖြစ် စိတ်ဝင်စားနေမိတယ် … ကျွန်မနဲ့ နီးစပ်တဲ့မြေက သတင်းဆိုရင် ပိုလို့ စိတ်ဝင်စားမိတယ် … ခု သတင်းလေးကတော့ ပြီးခဲ့တဲ့ လထဲကဆိုတော့ ကြာပါပြီ … ဒါပေမဲ့ နောက်သတင်း တစ်ခုပါ ကြည့်မိရင်းကနေ အကြောင်းအရာနှစ်ခု ဖြစ်လာတော့ ပို့စ်လေး တစ်ပုဒ်လောက် ရေးချင်စိတ် ဖြစ်မိတယ်… သိပြီးသားတွေလဲ ဖြစ်ချင်ဖြစ်မှာပါ … ခုဟာက ကျွန်မ တွေးမိတာလေးတွေ ရေးကြည့်တာပါ…

                                 ထိုင်းနိုင်ငံမှာမွေး ၊ ထိုင်းနိုင်ငံမှာကြီးတဲ့ မြန်မာရွှေ့ပြောင်း အလုပ်သမားမိသားစုက သားလေး မောင်သောင်းဒီ အကြောင်းပါ … ယိုးဒယားလိုပဲ မှည့်ထားတာပါ (Mong Thongdee – မောန်ထောဝ်းဒီ ) ဖြစ်မယ် … ဗမာလိုတော့ မောင်းသောင်းဒီပေါ့ … ထိုင်းနိုင်ငံမှာပဲ ကျောင်းနေပြီး ဂျပန်နိုင်ငံ စက္ကူလေယာဉ်ခေါက် ပြိုင်ပွဲကို သွားရောက် ယှဉ်ပြိုင်ဖို့ ရွေးချယ်ခံရပေမဲ့ သူ့မှာ မြန်မာရွှေ့ပြောင်း အလုပ်သမားမိဘက မွေးထား တာမို့ ထိုင်းနိုင်ငံသား မှတ်ပုံတင် မရှိလို့ passport အတွက်တောင် ခက်ခဲခဲ့ရတယ် … ပထမ မြန်မာကလေးမို့ မြန်မာနိုင်ငံ ကိုယ်စားပြုပဲ ယှဉ်ပြိုင်ခွင့်ပေးမဲ့ သတင်းတွေ ထွက်လာခဲ့သေးတယ် … ကျွန်မတောင် အဲဒီ အချိန်က စဉ်းစား နေမိသေးတယ် … တရားမ၀င် အလုပ်သွားလုပ်တဲ့ မိဘများရဲ့ ကလေးမို့ မြန်မာပြည်ကရော ကြည်ကြည် ဖြူဖြူ ပြန်လက်ခံပြီး သူ့အိပ်မက်တွေ အကောင်အထည် ဖေါ်ခွင့်ရနိုင်ပါ့မလားပေါ့… နောက်ဆုံး ထိုင်းဝန်ကြီးချုပ်ရဲ့ ကောင်းမှုကြောင့် သွားခွင့်ရပြီး ယှဉ်ပြိုင် ခွင့်ရခဲ့တယ် … ထိုင်းနိုင်ငံမှာ စက္ကူလေယာဉ်လေးကို လေပေါ်မှာ 12 စက္ကန့်အကြာ ပျံသန်းနိုင်ခဲ့တာမို့ ဂျပန်နိုင်ငံကို သွားရောက်ယှဉ်ပြိုင်ဖို့ အရွေးချယ်ခံခဲ့ရပါတယ် … အစမ်း လေ့ကျင့်စဉ်မှာ 16.45 စက္ကန့်ကြာပြီး ၀င်ရောက်ယှဉ်ပြိုင်စဉ်မှာ 10.53 စက္ကန့် နဲ့ တတိယဆု ရရှိခဲ့ပါတယ် … ပထမများရခဲ့ရင် ၀န်ကြီးချုပ်က သူ့ကို လာတွေ့ဖို့ အားပေးစကား ပြောထားခဲ့တာပါ … အခုလဲ သူတို့ရဲ့ သိပ္ပံနှင့်နည်းပညာ ၀န်ကြီးဌာနက မောင်သောင်းဒီလေး ဘွဲ့ရတဲ့ ထိအောင် တာဝန်ယူပေးတဲ့ သတင်းကြားရတော့ ကလေးအတွက် ၀မ်းသာဂုဏ်ယူမိတယ် … သူ ပြိုင်ပွဲ မသွားပြိုင်ခင် သူ့စိတ်ခံစားချက်ကလေးတွေ ကြည့်ပြီး စိတ်မကောင်းလဲ ဖြစ်ရတယ် … သူ့ကို “ နိုင်ငံမဲ့ ” လို့ ပြောလိုက်တော့ သူ့မျက်လုံးထဲမှာ မျက်ရည်တွေ ၀ဲနေခဲ့ပါသတဲ့ … သွားစဉ် အချိန်ကလဲ temporary passport နဲ့ပဲ သွားခဲ့ရတာပါ … ခုတော့ ဒီကလေးက သူတို့နိုင်ငံက ဂုဏ်ထူးဆောင် ကျောင်းသားဖြစ်တဲ့ အတွက် နိုင်ငံသား တစ်ပိုင်း ဖြစ်သွားပြီလို့ မှတ်ယူလို့ ရတော့ နိုင်ငံမဲ့ ဆိုတဲ့ စကားလုံးလေး ပျောက်သွားတာမို့ သူ့အတွက် ၀မ်းသာပီတိ ဖြစ်မိတယ် … ထိုင်းနိုင်ငံသား ဖြစ်ချင်တဲ့ သူ့အတွက်ကလဲ ထိုင်းနိုင်ငံသား ဖြစ်တာသည်သာ သူ့အတွက် အကောင်းဆုံး ဖြစ်လိမ့်မယ်လို့ ကျွန်မတော့ ထင်မိတယ် … ဒီလိုတော်တဲ့ ကလေးဖြစ်နေတဲ့ အတွက် သူ့မှာ စိတ်ကူးတွေ ၊ မျှော်လင့်ချက်တွေ ရှိနေခဲ့တယ် … သူ့စိတ်ကူးတွေ အကောင် ထည်ဖေါ်နိုင်ဖို့ ဆိုတာလဲ ဒါမှ ဖြစ်မှာလေ … ကျွန်မ ထင်တယ် … လူတိုင်းနီးပါး ကိုယ့်နိုင်ငံ ၊ ကိုယ့်လူမျိုးကိုပဲ ချစ်ပြီး ကိုယ်ရေမြေမှာပဲ နေချင်ကြမှာပဲ … ဒါပေမဲ့ လူတိုင်းဟာ ကိုယ့်အကြောင်း နဲ့ကိုယ် ကိုယ့်ဘ၀ အသက်ရှင်ရပ်တည်မှုတွေ အတွက် ပုံစံအမျိုးမျိုးနဲ့ ရုန်းကန်နေကြရတယ် … မောင်သောင်းဒီလို ကလေးတွေနဲ့ မိဘတွေလဲ အပါအ၀င်ပေါ့ … တရားဝင် နေထိုင်ကြတာ ရှိသလို တရားမ၀င်တွေလဲ အများကြီးပဲ … တရားမ၀င် ရပ်တည်ရတဲ့ အခါ ကိုယ့်ဆီ ပြန်မယ် ဆိုတော့လဲ မလွယ် သူများဆီမှာ နေရတော့လဲ ကျီးလန့်စာစား တော်တော် စိတ်မကောင်းစရာတွေ တွေ့ရပြီး နိုင်ငံမဲ့ ဆိုတဲ့ နံမည်လေးတွေလဲ အလိုအလျောက် ရကြရတယ် … မောင်သောင်းဒီလေး ရွေးချယ်မှုကို အားလုံး နားလည်နိုင်လိမ့်မယ်လို့ ကျွန်မ ယုံကြည်ပါတယ် …. အဲဒီသတင်းတွေ (Thai channel ) တွေက လွှင့်တုန်းက ကြည့်လိုက်ရတာပါ …

                                 မောင်သောင်းဒီလေး အကြောင်း ဖတ်ချင်ရင် ဒီမှာ ဖတ်နော် ...

                             ခေါင်းစဉ်ကိုကြည့်ပြီးလဲ ၀မ်းနည်းပက်လက် မဖြစ်ကြနဲ့အုံး … အဲလိုမျိုးတွေ တကယ်အများကြီးပါ … စိတ်မကောင်းတာကလွဲလို့ ကိုယ်လဲ ဘာမှ မတတ်နိုင်တဲ့ အကြောင်းတရားတွေ ဖြစ်နေတယ် …

                              

                             နောက်သတင်းတစ်ခု ( dvb ) ကနေ October 5 ရက်နေ့က ကြည့်လိုက်ရတယ် … ဒီသတင်းကလဲ 4 လ ပိုင်းကတည်းက ဆိုတော့ တော်တော် ကြာပါပြီ … ကျွန်မက ဟိုးတစ်နေ့ကမှ ကြည့်လိုက်ရတာ … ပြန်ရှာဖတ်တော့ ပြီးခဲ့တဲ့ 4 လပိုင်းကတည်းက ဖြစ်နေတယ် … အဲဒါကတော့ Energy Globe ဆုကို ( Fire ) အတွက် မြန်မာနိုင်ငံက ရရှိ သွားကြောင်း တွေ့လိုက်ပါတယ် … မြန်မာနိုင်ငံ ဆိုပေမဲ့လဲ အဲဒီနေရာကလဲ ထိုင်း ၊မြန်မာ နယ်စပ်မှာ ရှိပြီး ထိုင်းနိုင်ငံထဲမှာ ရှိနေတဲ့ နေရာလေးပါ … ဆေးခန်းလေး ဖွင့်ထားပြီး မြန်မာ ရွှေ့ပြောင်း အလုပ်သမားတွေနဲ့ ဒုက္ခသည် စခန်းအတွက် အဓိက ဖွင့်ထားတာပါ … နေရောင်ခြည် စွမ်းအင်သုံး (Solar) ကို အသုံးပြုပြီး မီးအလင်းများလဲ ရရှိလို့ အခြား အရေးပေါ် ခွဲစိတ်မှုတွေလဲ အောင်မြင်စွာ ဆောင်ရွက်နိုင်သလို ဆေးသိုလှောင်မှု စနစ်အတွက်လဲ ကောင်းစွာ အထောက်ကူ ပြုနိုင်ခဲ့ပြီး အကျိုးများစွာ ဖြစ်ထွန်းခဲ့တဲ့ အတွက် (Energy Globe – Fire ) ဆုကို မြန်မာနိုင်ငံ နံမည်တပ်ပြီး ရရှိခဲ့ပါတယ် … ( Earth , Fire , Water , Air , Youth ) ဆိုပြီး ငါးဆု ရွေးချယ်ပေးအပ်ပြီးချိန်မှာ ( World Energy Globe ) ဆုကို တစ်ခါတည်း မဲပေးစနစ်နဲ့ အားလုံးအပြီးမှာ ထပ်မံရွေးချယ် ကြေငြာ ပါတယ် … မြန်မာနိုင်ငံကပဲ အားလုံးထဲမှာ 35% နဲ့ ဆုရရှိခဲ့ပြန်ပါတယ် … ကျွန်မလဲ ကြည့်နေရင်းနဲ့ (ကျွန်မတို့ မြန်မာနိုင်ငံကို သနားလို့များ မဲတွေ ထည့်နေကြသလားလို့ ) ကပေါက်တိကပေါက်ချာ တွေးမိရင်း ကိုယ့်ကိုယ်ကို ရယ်ချင်မိတယ် … သြော် … ကျွန်မကတော့ ဘယ်လိုပဲ ဖြစ်ဖြစ် ဆိုင်တာတွေ မဆိုင်တာတွေ အသာထားလို့ မြန်မာနိုင်ငံလို့ ခေါင်းစဉ်တပ် တပ်ပြီး ဆုရရှိတာကို ကျေနပ်ပီတိတွေ ဖြစ်နေမိသေးတယ် … မောင်သောင်းဒီလေးလဲ အခြေအနေအရ ထိုင်းနိုင်ငံသား ဖြစ်ချင်ပေမဲ့ အမှန်တကယ် မြန်မာမိသားစု (ရှမ်းတိုင်းရင်းသား) တွေကနေ ပေါက်ဖွားပြီး ကမ္ဘာသိ ထိုင်းနိုင်ငံသား ၊ မြန်မာလူငယ်လေး အဖြစ် ၀မ်းသာ ဂုဏ်ယူမိတယ် … မြန်မာနိုင်ငံလို့ ကြားလိုက်တဲ့ သတင်းတွေကြည့်ပြီး တွေးမိတာလေးတွေ ရေးလိုက်တာပါ…
                                      Energy Globe ဆုပေးတာလေးကို အသေးစိတ် ကြည့်ချင်ရင် ဒီမှာ ၀င်ကြည့်နော် … (Video ကြည့်ချင်ရင်ပေါ့ ) အားရင် အချိန်လေးပေးပြီး ကြည့်ကြည့်ပါ… ကိုယ်စားပြု ဆုတက်ယူတဲ့ အမျိုးသမီး ကျေးဇူးတင် စကားပြောရင်း ပြုံးပျော်နေတာ ကြည့်ပြီး အလွမ်းတွေပြေ သွားသလိုလိုပဲ …

စာဖတ်ကြည့်ချင်ရင် ဒီမှာ ၀င်ဖတ်ကြည့်နော် ....

ဖေဖေ

မေမေက ကျွန်မ အတွက် လမင်းကြီးဆိုရင်

ဖေဖေက နေမင်းကြီး ဖြစ်လိမ့်မယ်…

အမြဲတမ်း အလင်းရောင်တွေကို ပေးခဲ့တဲ့ ဖေဖေ

ခဏပဲ ဖြစ်ဖြစ်လွမ်းခွင့်တော့ ပေးပါ…

ဟိုး ငယ်ငယ်တုန်းကလဲ ဖေဖေ့ မျက်နှာ

ကမ္ဘာလုပ်ပြီး ပတ်သွားနေခဲ့ဖူးတယ်…

ခု တစ်ယောက်တည်း လျှောက်သွားရတဲ့အခါ

သမီးခြေလှမ်းတွေ အလဲလဲ အပြိုပြိုနဲ့

အားတင်းထားရတယ်ဖေဖေ…

ကျွန်မစိတ်ဓါတ်တွေ တစ်စစီ ပြိုကျပျက်စီးရင်လဲ

ဖေဖေပဲ တစ်စစီ ပြန်ကောက်ဆက်လို့

သမီးကို ပြန်ကောက်တပ်ပေးဖူးတာ သမီးမေ့မရပါ …

ကျွန်မ အသက်တွေသာ ကြီးလာတယ်…

စိတ်ဓါတ်တွေ မရင့်ကျက်နိုင်တဲ့ သမီး တစ်ယောက်ကို

ဘယ်နေရာရောက်ရောက် စိတ်မချတတ်တာ

ဖေဖေ့ အမှားမဟုတ်ပါ…

အသက်တွေ ကြီးလာပြီး

စိတ်ဓါတ်တွေ မရင့်ကျက်တဲ့ သမီးကလဲ

ဖေဖေ့ ရှေ့ရောက်ရင်

လောကကြီးအကြောင်း မသိတဲ့

ပီဘိ ကလေးငယ်လေးပါ…

ဖေဖေကလဲ ခွင့်လွှတ်အပြုံးတွေနဲ့

သမီးကို ရင်ခွင်ထဲမှာထား

ဆံပင်လေးကို သပ်ပေးလိုက်တဲ့အခါများ

လောကကြီးက ဘာနဲ့မှ နှိုင်းယှဉ်လို့ မရအောင်

သာယာနေပြန်ရော ဖေဖေ …

ဘယ်နေရာတွေပဲ ရောက်ရောက်

ဘယ်လောက်ကောင်းတဲ့ အစားတွေပဲ စားစား

ဘယ်လောက်ကြီး တိုးတက်ပါတယ်ဆိုတဲ့ ကမ္ဘာကိုပဲ သွားရပါစေ …

ဖေဖေ ရင်ခွင်လောက် သာယာပြီး လုံခြုံနိုင်တဲ့နေရာ

သမီး ရှာလို့ မတွေ့သေးပါ ...

မှတ်မိနေသေးတယ်ဖေဖေ…

ဟိုး….. မြို့ငယ်လေးဆီကနေ

လောကကြီးအကြောင်း ဘာမှမသိတဲ့

သမီး ကျောင်းသွားတက်တော့

စိတ်မချတဲ့ မျက်လုံးအစုံ

မျက်ရည်တွေ ၀ဲနေတာ

မြင်ယောင်နေတုန်းပဲ… ဖေဖေ

အဲလိုပဲ ဖေဖေ ခင်းပေးတဲ့ လမ်းပေါ်လျှောက်ရင်း

ဖေဖေ ဖြစ်စေချင်တဲ့ ပညာတတ် နံမည်လေးရလို့

အလုပ်ခွင်ထဲ ရောက်လို့ သွားပြန်တော့လဲ

ဖေဖေ့ရဲ့ မျက်လုံးထဲက အရင်တုန်းကလိုပဲ

မပြောင်းမလဲ စိတ်မချတတ်နေတုန်းဆိုတာ

သမီး သိနေတယ် … ဖေဖေ

သမီးကို မရိုက်ရက်ခဲ့တဲ့ဖေဖေ

လောကဓံရိုက်ချက်တွေ ခါးစည်း ခံနေရတော့

ရင်ထဲ မချိအောင်ပဲ… ဖေဖေ

မချိပေမဲ့ ဖေဖေ

လူတိုင်း တစ်နေ့ သွားရမဲ့လမ်း

ဖေဖေ့ သမီးဆိုတဲ့ ပီဘိကောင်မလေး

ပိုလို့ မစွမ်းတာ ခွင့်လွှတ်ပါ … ဖေဖေ...

ခုတော့ သမီးတစ်ယောက်တည်း

ဖေဖေမပါပဲ လျှောက်တဲ့လမ်း

ဆူးခင်းလမ်းကို ကြုံလဲ ပြုံးပြုံးလေးနဲ့ ဟန်လုပ်လို့

ဖေဖေ သင်ပေးထားတဲ့

လောကနီတိလေးကို ရင်မှာထား

သမီး လျှောက်သွားနေရတယ်…ဖေဖေ

ပန်းခင်းလမ်းနဲ့ တွေ့တော့လဲ

ဖေဖေပြောတဲ့ ဘ၀မီးပွိုင့်ကြီးကို သတိရလို့

စိမ်းပြီးရင် ၀ါ ၊ ၀ါပြီးရင် နီမှာ သဘာဝမို့

တအား မပျော်ရဲ ခဲ့ပါဘူးဖေဖေ…

စိတ်တွေ ဆောက်တည်ရာမရတဲ့အခါ

ငိုစရာ ဖေဖေ့ရင်ခွင်မရှိတော့ပေမဲ့

ဖေဖေ သင်ပေးတဲ့ လောက သင်ခန်းစာတွေ

ရင်ထဲ ထည့်လို့ လျှောက်သွားနေတတ်ခဲ့ပြီ … ဖေဖေ …

ကဲ … ဒါဆို … ဖေဖေ …

သမီးကို စိတ်မချတဲ့ မျက်လုံးတွေ စုံမှိတ်သွားတဲ့ အခိုက်

ဖေဖေ သွားမဲ့လမ်း အကောင်းဆုံး ဖြစ်မဲ့လမ်းကို

ဖြောင့်ဖြောင့်တန်းတန်း လျှောက်လို့လှမ်းပါ… ဖေဖေ…

သမီးလဲ ဘုရားရှိခိုးတိုင်း ဆုတောင်းလို့

ဖေဖေသွားမဲ့လမ်း ဖြောင့်တန်းပါစေ…

ကောင်းရာ မွန်ရာ ရောက်ပါစေ …

ရှိခိုးဦးခိုက် ကန်တော့လိုက်ပါတယ်…ဖေဖေ

                          ကဗျာထဲက ကျွန်မကို စိတ်မချတတ်တဲ့ ကျွန်မရဲ့ဖေဖေ ကျွန်မကို စိတ်ချလက်ချ ထားပစ်ခဲ့တာ ဒီနေ့ဆို ရှစ်လ တင်းတင်းပြည့်သွားပြီ… ကျွန်မရဲ့ နောင်မှရတဲ့ နောင်တလေး အကြောင်းပါ... ကျွန်မလိုမျိုး မကြုံရအောင်ပါ … ကျွန်မ ဖေဖေ နေမကောင်းဘူးလို့ အိမ်က ဖုန်းဆက်လာတော့ အမြဲတမ်း ကျန်းမာရေး ကောင်းတတ်တဲ့ သူဆိုတော့ အရမ်းကြီးဖြစ်တယ်လဲ မထင်ထားခဲ့ဘူး… ကျွန်မ ဖေဖေက အသက်သာ ၇၅နှစ် ရှိလာတယ် … အဖျားအနာ သိပ်မရှိခဲ့ဘူး… သူ့ကိုယ်သူလဲ အမြဲ လူငယ်လေး တစ်ယောက်လိုပဲ နံနက် မိုးလင်းရင် လ္ဘက်ရည်ဆိုင်လေး ထိုင်လိုက်ရမှ ( အိမ်က ဘယ်လောက်ကောင်းတဲ့ ကော်ဖီမျိုးပဲ ဖျော်ဖျော် ဆိုင်က လ္ဘက်ရည်ကမှ ပိုပြီး အရသာရှိတာလို့ ထင်တတ်သူပါ..) လ္ဘက်ရည်ဆိုင် ထိုင်တဲ့ အရသာကိုပဲ ကြိုက်တာလား … လ္ဘက်ရည်ကိုပဲ ကြိုက်တာလား ကျွန်မ သေချာမသိခဲ့ဘူး… ကျွန်မ သိတာတော့ ကျွန်မရန်ကုန်ကို ပြန်ရောက်တဲ့ အချိန်တိုင်း လ္ဘက်ရည်ဆိုင်ထိုင်ဖို့ မဲဆွယ်လေ့ ရှိတယ် .. ရန်ကုန်မှာ တစ်နေရာရာ မသွားလိုက်နဲ့ .. သွားလိုက်လို့ ဘယ်မြို့နယ်ထဲက Lucky Seven လ္ဘက်ရည်ဆိုင်ပဲ တွေ့တွေ့ ထိုင်လိုက်ချင် သေးတယ် … ဆူးလေ နား အကြောင်းကိစ္စ ရှိလို့ သွားရင်လဲ မင်္ဂလာ လ္ဘက်ရည်ဆိုင်ထိုင်ရအောင် ဆိုပြီး မမေ့မလျော့ သတိပေးတတ်တယ် … (အဲဒီလောက် လ္ဘက်ရည်ဆိုင် ထိုင်ချင်သူ) နေမကောင်း ဖြစ်နေတဲ့ ကြားကတောင် လ္ဘက်ရည်ဆိုင် သွားချင်တယ် ပြောလို့ ကျွန်မရဲ့ အစ်မနဲ့ သူ့မြေးကို ခေါ်ပြီး ရွှေဂုံတိုင်က “Lucky Seven” လ္ဘက်ရည်ဆိုင် သွားပြီး ပြန်လာလို့ အိမ်လဲ ရောက်ရော မူးလဲ သွားတာ သတိလစ် သွားခဲ့တယ်တဲ့ … အဲဒီ အချိန်ထိလဲ ကျွန်မ မရောက်သေးဘူး… မနက်ပိုင်းဖြစ်လို့ ဖုန်းဆက်ပြီး ညပိုင်းကျ သတိပြန် ရလာတော့ သိပ်စိတ်မပူခဲ့မိဘူး … နောက်နေ့ ကျလဲ ကျွန်မနဲ့ ဖုန်း ပြောနိုင်သေးတယ် ဆိုတော့ ကျွန်မလဲ ခပ်ပေါ့ပေါ့ ပေါ့… ကျွန်မ အစ်မတော် တွေကိုတော့ မပေါ့ဖို့ ဆေးခန်း သွားပြဖို့တွေ တိုက်တွန်းရင်းနဲ့ ဖုန်းနဲ့ပဲ ကျွန်မ မှာနေခဲ့မိတယ် … ဆေးခန်း သွားပြတော့ လိုအပ်တာတွေ စစ်ဆေးပြီး ဆရာဝန်က ဆေးရုံတက်ဖို့ တိုက်တွန်းပါတယ် … ဖေဖေကလဲ ကျွန်မ အဖေပီပီ ခေါင်းမာစွာနဲ့ ပေကပ်ပြီး မတက်ခဲ့ဘူး… အိမ်မှာ ဆေးသောက်ရင်းနဲ့ မသက်သာပဲ သူ့ဝေဒနာတွေ နာကျင်တဲ့အခါ ညဆို မအိပ်နိုင်ပဲ ကယောင်ကတန်းတွေ အော်နေခဲ့တယ်ဆိုပြီး အိမ်က ဖုန်းဆက်လာပါတယ် …(ကျွန်မကို ဒုက္ခများတယ် .. မမှာနဲ့လို့ ပြောတဲ့ ကြားထဲက ) ကျွန်မ အစ်မက လာရင် ကောင်းမယ်ဆိုမှ အလုပ်တွေ ကမန်းကတန်း ဖြတ်ပြီး ရောက်သွား ပါတယ် … ကျွန်မရောက်တယ် ဆိုရင်ပဲ ရောက်ကြောင်း ပြောပြီး “ ဖေဖေ ဆေးရုံတက်မှ ဖြစ်မယ် … အိမ်မှာ ဒီလို ဝေဒနာကြီးကို ခံစားနေလို့ ဘယ်ဖြစ်မလဲ … ဆေးရုံတက်ပြီး လိုအပ်တဲ့ ကုသ မှုတွေ ခံယူလိုက်မှ နေကောင်းမှာပေါ့ ” ဆိုပြီး ကျွန်မ ပြောတော့ နှစ်ခွန်း မတိုက်တွန်းလိုက်ရဘူး … ချက်ချင်း တက်မယ် ဆိုတော့ သင်္ကန်းကျွန်း စံပြဆေးရုံကြီးမှာ တင်ဖြစ်တယ် … ဆေးရုံ ရောက်တဲ့ညပဲ သတိလစ်သွားလိုက်တာ ဆရာဝန်တွေ အတော်ဂရုစိုက်ပြီး ကုသလိုက်တာ နှစ်ရက်လောက် နေတော့ ပြန်သတိရလာပေမဲ့ တစ်ခါတစ်လေလဲ ကျွန်မတို့တွေကို ကောင်းကောင်း မသိသလိုပဲ … ကျွန်မရဲ့ အစ်မကလဲ မောင်နှမတွေ အကုန်စုံလင်စွာ ရောက်လာကြပေမဲ့ မပြောနဲ့ …ဘယ်သူဘယ်ဝါ ဆိုတာတွေကို … ခုချိန်မှာ ဘုရားစာရွတ်ပေး ၊ ဘုရားတရားကြောင်းပဲ ခေါင်းထဲ ရောက်ပါစေဆိုလာတော့ သူပြောတာလဲ မှန်ပါတယ်ဆိုပြီး ဘာမှ ပြောဖို့ အခွင့်အရေး မရှိခဲ့ဘူး … စံပြဆေးရုံကလဲ သူတို့အပိုင်းက ဒါလောက်ပဲ တတ်နိုင်တယ် … ရန်ကုန် ဆေးရုံကြီးမှာ ထပ်သွားပြပါ ဆိုလာတော့ ကျွန်မတို့ ရန်ကုန်ဆေးရုံကြီးကို ရွှေ့ခဲ့ရပြန်တယ် … အဲဒီမှာ ဆေးသွင်း ဆေးတိုက်နေရင်း တစ်ပါတ်လောက်နေတော့ ကျွန်မတို့ကို စိတ်ချလက်ချ ထားပြီး ထွက်သွားခဲ့ပြီ … အဲလိုနဲ့ ရန်ကုန်မှာ ဆေးရုံတက်တာ နှစ်ပါတ်လောက်နဲ့ ရက်လည်ပြီးလို့ လလည်ဆွမ်းသွတ်တဲ့ အထိနေလိုက်တာ နှစ်လလောက် ကြာသွားတယ် … အဲဒီ နှစ်လကို ဖေဖေရှိနေတုန်း နေမကောင်းစ ဖြစ်ကတည်းက သွားလိုက်ရင် ကျွန်မဖေဖေနဲ့ စကားတွေ ပြောရအုံးမှာ … ခုတော့ ကျွန်မပေးတဲ့ အချိန်နောက်ကျလို့ စကားပြောခွင့် မကြုံခဲ့ဘူး.. အကြောင်းပြချက် ကတော့ အလုပ်မအားလို့ဆိုတဲ့ ခေါင်းစဉ်နဲ့ပေါ့ … စဉ်းစားကြည့်တော့ နောင်တတွေ တပွေ့တပိုက်နဲ့ အလုပ်ဆိုတာ ကိုယ်မသေမချင်း လုပ်ရမဲ့အရာပဲ ဆိုတာ နားလည် လိုက်ရတယ် … အချိန်ကာလကို မခွဲခြမ်းတတ်တော့ နောင်တဆိုတဲ့ အရာတွေကိုပဲ လက်ခံ ရရှိလိုက်ရပါတယ် … ( ကျွန်မဖေဖေ ကောင်းရာသုဂတိ လားပါစေလို့ ဆုတောင်းရင်း….. သီတင်းကျွတ် အခါသမယမှာ ပိုလို့ သတိရနေမိတယ်…)

ပုံလေးကို  ဒီဆိုက် ကနေ ကူးယူအသုံးပြုပါတယ် ..

စိတ်

သီတင်းကျွတ်ပြန်ပြီ …

နှစ်ဟောင်းတွေက လွန်မြောက်

နှစ်သစ်တွေ ရောက်ရောက်လာပေါ့ …

အသက်တွေက တားမရ

များပြားလှတဲ့ စိတ်အစာအဟာရတွေကလဲ

ကမောက်ကမပေါ့ …

ဗျောက်အိုးထဲက ယမ်းဘ၀နဲ့

တစ်ခါ တစ်ခါ ၀ုန်းဒိုင်းကြဲလို့

ပေါက်ကွဲ ထွက်ချင်သား …

ဘောင် ဆိုတဲ့ စည်းကလနားတွေ ကြားမှာ

ယမ်းတွေပဲ ပြည့်အောင်သိပ်လို့

စနက်တံ ထည့်ဖို့ မေ့နေခဲ့ပါလား …

                         ဒီမှာတော့ သီတင်းကျွတ်ပြီ ဆိုတာနဲ့ တဖောင်းဖောင်း တဒိုင်းဒိုင်း ဗျောက်အိုးတွေ ဖောက်နေ လိုက်ကြတာ ကလေးတွေလဲ ပျော်လို့ ဆူညံပွက်လော ရိုက်နေတာပဲ … မကျွတ်ခင်ကလဲ ဖောက် တာပဲ … ဘာရာသီ ဘာပွဲလုပ်လုပ်လဲ ဖောက်ကြတယ် … နောက်ဆုံး အသုဘချတာလဲ ဖောက် ကြတယ် … (ဓလေ့ ပေါ့နော်..) မီးရှူး ၊ မီးပန်း တွေလဲ ဖောက်ကြတယ် …ပြီး မီးပုံးပျံတွေကလဲ ကောင်းကင်တစ်ခုလုံး ဟိုဒီပျံဝဲလို့ … (ကြီးကြီး ၊သေးသေး အရွယ်အစား အစုံနဲ့ ) ဗျောက်အိုး တွေကလဲ ကလေး ၊ လူကြီး အရွယ်စုံ ဖောက်လို့ရအောင် အမျိုးမျိုး … ဖောက်လိုက်ကြတာလဲ နေရာစုံ အသံအစုံနဲ့ ဆိုတော့ မြင်နေရတဲ့ စိတ်ကလေး အစိုးမရပုံများ ဗျောက်အိုးတွေလဲ အားကျသလို ရှိလိုက်မိသေး … (သြော်..စိတ်.. စိတ်..)

အဖြေ

ဘာဖြစ်တာလဲ …

စဉ်းစားမရ 

ဒါက သူများ မျက်စိကျစရာ

ဈေးကွက် စီးပွားရေးစနစ်တဲ့လား …

တွေးလို့ဖြင့် မ၀ံ့ရဲ

ကြုံလို့ဖြင့် မယုံချင်

ကျွန်မလဲ နားမလည်

တိမ်ရဲ့ ဖ၀ါးအောက်

မူးမှောက် သွားလိုက်တာ …

ကျွန်မတို့မှာတော့ အထွဋ်အမြတ်

ယုံကြည် ကိုးကွယ် အားထားစရာအမှတ်မို့

ဗုဒ္ဓ မြတ်စွာ ဘုရားရှင်ဆိုတဲ့

ကိုယ်တော်မြတ်ကိုတော့ မထိခိုက်စေချင်

ခုတော့ ဗုဒ္ဓလဲ မနေသာ

အသုံးတော်ခံ ဖျော်ဖြေနေရတာ

တွေးကြည့်တိုင်း ဘ၀င်မအေး

ရင်လေးနေလိုက်တာ…

အင်း …ဒါပေမဲ့

ခေါင်ကမှ မိုးမလုံ

တံစက်မြိတ်က ဘယ်လိုလုံနိုင်ပါ့

ကျွန်မ အဖြေရှာမရတဲ့

စက်တင်ဘာလရဲ့ သာဓကတွေပေါ့…

အဖေဆိုတာ ရင်ထဲမထား

သူ့သားတွေလဲ မညှာတာ

သူတို့ရင်ထဲ ကိန်းအောင်းနေခဲ့တာ

ဗုဒ္ဓမစစ်တဲ့ သွေးဆိုးသွေးညစ်တွေမို့

ပြောင်းလဲပစ်ဖို့ မဖြစ်တာ

 အဖြေမှန် ဖြစ်နေခဲ့မလား
စဉ်းစားကြည့်မိတာ ....

                          ကျွန်မ ဒီလင့် လေးကို ဘလော့ဂ်တစ်ခုမှာ လာချထားတာတွေ့လို့ သွားဖတ်ကြည့်ဖြစ်ပါတယ် … နံမည်ကြီး အီလက်ထရောနစ် ကုမ္ပဏီ (Apple) က ဗုဒ္ဓ ရုပ်ပွားတော်နဲ့ ပဉ္စ၀ဂ္ဂီငါးဦး တရားထူးဟောကြားနေပုံကို သူတို့ ဖုန်း ကြော်ငြာထားတာတွေ့တော့ တော်တော် စိတ်မချမ်းမသာ ဖြစ်မိတယ် … ဒါကြောင့် အဖြေရှာရင်း ကဗျာလေး တစ်ပုဒ်ရေးလိုက်တာပါ …

                             အဲဒီ လင့် မှာလဲ ဖတ်မိတဲ့ ဗုဒ္ဓဘာသာ မြန်မာလူမျိုးတွေက မခံမရပ်နိုင်ပဲနဲ့ ဆဲထားတာတွေ တွေ့ရပြန်တော့ ပိုလို့ စိတ်မချမ်းမသာ ဖြစ်မိတယ် … သူတို့ အမှားက ကိုယ့်အမှားတွေ ဖြစ်ကုန်ပြန်တယ် … ဘယ်လိုပဲဖြစ်ဖြစ် ကမ္ဘာမှာ မြန်မာဆိုတာ ယဉ်ကျေးမှု အရှိဆုံးဆိုတဲ့ ဂုဏ်လေးတွေပါ ပျောက်ကွယ် သွားမှာ စိုးမိတယ် … ကိုယ်က ဗုဒ္ဓဘာသာဝင် စစ်စစ်တွေ ဖြစ်တဲ့အတွက် ကံ၊ ကံ၏ အကျိုးတရားကို ယုံကြည်တဲ့ အလျောက် သူတို့ပြုတဲ့ကံ သူတို့ခံစေရင်းနဲ့ အမှား၊အမှန် ဝေဖန်ပိုင်းခြားနိုင်သူများ ဖြစ်စေဖို့ပဲ ဆုတောင်းမိပါတယ် …